Matendelelu 5:25 - O Mikanda Ikola

²⁵ Maji o kiki-phe tua-nda kufuila-hi dingi ngoho? Mukonda o kitúbhia kiki, ngana, kia soko-bho ku tu jidisa; o ki tuila tuixi tuívue dingi o dízui dia Jihova Nzambi ietu, tua-nda kúfua muene.

Matendelelu 5:25 ပူးပေါင်းရင်းမြစ်များ

Dimatekenu 3:10

Muene uetaia, uixi: Ngevu dízui dié mu díbhia, uoma iú ua ngi kuata, kuma ngala tuẋi; eme nga suama.

Makatukilu 20:18

Mundu uoso anga evua inuminu, a mono nzaji kutelaka, ni dízui a dʼivu dia koloneta, ni mulundu a u mono uala kuxongota dixi; mundu-phe kia mono ima iii a teketa, anga a bholoka, emanena ngó mu kanga.

Makatukilu 20:19

Anga ambela Mozé, exi: U tu zuelesa eie, tu ku ivue; kana dingi Nzambi ku tu zuelesa, phala ki tu fue.

Ngalásia 3:10

Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!

Matendelelu 18:16

Kuma kiene-ze ki uabhingile kua Jihova Nzambi ié, bhu mulundu ua Holebe, bhu kizuua kia kuongama, uixi: Ki nga mesena kuivua dingi o dízui dia Jihova Nzambi iami, né-mbe ku di muena dingi o túbhia tuê tu kala kiki, kuma ngavula kúfua.

Matendelelu 18:17

Bhenhobho-phe Jihova u ngʼambela, uixi: O bhobho azuela muene kiambote, mu ioso ia tange.

Matendelelu 33:2

Uixi: Jihova uatulukila ku Sinai, iú ua bandela ku Seíle; ua lekujukila ni ku mulundu ua Palane, ueza ni kuinhi dia midi dia jisandu ku madilu mê kua kexile o kitumu kiauama túbhia phala ene!

Matendelelu 5:24

Muexi-phe: Tua mono kuma Jihova Nzambi ietu ua tu idikiza kijingo kiê, ni ukota uê, dízui diê tua dʼivu muene muʼaxaxe ka milengu; lelu etu tua mono kiua kuma Nzambi uzuelʼê ni muthu, maji muthu hé u kolʼê muene o muenhu.

Jihebeleu 12:19

Ni mutendu ua koloneta, ni kinuminu kia dizui. Kioso o mundu kievu o dizui, a dionda kuila ki di tone dingi ku a zuelela né mbé kizuelu kimoxi ngó,

Jihebeleu 12:29

Kuma kidi muene, Nzambi ietu tubhia tua uama, tu buikisa.