Matendelelu 5:27 - O Mikanda Ikola

²⁷ Inda bhiẋila kiá eie, uívue ima ioso i zuela Jihova Nzambi ietu; eie phala u tu tudile etu ioso kiá i zuela Jihova Nzambi ietu, etu ue o bhobho tu ku ívua muene, anga o kioso kia tange tu ki bhange.

Matendelelu 5:27 ပူးပေါင်းရင်းမြစ်များ

Makatukilu 18:20

uenda ni ku a longa o itumu ni ijiia, hé u a edikiza o njila ia tokala kuila, ni kikalakalu kia tokala kubhanga.

Makatukilu 19:8

O mundu-phe uoso anga etaiela kumoxi, exi: Ioso ia tange Jihova, iene i tua-nda kubhanga. Mozé anga u vutuila Jihova kioso kia zuela o mundu.

Makatukilu 20:18

Mundu uoso anga evua inuminu, a mono nzaji kutelaka, ni dízui a dʼivu dia koloneta, ni mulundu a u mono uala kuxongota dixi; mundu-phe kia mono ima iii a teketa, anga a bholoka, emanena ngó mu kanga.

Makatukilu 20:19

Anga ambela Mozé, exi: U tu zuelesa eie, tu ku ivue; kana dingi Nzambi ku tu zuelesa, phala ki tu fue.

Makatukilu 24:3

Mozé anga uiza u tangela o mundu maka moso ma Jihova, ni mabatuilu mê ma milonga; mundu uoso anga etaia ni dízui dimoxi, exi: Maka moso ma tange Jihova, ene muene u tu bhanga.

Jelemiia 42:5

Ene hê a vutuila Jelemiia, exi: Jihova a tu kale mbangi ia kidi ni ufiiele, bhu kaxi ketu, se tu kamba kubhanga kioso kiambe o kizuelu kioso kia-nda ku ku tumikisa na-kiu Jihova, Nzambi ié, kókuetu.

Jelemiia 42:6

Kizuelu kiê, ki uabhiʼê mba ki ibhiʼê, dízui dia Jihova, Nzambi ietu, ku tua-nda ku ku tumikisa, diene di tua-nda kutumaka, phala tu muene-ku mbote, mu kutumaka dízui dia Jihova, Nzambi ietu.

Matendelelu 5:26

Kuma tunde xahúlu, nanhi kiá ku xitu ioso ua tenene o kuívua dízui dia Nzambi ia muenhu, uenda ni kuzuelela mu kaẋi ka milengo ia túbhia kala ki tua mu ivuʼiki, anga ukola muenhu?

Matendelelu 5:28

Jihova phe kioso kievu o dízui dia izuelu ienu, kioso ki mua kexi ku ngʼambelʼemeʼ okio, Jihova u ngʼambela, uixi; O kia zuela o mundu iú nga kʼivu; azuela muene kiambote.

Jihebeleu 12:19

Ni mutendu ua koloneta, ni kinuminu kia dizui. Kioso o mundu kievu o dizui, a dionda kuila ki di tone dingi ku a zuelela né mbé kizuelu kimoxi ngó,

Josuué 24:24

Kifuẋi kia vutuila Josuué, exi: Etu tua-nda kubhikila muene Jihova Nzambi ietu, tu tumaka o dízui diê.