Matendelelu 5:10 - O Mikanda Ikola

¹⁰ maji ngi kuatela henda katé ku jimidi ja muiji ua iá a ngi zola, aiuka o ijiia iami.

Matendelelu 5:10 ပူးပေါင်းရင်းမြစ်များ

Jisálamu 103:17

Maji o henda ia Jihova-phe, ku i tunda, ku i ia, ki iene thembu; ia xalela ku thandu dia akua uoma uê; o ku kumbidila kuê ni ku mululu ni ku mulaula.

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Makatukilu 34:7

Jihenda jê ji nangenena ku jimidi ja miji, hé u loloka o kubhukumuka, ni kuxibhaka, ni ituxi, maji ka ẋikina-phe kueha muedi ni ku mu ila ualungu, o kubhukumuka kua jitata, ku bhiẋika kuxixima ku ana ni alaula, katé ku muiji ua katatu ni ua kauana.

Jelemiia 32:18

Eie jihenda jé uene muji kuatela jimidi ja vulu, anga u vutuila phonzo ia jitata bhu nzemba ia anʼâ anda ku a bhingana ene; Kutende! Nzambi ia kutena! Ua bhingi dijina diê muene Jihova dia Ilombo Ieta.

Daniiele 9:4

Anga ngi dionda Jihova Nzambi iami, nga di fisala, ngixi: U Nzambi ionéne, u kuatesa uoma! Eie uene mu kukumbidila o kikutu, u mukua ku kuatela henda kua ió oso a ku zola, hé aiuka o ijila ié;

Dialuilu 14:18

Jihova u kokoloka ku njinda, u vudila henda, u loloka ikuma ni itondalu; ka ẋikina-phe kueha muedi, ikuma ia jitata i bhiẋika kuxixima ku ana ni alaula, katé ku muiji ua katatu ni ua kauana.

Nzuá 14:15

Jezú uixi dingi: Se mua ngi zola, alukenu o ijila iami.

Nzuá 15:14

Enu mu makamba mami se mu bhanga ima ioso i nga mi tumu.

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

Matendelelu 7:12

Kià kala-phe kuila, enu o ki mu ivua o mabatuiluʼama, se mu ma bhaka kididi, anga mu ma kumbidila, ni Jihova Nzambi iénu ua-nda kusuina dingi kiengi mu ku kumbidila o kikutu ni kuenda ni ku mi bindumuna kiambote kala kia lokela jitata jenu.

Matendelelu 7:9

Tuma-phe ku kʼijiia, kuila o Jihova Nzambi ié muene Nzambi, Nzambi ia Fiiele; muene o mukua ku kumbidila o kikutu kiê kumoxi ni kukuata jihenda ji bhiẋila katé ku midi ia miji ia ió oso a mu zola, ene kualuka ijiia iê.

Tiiaku 1:25

Maji uoso-phe u bhana o matui ku kitumu kia tenena, o kitumu kía ufuôlo, anga u ki jijila, ka kala mukua kuivua nʼa jimbe-ku, maji u kala mukua kubhanga nʼa kumbidile, muenhú Nzambi u mu zediuisa mu ioso ia bhanga.

Josuué 22:5

Kima kimoxi-phe, kia mi fuama: kuatenu muanu ua kualuka kiambote o ngonge ni kitumu kia mi lekelela Mozé, ngunza ia Jihova; uixi; Zolenu Jihova Nzambi ienu, mu endele jinge mu jinjila jê muene, jingonge jê mu ji lange, mu zuame kua Muene, mu kuate jinge ku mu bhikila ni muẋima uenu uoso ni muenhu uenu uoso.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.