Matendelelu 4:39 - O Mikanda Ikola

³⁹ Ijiia-na-kiu-phe lelu, ni kubanza mu muxima ué, kuma Jihova muene ngó o Nzambi mu diulu, ni mu ngongo bhoxʼabha; ki kuene mukuá.

Matendelelu 4:39 ပူးပေါင်းရင်းမြစ်များ

II Samuuele 7:22

Kala kiki, eie ukôla, Ngana iami, Jihova! ku moneka mukuenu u soka-nê, ki kuene dingi Nzambi iengi, kala ki tua mu kʼivua jinga mu mátui metu.

I Malunda 17:20

Jihova, kana-ku dingi muthu kala eie, ki kuala ue dingi Nzambi iamukuá i soka ni Eie, kala ki tuevua jinga ku mátui metu.

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

I Malunda 29:11

Unéne ué eie u Jihova, ni kutena, ni kijingu, ni kutolola ni ungana. Mukonda ima ioso ié-eie u Jihova, eie u Suke-ku uala ku thandu dia ima ioso.

II Malunda 20:6

anga uila, uixi: Àuá! Jihova, tata! Nzambi ia jitata jetu, kifua kʼeie muene u Nzambi mu diulu? Kʼeie muene u Mutumini ku thandu dia mautuminu moso ma akua jixi? O bhu lukuaku lué bhuene bhuala o nguzu ni kutena, ki kuala u tena kubhânga nʼEie.

Jisálamu 100:3

Ijiienu-kiu, kuma Jihova muene Nzambi; muene ua tu bhanga, muene ua tu vu; etu tu mundu uê tua mu tokala, tu jimbudi jê, muene uala ku tu inga.

Jisálamu 115:3

Etu Nzambi ietu-phe uene mu diulu; mukua kubhanga ioso iandala.

Jisálamu 135:6

Jihova ioso ia mu kexe mu vondadi iê, iene muene ia bhange, ni mu diulu ni mu ngongo, ni ku musanza, ni mu ididi ioso muazongo.

Makatukilu 8:10

Muene, uixi: Mungu. Mozé uixi: Ki bhita muene, kala ki ua tange eie; phala eie u kʼijiie kuma kana-ku dingi u soka ni Johova, Nzambi ietu.

Izaía 1:3

O ngombe iejiia ngana iê, o bulu ue iejiia mu kidilu kia mu tela ngana iê; maji Izalaiele dia mundu uami ua xiti mu thulu, kifuxi kiami kʼejiia kima.

Izaía 43:10

Enu-enu mu jimbangi jami, eme Jihova, ni selevende iami, nga mu solo bhene bhu mu kʼijidila, nda mu ki xikane, mu tongolole kuila, eme-muène Nzambi, ki kua kexidié Nzambi iengi ua ngi diangela iu ua di-iudika, o ku pholo ue ku tuia kana-ku nzambi iengi ua kà ngi bhingana eme.

Izaía 44:8

Ki mu bhuuame, ki mu kale ni uoma; manhi tundé ku dimatekenu ki nga mʼivisa-kiu kiá, ki nga mi tangela-kiu? mbata enu muala mu jimbangi jami.

Izaía 5:12

Mu izokola iâ usanga ni tukóxi, ni tumbânza, ni tungoma, ni jingaieta ni vinhu; kene kusuua kikalakalu kia Jihova, mba ku tongolola ufunu ua ikalakalu ia maku mê.

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Hozeia 7:2

Mu muẋima uâ a lémbua kutongolola kuma ngi lembalala o ituxi iâ ioso; o ki tualʼiki-phe ikalakalu iâ ia a kondoloka, ia lulama muene bhu pholo iami.

I Kolindo 8:4

Uila kiki, ku mbandu ia kudia kua satela o iteka, tua kʼ ijiia kuma kiteka kima kia ngoho mu ngongo, kuma ki ala bhu kididi kia kima ki kiene-ku. Etu-phe tuejiia kuma kuala ngó Nzambi imoxi, kana-ku iengi.

I Kolindo 8:6

Etu-phe kua tu kala ngó Nzambi imoxi. Muène Tata ua bhanga o ima ioso, etu tuala kulaia phala muène. Sai-ku ue Ngana imoxi ngó, muene Jezú Kristu; o kua Muene kuene kua bhangela o ima ioso; o muenhu u tuala na-u tua u muena kua Muène.

Matendelelu 32:12

kiene ue kia mu endesa kuala Jihova, ubhekelèle uê. Ki bhua kexile nzambi iengi ia mu bande.

Matendelelu 32:29

Tamanu atetulukile! anga a tongolola, eji kuijiia o dizubhilu diâ!

Matendelelu 4:35

Eʼmuene ngó a ku londekeza-kiu, phala uijiie kuma o Jihova muene Nzambi, ka moneka mukuâ iadi uedi kala muene.

Matendelelu 6:4

Ivua, Izalaiele, tata! O Jihova, Ngana dia Nzambi ietu, muene Ngana imoxèlele ngó, ka moneka mukuá.

Matendelelu 7:9

Tuma-phe ku kʼijiia, kuila o Jihova Nzambi ié muene Nzambi, Nzambi ia Fiiele; muene o mukua ku kumbidila o kikutu kiê kumoxi ni kukuata jihenda ji bhiẋila katé ku midi ia miji ia ió oso a mu zola, ene kualuka ijiia iê.

Josuué 2:11

Tuedi tuívua ngó ima ioso iii, miẋima ia tu botomoka, kana-ku dingi diiala u tena kukola muxima bhu pholo ienu; kuma Jihova Nzambi ienu, muene Nzambi ni ku diulu ku thandu, ni mu ngongo bhoxi.

I Samuuele 2:2

Ua kambe ituxi kala Jihova ka moneka, kuma eie u Nzambi ku moneka mukuenu a ku fika-nê; kana-ku ndánji iengi i soka ni Nzambi ietu.