Matendelelu 4:9 - O Mikanda Ikola

⁹ Hé kima, di lange-phe ngó kiambote eie-muène, enda ni kuinga ue kiambote o muenhu ué, o ima i ua mono ni mesu mé ki i ku jimbe, ki i ku bhue ku muxima, enda ni ku i banza katé bhua kà suka o muenhu ué, uende ni ku i longesa ku anʼê katé ku mululu ni ku muláula.

Matendelelu 4:9 ပူးပေါင်းရင်းမြစ်များ

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

Jisálamu 119:11

Maka mé nga a kondeka moxi dia muẋima uami, phala eme ngi lémbue ku ta kituxi kokué.

Jisálamu 71:18

O ki nga kukʼiki, ngʼedi kiá bobòbo, ni jimvi mu mútue, kana dingi ku ngʼehelela, Ngana Nzambi; katé ki ngi longa o muiji iú ua lelu, kioso ki endesa o lukuaku lué, o oso ue a kèze-ku, nʼa kʼejiie ki kala o kutena kué.

Makatukilu 10:2

Eie muene hinu u ki tangela ue anʼé ni alaulʼé, ima ioso i nga kalakala mu Ijitu, ni ijimbuete iami i nga mu bhanga muʼaxaxe kâ phala mu kʼijiie kuma eme ngi Jihova.

Makatukilu 23:13

Ima ioso i nga mi tendelelʼiii, alukenu-iu; kana kutumbula nzambi jengi; o dijina diâ mu kanu dié ki di bhite-mu, mba ku ji banza ngó.

Jisabhu 1:8

Eie, monʼami, ivua ulongelu ua tatʼenu, kana kueha o ijila ia mamʼenu.

Jisabhu 23:26

Monʼami ngi bhane o muẋima ué, o mesu mé mʼende ni kuuabhela jinga o jinjila jami.

Jisabhu 3:21

Monʼami ima ienhiʼii ki i kubhue ku mesu; lunda o unjimu ua kidi, ni kukala ni kilunji kiambote.

Jisabhu 7:1

Eie monʼami, tata, aiuka maka mami, ijila iami kondeka-iu moxi dia muẋima ué.

Izaía 38:19

Kikale o athu ku muenhu, mukonda athu ku muenhu, ene ngó a ku ximana, kala eme ki ngala kubhanga leluʼiki. O tata, ua kʼejidisa o kidi kié-eie, u Nzambi, ku anʼê.

Izaía 42:20

Eie u mona muene ima ia nzungule, maji ku i lundu; né-mbe u kala ni mátui a jikuka, kuivu kima.

Jelemiia 17:21

Jihova uambe kiki: Langenu o mienhu ienu, kana ku-ambata kimbamba mu kizuua kia Sabhalu, né ngó ku i bokuesa bhu mielu iii ia Jeluzaleme.

Luka 8:18

Kala kiki, tumenu-phe ku kʼijiia kioso ki muívua! Mukonda uoso uala, muène a mu bhana; uoso ua kambe, a mu tambula katé ni kiki kia di fika o kukuata.

Efezo 6:4

Enu uenu mu jitata, kana kuthathamesa anʼ enu ni ku a kuatesa njinda. Maji mu a sasa ni ku a beta, ni ku a longa kioso kia tumu Ngana.

Matendelelu 11:19

Endenu ni ku a longa anʼenu; mu uzuelelu uenu ki mu xikama mʼonzo, kuatenu maka enhá; o ki mu kala mu kuenda njila, kuatenu maka enhá; o ki u zeka ku kilu, zeka ni maka enhá; o ki u balumuka ku kilu, balumuka ni maka enhá.

Matendelelu 12:1

O jiji jene o jingonge ni mabatuilu u mua tokala ku kumbidila ni muanu uoso, kioso ki mua kà kala mʼoxi ia mi bhana Jihova Nzambi ia jitata jenu, phala mu xalele-na-iu mu izuua ioso ia muenhu uenu kulu dia mundu.

Matendelelu 16:3

Bhu fesa ii kana kúdia mbolo i kala ni felemendu, sambuadi dioso dia izuua muenda ni kúdia jimbolo ja hângala, jimbolo ja dilamba, (mukonda mua tunda ni lusolo mʼoxi ia Ijito) jene ji mi lembalesa kizuua ki mua tundu ku Ijito; kienhiki nuka ki mi jimba, izuua ioso ia muenhu uenu.

Matendelelu 17:19

Anga ukala jinga na-kiu muene bhu mbandu iê, hé uenda ni kutanga-mu izuua ioso ia kala ni muenhu; nda a di longe kukala ni uoma ua Jihova Nzambi iê, phala alunde o izuelu ioso ia kitumu kiki, ni jingonge jiji, mbé o ku ji bhanga.

Matendelelu 29:29

Ima ioso iosuekeʼoio ima-phe iangene ia Jihova Nzambi ietu; o ioso ia di monekena ia tu tokala etu ni anʼetu, katé kiá ku hádia ni hádia. Phala tuende ni ku kumbidila o maka moso ma Kitumu kiki.

Matendelelu 31:19

Kindalʼiki-phe, enuʼenu di sonekenienu o mukumbi iú, muende ni ku u longa anʼa Izalaiele; tenu-u mu kanu diâ, kuma uene hádia u nga-nda kuelesa-na-u anʼa Izalaiele, uene u ngi kala mbangi iami mu ku a elêsa.

