Matendelelu 4:5 - O Mikanda Ikola

⁵ Mua mono-ze kuila nga mi longesa o jingonge ni mabatuilu, kala kioso kia ngi lekelela Jihova Nzambi iami; kiene-phe kiá ki mu enda jinga ni kubhanga mu ixi i mua-nda kubhingana.

Matendelelu 4:5 ပူးပေါင်းရင်းမြစ်များ

Jisálamu 71:17

Eie, Ngana Nzambi, ua ngi longo tunde mu undenge; katé bhu ngezʼabha, mukumbi uami u ngene mu tanga, o kukalakala kué kua madiuanu.

Makatukilu 18:20

uenda ni ku a longa o itumu ni ijiia, hé u a edikiza o njila ia tokala kuila, ni kikalakalu kia tokala kubhanga.

Jelemiia 11:6

Jihova anga u ngambela: Boka maka mene mosʼuama mu madiembu ma Juda, ni mu jinzunga ja Jeluzaleme, uixi: Ivenu maka ma kikutu kiki, muende ni ku ma bhanga.

Izekiiele 20:11

Eme nga a bhana o jingonge jami ni ku a londekeza o mabatuilu ami, a bhingi kuila se o muthu u mʼaluka, muene mua muena o muenhu.

Ijila 19:19

O jingonge jami lundenu-ju muene; kana kuehela ibhaku ienu ku di bunda-bunda ngó, mu kuila o kiki kibhaku kiengi, o kiná ue kibhaku kiengi; kana ue kukuata mbutu jiiadi ja idima nʼu ji kune bhuamoxi mʼóbhia dié; kana ue kuzuata izuatu ia thanga ia kuvudisa idifua.

Ijila 26:46

Jiji jene o jingongʼiji, ni mabatuilu, ni itumu ia bhana Jihova, ia ku di tuma na-iu bhu kaẋi kê-Muene ni anʼa Izalaiele, ua i bhela ku mulundu ua Sinai, ku lukuaku lua Mozé kuene kua i bhela.

Ijila 27:34

Jene o jingongʼiji ja bhana Jihova kua Mozé, phala anʼa Izalaiele, ku mulundu ua Sinai.

Ijila 7:38

kuma iene ia tumu Jihova kua Mozé ku mulundu ua Sinai, kizuua kia lekela anʼa Izalaiele kubhana maujitu kua Jihova, kioso kiala ene mu kikangalakata kia Sinai.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Jipoxolo 20:27

Kuma ki nga fulu ku mi jimbuila o mutendelu uoso ua Nzambi.

I Kolindo 11:28

Kala kiki, muthu-phe a diange ku di tekula o muẋima uê moxi, nʼ a diê kiua o mbolo, nʼ a nue ku kopho.

I Kolindo 15:3

Kuma o kima kia kate-ku, ki nga tambulula eme uami, ki nga tuamene ku mi tambuisa-kiu, kienʼ iki: Kuila Kristu ua fuidile o ituxi ietu kala kia ki soneka mu Mikanda Ikôla.

Matendelelu 11:32

Tenu-ku-phe muxima mu kumbidile o jingonge ni mabatuilu u ngala ku mi xindila leluʼâ.

Matendelelu 4:1

Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Matendelelu 4:2

O ku makʼama u nga mi tendelela, ki mu tudike-ku kima, ki mu tunune-ku kima, inda mu kumbidila ni kulûnda o ijiia ia Jihova Nzambi ienu, i ngala ku mi lekelela.

Matendelelu 4:4

Maji-phe, enu mua di bandeka ni kitongola kua Jihova Nzambi ienu, enuʼenuoso katé kiki enuʼenú hanji ni muenhu.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

Matendelelu 5:1

Mozé anga uixana Izalaiele ioso uʼambela, uixi: Îvua eie u Izalaiele, o jingonge ni mabatuilu u ngala ku mi tendelela lelu mu mátui menu, muile ni ku di longa-u ni ku ma lunda, mbé o ku ma bhanga.

Matendelelu 6:1

Ienhiʼii-phe iene o ijiia, ni jingonge, ni mabatuilu, a ngi tumu Jihova Nzambi ienu, ku mi longa-u. Imʼiii phala muende ni ku i kumbidila kioso ki mua kà tula mʼoxi i mua-nda kúvua.

Matendelelu 7:11

Aluka-phe, ijilʼiii ni jingonge ni mabatuilu moso u ngala ku ku lekelela lelu, ngixi, kumbidila-nâ.

Matendelelu 8:11

Alukenu-phe, ki mu landuke Jihova Nzambi ienu, anga mu takuila o ijiia iê bhoxi, ni mabatuilu mê, ni jingonge jê ji ngala ku mi tendelela leluʼidi.

Jihebeleu 3:5

O Mozé kidi kiene, ua kexi fiiele mu kikalakalu kiê mu dibhata dioso dia Nzambi. Ua kexi-phe selevende ia kidi, hé u kala mbangi ia Nzambi ia ima ioso ia xedi-ku mu ku i zuela ku hádia.