Matendelelu 5:1 - O Mikanda Ikola

¹ Mozé anga uixana Izalaiele ioso uʼambela, uixi: Îvua eie u Izalaiele, o jingonge ni mabatuilu u ngala ku mi tendelela lelu mu mátui menu, muile ni ku di longa-u ni ku ma lunda, mbé o ku ma bhanga.

Matendelelu 5:1 ပူးပေါင်းရင်းမြစ်များ

Jisálamu 78:7

Phala a kolokote kudielela kua Nzambi, mbé ka jimbe-ku dingi ku ikalakalu ia Nzambi, ka kambe kukuata ijila iê.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Makatukilu 18:20

uenda ni ku a longa o itumu ni ijiia, hé u a edikiza o njila ia tokala kuila, ni kikalakalu kia tokala kubhanga.

Matesu 23:3

Mukonda dia kiki, ima ioso ia mi ambela kubhanga, bhangenu-iu, alukenu-iu. Maji o ikalakalu iâ-phe, kana ku i kaiela, kuma a zuela, maji kene ku ki bhanga.

Matendelelu 1:1

Didi diene o dilûnda dia Mozé dia tela Izalaiele ioso, ku sámbua kunu dia Njolodá, mu kikangalakata kia Alabha, bhu kiphenza bhua lulama ni kizanga kia Sufe, bhu kaẋi ka Palane ni Tofele, ni Libano, Hazelote ni Dizahaba.

Matendelelu 11:1

Zola-phe Jihova Nzambi ié, ukuate kualuka ni muanu o ima ioso ia ku tendelela, ni ijiia iê, ni mabatuilu mê, ni jingonge, ni itumu iê, izuua ioso.

Matendelelu 12:1

O jiji jene o jingonge ni mabatuilu u mua tokala ku kumbidila ni muanu uoso, kioso ki mua kà kala mʼoxi ia mi bhana Jihova Nzambi ia jitata jenu, phala mu xalele-na-iu mu izuua ioso ia muenhu uenu kulu dia mundu.

Matendelelu 17:19

Anga ukala jinga na-kiu muene bhu mbandu iê, hé uenda ni kutanga-mu izuua ioso ia kala ni muenhu; nda a di longe kukala ni uoma ua Jihova Nzambi iê, phala alunde o izuelu ioso ia kitumu kiki, ni jingonge jiji, mbé o ku ji bhanga.

Matendelelu 28:15

Kia kà kala-phe kiki, o ki udituna kuividila o dízui dia Jihova Nzambi ié, anga ufula kulunda, ufula kubhanga o ima ioso ia xindi mu ijiia iê ni jingonge jê, ji ngala ku ku tendelela lelu, ua-nda kutala hadi ni mázui kala iá, a-nda kuiza ku thandu dié.

Matendelelu 29:10

Leluʼidi enu-oso muene muala bhu pholo ia Jihova Nzambi ienu; ni makota ma ibuka ienu, ni adiakime enu, ni jifixiiadi jenu, ni mala oso mu Izalaiele;

Matendelelu 29:2

Mozé anga uixana Izalaiele ioso, u a ambela uixi: Mua di muena kioso kia bhange Jihova mʼoxi ia Ijitu, ku mesu menu, kua Falaó, ni ku jiselevende jê joso, ni mʼoxi iê ioso.

Matendelelu 4:1

Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Matendelelu 4:49

Kumoxi ni manhana moso ma kexile ku sámbua kunu dia Njolodá, ku mbandu ia thunda katé ku musanza uabhela ku mikáu, ku luiji lua Ajidode-pisga.

Matendelelu 4:5

Mua mono-ze kuila nga mi longesa o jingonge ni mabatuilu, kala kioso kia ngi lekelela Jihova Nzambi iami; kiene-phe kiá ki mu enda jinga ni kubhanga mu ixi i mua-nda kubhingana.

Matendelelu 5:2

Jihova Nzambi ietu, uate kikutu nʼetu bhu Holebe.

Matendelelu 6:17

Kala kiki, kalenu ni muanu ua kualuka o ijiia ia Jihova Nzambi ienu; alukenu ue o ma-umbangi mê, ni jingonge jê jene ku mi lekela.

Josuué 1:8

Divulu didi, dia ngonge, ki di bhue mu kanu; kota u kala mu ku di banza jinga mu muanha ni mu usuku, mbebhu uijiie kubhanga ima ioso ni muanu kala kia i soneka muenhomo; kuma hé kiene ki u bhanga, uendelu ué u kala ua kubhanduluka, o kuenda kué ku kala kua madimu.