Matendelelu 5:26 - O Mikanda Ikola

²⁶ Kuma tunde xahúlu, nanhi kiá ku xitu ioso ua tenene o kuívua dízui dia Nzambi ia muenhu, uenda ni kuzuelela mu kaẋi ka milengo ia túbhia kala ki tua mu ivuʼiki, anga ukola muenhu?

Matendelelu 5:26 ပူးပေါင်းရင်းမြစ်များ

Dimatekenu 32:31

Dikumbi anga di mu tundila kioso kia katuka mu kubhita bhu Peniiele, kuma uala kuia ni kutenguna mukonda dia disokuelu dia kinama.

Dimatekenu 6:12

Ngana Nzambi anga u tala ixi, u mona kuma ia sekala; xitu ioso ia sebuluka mu kuenda kuê mu ngongo.

Jisálamu 42:2

Muenhu uami ua ngʼizala ni dinhota dia Nzambi, o Nzambi ia muenhu; kizuua kiahi ki nga kà bhixila, hé ngi di bhakula bhu pholo ia Nzambi?

Jisálamu 42:3

Muanha ni usuku, kúdia kuami masoxi; mbe iá ala ku ngi ta môndo izuua ioso, exi: Nzambi ié ua ku kala kuebhi?

Jisálamu 84:2

Muenhu uami moxi uala ni hânji, ua-lu sota muene kusénduka, mu kuinda kukala mu lumbu lua Jihova; ni muẋima uami, ni xitu iami, ia dikola ni vondadi ia eie u Nzambi ia muenhu,

Makatukilu 20:22

Jihova anga u ambela Mozé, uixi: Ambela anʼa Izalaiele, kuma: Enu mua ki mono muene kuila nga mi zuelesa tunde mu diulu mu ngala.

Izaía 40:6

Dizui-phe diambe: Dikole; muene-phe uixi: Ngi kola kima kiahi? Xitu ioso mukuâ ni iangu, o kuuabha kuê kuoso mukuâ ni itulu ia iangu mu mukáu.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Matesu 26:63

Jezú-phe ua di xibhê. Nganga ia dikota anga u mu ambela, uixi: Nga ku lokesa mu dijina dia Nzambi ia muenhu, tu tangele mba eie u Kristu, Monʼa Nzambi.

Jipoxolo 14:15

Enu jingana! Mu bhangela-hi kiki? Etu uetu tuala tu athu ni akuenu, o jihânji jene jimoxi! Tua mi bhana-phe o Jingolokela Jambote kuila mu-xa imʼ iii ia makutu, mu lunge kua Nzambi ia muenhu, ua tena kubhanga o diulu ni oxi, ni musanza ua kalunga, ni ima ioso iala-mu.

Loma 3:20

Mukonda mu ikalakalu i xinda o Kitumu, kana muthu u tena kulungila-mu ku mesu ma Nzambi. Kuma mu Kitumu, muene muthu muejidila kuila mukua ituxi.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Matendelelu 4:33

Mba kua kexi kiá muiji ua athu ua tenene kuívua dízui dia Nzambi u zuelela mu milengu iuama, kala ki ua dʼivu eiʼki anga u kola muenhu?

Matendelelu 5:27

Inda bhiẋila kiá eie, uívue ima ioso i zuela Jihova Nzambi ietu; eie phala u tu tudile etu ioso kiá i zuela Jihova Nzambi ietu, etu ue o bhobho tu ku ívua muene, anga o kioso kia tange tu ki bhange.

I Tesalonika 1:9

Kuma ene mudiâ a ki fumanesa kioso etu ki tuende mu kubokona mu ʼaxaxe kenu, ni kioso enu ki mua tu tambulula kiambote, enu mua biluka, muaxi o iteka, enu mua kane o ku di tuma ni Nzambi ia kidi, ia muenhu.

Josuué 3:10

Josuué uixi: Kiene ki mu kʼijidila, kuma Nzambi ia muenhu muala-nê muʼaxaxi kenu, mukonda muene sé ngó kufula, ua-ndu kaia bhu pholo ienu akua Kanana, ni Mahiti, ni Mahivi, ni Mapelezi, ni Jijidingaze, ni Mamodi, ni Majebuzi.

Afundixi 13:22

Manoua anga u ambela mukajiʼê, uixi: Tua-ndu fua, mukonda Nzambi tua mu mono mesu.

I Samuuele 17:26

Davidi anga u zuela ni mala a mu imanena, uixi: A mu bhanga kiebhi, uoso u jibha mukua Fidíxia iú, anga u katula o dilebhu dioso dia te muene kua Izalaiele? Kiiala kienhiki kia mukuadibôlo ku Fidíxia, mukua-hi muene, phala a tene kulebhula kiki o kilômbo kia Nzambi ia muenhu?