Matendelelu 5:31 - O Mikanda Ikola

³¹ Maji eie-phe uxiala nʼeme bhenhabha, phala ngi ku ambele o ijiia iami ioso, ni jingonge ni mabatuilu, iene i uenda ni ku a longa ene o ku i aiuka, kioso kia kà bokona mʼoxi i nga-nda ku a bhana o ku i vua.

Matendelelu 5:31 ပူးပေါင်းရင်းမြစ်များ

II Jisobha 17:37

Ni mabatuilu, ni jingonge, ni itumu, ni ijila ioso ia mi sonekena, ki bhinga mu kala ni muanu ua ku i aiuka izuua ioso; kana ku teketela jinzambi jengi.

Makatukilu 24:12

Jihova anga u ambela Mozé, uixi: banda kunu ko kuami mu mulundu, u kale muenhomo; eme-phe ngi ku bhane ibasakasa ia matadi, ni ngonge ni kitumu, ioso i nga soneka, phala u kale mu ku a longa-iu.

Makatukilu 24:18

Mozé anga u bokona mu kaẋi ka dituta, u banda mu mulundu; Mozé anga u kala mu mulundu muenhomo makuinhi auana a izuua ni makuinhi auana a usuku.

Izekiiele 20:11

Eme nga a bhana o jingonge jami ni ku a londekeza o mabatuilu ami, a bhingi kuila se o muthu u mʼaluka, muene mua muena o muenhu.

Malakiia 4:4

Lembalala jinge-nu o ngonge ia Mozé selevende iami, i nga mu tendelela bhu Holebe phala akua Izalaiele oso, kuma iene o itumu ni mabatuilu.

Ngalásia 3:19

O Kitumu-phe a ki bhela-hi? Kitumu a ki bandekeza ku pholo kunu, phala kuidikiza o ima ioso iaiibhila Nzambi. Kiene ki nanga ngó katé bhuoso bhu ijila ió a mu bhele polomesa u tunda ku mbutu ia Mbalahamu. Kitumu a ki tumikisina ku ji-anju, ni ku muthu u di bhanga muzumbu uenda na-kiu.

Matendelelu 11:1

Zola-phe Jihova Nzambi ié, ukuate kualuka ni muanu o ima ioso ia ku tendelela, ni ijiia iê, ni mabatuilu mê, ni jingonge, ni itumu iê, izuua ioso.

Matendelelu 12:1

O jiji jene o jingonge ni mabatuilu u mua tokala ku kumbidila ni muanu uoso, kioso ki mua kà kala mʼoxi ia mi bhana Jihova Nzambi ia jitata jenu, phala mu xalele-na-iu mu izuua ioso ia muenhu uenu kulu dia mundu.

Matendelelu 3:18

Mu thembu ienhoio anga ngi mi tendelela luamukuá, ngixi: Oxi iii, Jihova Nzambi ienu ua mi bhakuila-iu muene, phala enu ku i vua; enu-oso mu mala ma nguzu mua-bhu o uoma, bhakatenu, mu bhite ku pholo ia jiphange jenu, anʼa Izalaiele.

Matendelelu 4:1

Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Matendelelu 4:45

Ene-phe o maumbangiʼama, ni jingonge, ni mabatuilu, ma tange Mozé ku anʼa Izalaiele, kia tundu ku Ijito;

Matendelelu 4:5

Mua mono-ze kuila nga mi longesa o jingonge ni mabatuilu, kala kioso kia ngi lekelela Jihova Nzambi iami; kiene-phe kiá ki mu enda jinga ni kubhanga mu ixi i mua-nda kubhingana.

Matendelelu 5:1

Mozé anga uixana Izalaiele ioso uʼambela, uixi: Îvua eie u Izalaiele, o jingonge ni mabatuilu u ngala ku mi tendelela lelu mu mátui menu, muile ni ku di longa-u ni ku ma lunda, mbé o ku ma bhanga.

Matendelelu 5:30

Ndé, kà a tangele kuila: Vutukenu, muie mu jibalaka jenu.

Matendelelu 6:1

Ienhiʼii-phe iene o ijiia, ni jingonge, ni mabatuilu, a ngi tumu Jihova Nzambi ienu, ku mi longa-u. Imʼiii phala muende ni ku i kumbidila kioso ki mua kà tula mʼoxi i mua-nda kúvua.