Matendelelu 32:46

ua ambela, uixi: Tenu-ku muxima ku maka oso u ngala ku mi bhela umbangi lelu, mu ma sambukise ku anʼenu, ene ue phala akale ni muanu ua ku kumbidila o maka moso ma kitumu kiki.

Matendelelu 4:10

Ku jimbe o kizuua ki uemanene bhu pholo ia Jihova Nzambi ié bhu Holebe, kioso kia ngi tangelele Jihova, uxi: Ngi bhonguelele o mundu iú, nga-nda ku a evisa maka mami, na mʼejiie, mbe o ku ngi xila jinga mu izuua ioso ia muenhu uâ, o bhuoso bhua kà tunga a ka ma longe uê anʼâ.

Matendelelu 4:15

Endenu-phe ni ku di langa kiambote o mienhu ienu, kuma enu kioso ki mua di kundile ni Jihova Nzambi ienu, bhu Holebe, ki mua muene-bhu kídifiua kia kima kioso-kioso muene kia mi zuelesele mu kaẋi ka túbhiaʼotho;

Matendelelu 4:23

Alukenu-phe, kana kujimba o kikutu kia te Jihova Nzambi ienu nʼenu; kana ku di songela kiteka kioso-kioso, mba ilúmbua ia ima ia mi kidika kuala Jihova Nzambi ienu.

Matendelelu 6:12

kienhokio-phe dimuka u di lange, Jihova kà ku-bhue ku muxima hé u mu jimba, Muthu ua ku katula mʼoxi ia Ijito, mu dibhata dia ubhika.

Matendelelu 6:2

Mbé u kuate kuxila Jihova Nzambi ié, ni kualuka o jingonge ni ijiia iê ioso, i ngala ku ku tendelela, eie, ni monʼé ni mululu ni mulaulʼé, izuua ié ioso i ukala ni muenhu; o mu ku ki bhanga-phe ua kà laia izuua iavulu.

Matendelelu 6:20

O monʼé-phe hádia kia kuibhula ku pholo ku ua kʼáia, uixi: O kiki-phe o ma-umbangi mosoʼama ni jingonge ni mabatuilu ma mi lekelela Jihova Nzambi ietu, kima kiahi kienhiki?

Matendelelu 6:7

Anʼé u a longa muene o ku a bhaka ni ku a kumbidila; o ki u xikama mʼonzo ié, banza maka enhá; o ki u kala mu kuenda njila, enda ni maka enhá; o ki u zeka, zeka ni maka enhá; o ki u balumuka ku kilu, kuata maka enhá.

Matendelelu 8:11

Alukenu-phe, ki mu landuke Jihova Nzambi ienu, anga mu takuila o ijiia iê bhoxi, ni mabatuilu mê, ni jingonge jê ji ngala ku mi tendelela leluʼidi.

Matendelelu 8:14

kana-phe ku di zangeleka miẋima ienu, ni mu jimbe Jihova Nzambi ienu, ua mi katula kʼoxi ia Ijito, ku dibhata dia ubhika.

Jihebeleu 2:1

Uila kiki, tua fuama tu kuata dingi muanu ua ima ioso ia kidi i tuevu, sumba se tu di ehelela, tu kunguluka.

Jihebeleu 2:3

Etu-phe tua kà lengela bhebhi, se o kubhuluka kuosʼ-uku kua tu kuata usudi? Ngana Jezú muène o kubhuluka kuku ua diànga kiá ku ku tanga, etu anga a tu kunda na-ku kuala ió a ku ivu, kuila kubhuluka kua kidi.

Tiiaku 2:22

Mua mono, kuma, o kuxikana kuê kua kalakala kumoxi ni ima ia bhangele. O mu ima ia bhangele, kuxikana kuê kua tenena.

Josuué 1:18

Uoso u bhukumukina kizuelu kié, mba u kamba kuívua ima ioso i u muambela, a kale muthu ua ku mu jibha; kia kate-ku eie ku kala u kindanda, u kole kiambote muxima.

Josuué 23:11

Kala kiki-phe, mienhu ienu langenu-iu muene kiambote, nda mu zole jinge Jihova Nzambi ienu.

Josuué 4:21

Anga uambela anʼa Izalaiele, uixi: Hádia, ku pholo ku muia, kioso anʼenu kia kʼebhula jitata, kuila: Matadi, enhá, edi kiebhi?

Dijingunuinu 3:3

Mukonda dia kienhiki, xinganeka-phe kioso ki ua di longa, kioso ki uévua. Aluka-ze, u diele ituxi ié. O ki u kamba kudilanga-phe, hinu ngi ku sanga kala muii, o ola ioso i ngi ku tutuuila ku i ijiia.

Afundixi 3:7

Anʼa Izalaiele anga a bhanga kiaiibha ku mesu a Jihova, kuma Jihova, Nzambi iâ, a mu jimbi hé a bhikila Jibaale ni iteka ia Jitalote.

Afundixi 8:34

Anʼa Izalaiele anga a fula kuxinganeka Jihova Nzambi iâ, ua a kudila jinga bhu lukuaku lua jinguma jâ, ku mbandu ni mbandu;