Matendelelu 4:6 - O Mikanda Ikola

⁶ O jingongʼiji mu ila ni ku ji langa ni ku ji kumbidila, kuma uene o unjimu uenu ni kutetuluka kuenu bhu mesu a ifuẋi; oso a-nda kuívua o jingonge josoʼiji, a-nda kuila: O mundu iú uónene, ni mu unjimu ni mu kutetuluka kamoneka soko diâ.

Matendelelu 4:6 ပူးပေါင်းရင်းမြစ်များ

I Jisobha 4:34

Ku miji ioso kueza jinga athu mu kuívua o kuijiia kua Solomá, o jisobha joso mu ngongo evile o fuma ia kuijiia kuê, a mu tumikisa jinga jiphunga.

Jobe 28:28

Iú uambela o muthu, uixi: Talesa-ze! O uoma ua Nzambi, uene o unjimu; o kueha kia ibha, kuene o kuijiia.

Jisálamu 111:10

O kukala ni uoma ua Nzambi, muene muijiia unjimu; ene oso a mu tumaka, a kala muene ni kilunji kiambote, o diximanu diê dia kalʼê, katé ku hádia ni hádia.

Jisálamu 19:7

Ngonge ia Jihova ia di uabhela, i bhekela muthu muenhu uobhe; umbangi ua Jihova ua kidi, u ijidisa atobho.

Jisálamu 19:8

Ijila ia Jihova ia tetuluka, i bheka ngalasa ku muẋima; kitumu kia Jihova kiazele, ki muikina o mesu.

Jisabhu 1:4

phala kudimuna o ilalu, ni kulonga anandenge o kuijiia, ni kilunji kioso kia fuama.

Jisabhu 1:5

Phala njimu ki evua a kule mu unjimu uê, o ua tongoloka a tambule kilunji kia ku di tumina.

Jisabhu 1:7

Uoma ua Jihova diene o dimatekenu dia unjimu. Maji o iôua-phe a dituna o kuijiia kua unjimu ni ulongelu.

Jisabhu 14:34

O kubhanga kiaiuka, kujingisa o ifuẋi; maji o ituxi-phe, i bheka kusekala ku mundu.

Jisabhu 14:8

Muthu ua dimuka, unjimu uê o ku tongolola kiambote o njila iê; maji o usemenhi ua maioua-phe, o kunganala.

Izaía 42:21

Jihova ua mu zolela ngó mukonda dia henda ia kuiuka kuê; ua mu jingisila ku kitumu, iú ua mu fumanesa.

Jelemiia 8:9

O jinjimu sonhi ja a kuata, a a tukumuisa ia a a kutu: Oko a tènde o kizuelu kia Jihova; unjimu uahi-phe ua kala na-u?

Izekiiele 5:5

O Jihova Nzambi uambe kiki: Iú kiá muene Jeluzaleme! Nga mu te mu kaxi ka miji ni ka jixi ja mu kala mu jimbandu.

Daniiele 1:20

O mu maba moso-phe ma unjimu, ni kutongoloka, ma ebhula jinga sobha kia kala ni maka a mu bhonzo, o iá ua a mono kuila a bande kuinhi dia matala mu kuijiia o jinganga, ni jimesene ja jithéthembua jene mu utuminu uê uoso, ndenge.

Daniiele 4:9

Baltexazale, tata, u kilolo kia jinganga joso, eme ngʼejiia kuma momué muala muene nzumbi ia jinzambi jikôla, kana-ku-phe kikutu ki ku jinganena eie; ngi tangele isuma ia nzoji i nganjiua, u ngi bhe dilomboluelu diê.

Hozeia 8:12

Sumbala nga a sonekena o madiuanu a ngonge iami, ene-phe a ma kiti kima kia ngoho mukuâ ni ngonge ia akua matumbu.

Malakiia 3:12

Bhenhobho akua jixi joso, a kà mʼixana kuma mua zediua; mbata enu mua-nda kala ixi ia kubhanduluka eme ngi Jihova dia Ifuẋi.

Matendelelu 29:9

Maka ma Kikutu kiki bhakenu-u, muende ni ku ma bhanga; phala mu zediue mu ima ioso i mu bhanga.

Matendelelu 32:46

ua ambela, uixi: Tenu-ku muxima ku maka oso u ngala ku mi bhela umbangi lelu, mu ma sambukise ku anʼenu, ene ue phala akale ni muanu ua ku kumbidila o maka moso ma kitumu kiki.

Matendelelu 32:47

Mbata o maka iá ki maka ma ngoho, uene o muenhu uenu; ene a-nda ku mi bhana izuua iavulu iadixala mu ixi i mua-nda kúvua, kioso ki mua-nda zaúka Njolodá.

II Timote 3:15

Mukonda eiemuène tundé undenge uejiia Mikanda Ikôla i tena ku ku ijidisa o kubhuluka, mu kuxikanʼoko kuene mua Kristu Jezú.

Tiiaku 3:13

Nanhi mudienu uejiia, uala njimu? Kiene-phe! Edikize o unjimu ni kuijiia mu muenhu uê uambote ni imbamba ioso ia bhanga mu kubelesela kua unjimu ni kuximbakata.