Matendelelu 5:33 - O Mikanda Ikola

³³ Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.

Matendelelu 5:33 ပူးပေါင်းရင်းမြစ်များ

I Jisobha 3:14

Se-phe eie uenda mu njila jami, hé u aiuka o ijila iami ni itumu iami, kala ki endele jinge tatʼenu Davidi, eme-phe ue ngi ku vudisa o izuua ia muenhu ué.

II Jisobha 17:37

Ni mabatuilu, ni jingonge, ni itumu, ni ijila ioso ia mi sonekena, ki bhinga mu kala ni muanu ua ku i aiuka izuua ioso; kana ku teketela jinzambi jengi.

I Malunda 28:8

O kiki-phe, bhu pholo ia anʼa oso a Izalaiele, o kionge kia ngene kia Jihova, ni mu mátui ma Nzambi ietu, nga mi tendelela kuila alukenu, mu sote jinga o ijila ia Jihova, Nzambi ienu, mbé o ixi iambote íii mu tene ku ivua, ni mu i lunduise anʼ enu hinu à kèza ku dima dienu katé ku mivu ni mivu.

Jisálamu 119:6

Jisonhi-phe ki jeje ku ngi kuata, mukonda o itumu ié ioso nga i te muene muẋima.

Jisálamu 37:11

Oso-phe alenduka, ene a lundula o ixi; A kala ku ngalasa ni kutululuka kuavulu.

Jisálamu 37:22

Kuma oso a a lungisa kuala Jihova, ene a lundula ixi; oso a êlesa kuala Muene, a xikamena ku a batula-bhu.

Jisálamu 37:29

Ixi-phe i xalela ku athu iá aiuka, ene a i lundula, muene mua tunga, o thembu iâ ki ibhu.

Jisálamu 37:34

Kinga kua Jihova, u kuate njila iê; muene u ku zangeleka kulundula ixi; kizuua ki batuka ió abhukumuka, eie u ki mona mesu.

Jisálamu 37:9

Mukonda oso a bhanga ima iaiibha, a xikamena ku a batula bhoxi; oso-phe a kinga Jihova, ene a lundula ixi.

Makatukilu 20:12

Bhana ujitu kua tatʼenu ni mamʼenu, phala izuua ié i vule, mʼoxi i ku bhana Jihova, Nzambi ié.

Jisabhu 3:1

Monʼami, ngonge iami ku i jimbe, o muẋima ué ubhake ijila iami.

Jelemiia 42:6

Kizuelu kiê, ki uabhiʼê mba ki ibhiʼê, dízui dia Jihova, Nzambi ietu, ku tua-nda ku ku tumikisa, diene di tua-nda kutumaka, phala tu muene-ku mbote, mu kutumaka dízui dia Jihova, Nzambi ietu.

Jelemiia 7:23

Maji eme nga a tendelele kiki, ngixi: Bhanenu mátui ku dízui diami, eme ngi kale ngi Nzambi ienu, enu mu kale mu mundu uami; endenu ni kuendela mu njila ioso i ngi mi tuma eme, nda mu bhanduluke.

Izekiiele 20:19

Kuma eme ngi Jihova Nzambi ienu; endelenu mu jingonge jami, muende ni kualuka o mabatuiluʼami, muie ni ku a bhanga.

Luka 1:6

Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

Efezo 6:3

phala ioso i kuende kiambote, u kole muenhu mu ngongo.

Matendelelu 10:12

Kiki-phe, eie u Izalaiele, ihi ia ku xindi Jihova Nzambi ié, oko ua ku edi ngó, uixi: Xila Jihova Nzambi ié, enda mu ikoka iê-muène, mu zole, enda jinga ni kusedivila Jihova Nzambi ié ni muxima ué uoso, ni muenhu ué uoso,

Matendelelu 11:9

phala mu kole muenhu mu ixi ia lokela Jihova ku i bhana jitata jenu, ni mbutu iâ; oxi izunzumuka lete ni uiki.

Matendelelu 12:25

Ku a dié-ze; bhanga muene kioso kiaiuka ku mesu ma Jihova, nda ubonge ujitu, ukale ni kuzediua nʼeie ni anʼé oso a-nda ku ku bhingana kioso eie ki u bhanga kiaiuka bhu pholo ia Jihova.

Matendelelu 12:28

O ki ngala kuzuelʼiki ivenu-kiu muene kiambote, mu ki lunde ku muxima, phala mu bonge ujitu, mu kale ni kuzediua nʼenu ni anʼenu oso ʼa-nda ku mi bhingana katé ku hádia ni hádia, kioso ki mu kuata kubhanga ima iaiuka ku mesu ma Jihova Nzambi ienu.

Matendelelu 22:7

uambula o màma, anga eie uxala ni tuana, phala u tunge u some, uvule izuua ia kukola o muenhu.

Matendelelu 29:8

Oxi anga tu a tambula-iu, etu tua i bhana akua Lubene ni akua Ngadi ni kaxaxi ka muiji ua Manasa, mu ubhinganu.

Matendelelu 30:16

Kuma ngala ku ku tendelela lelu, ngixi: Zola Jihova Nzambi ié, endela mu ikoka iê, ijiia iê bhaka-iu kiambote, ni jingonge jê, ni mabatuilu mê; se kiene ki u bhanga, u kala ni muenhu, u di sokolola u kala u munéne; o Jihova Nzambi ié ua-nda ku ku zediuisa mu ixi i ua-nda kubokona mu ku i vua.

Matendelelu 4:1

Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

Matendelelu 5:16

Bhana ujitu kua tatʼenu ni mamʼenu, kala kia ku tendelela Jihova Nzambi ié, nda u vule izuua ia kukola muenhu mu ngongo, u tunge usome mʼoxi ia ku bhana Jihova Nzambi ié.

Matendelelu 5:29

Uaué, taté! tamanu akala ni muxima uenhó, ua ku ngi xila, nu kuate kualuka o ijiia iami ioso, ku makumbi moso! phala a tunge a some, a mone mbote ni ene ni anʼâ, ku mivu ni mivu ki iene kúbhua!

Matendelelu 6:1

Ienhiʼii-phe iene o ijiia, ni jingonge, ni mabatuilu, a ngi tumu Jihova Nzambi ienu, ku mi longa-u. Imʼiii phala muende ni ku i kumbidila kioso ki mua kà tula mʼoxi i mua-nda kúvua.

Matendelelu 6:3

Ivua-phe kiambote, eie Izalaiele, tata! ta-ku muene muxima u i kumbidile, nda ubhanduluke kiasoko, u sokoloke muene kala kia ku ambela Jihova, Nzambi ia jitata jé, kioso ki ua kà bhiẋila mʼoxi izunzumuka o lete ni uiki.

Matendelelu 8:1

Ijila ioso i ngala ku mi tuma kizuua kia lelu, mu i kuata muene phala mu i kumbidile, mbé mu laie nda mu sokoloke, phala mu bokone mu kúvua ixi ia plometela Jihova ku jitata jenu ni mulôko.

I Timote 4:8

Mukonda o kudilonga nguzu ia mukutu, kubhanduluka kuê sai maji ki kua kidi; o kuxila Nzambi-phe, kubhanduluka kuê sai mu ima ioso; mukonda ku dielelesa ni ku muenhu iú ua kindala, ni ku muenhu ua kèza-ku.