Matendelelu 4:28 - O Mikanda Ikola

²⁸ Kuene kiua ku mua-nda kua kà xingila mahamba mókalakale ku maku ma athu, o jinzambi ja miẋi ni matadi; ki ji tena kumona, ki ji tena kuívua, ki ji tena kúdia, mba kuívua dizumba.

Matendelelu 4:28 ပူးပေါင်းရင်းမြစ်များ

II Jisobha 17:40

Maji ene-phe a lémbua kuívua ima ioso iii; inda ene a lengulukila kubhanga ima ia kikexilu kiâ kiʼòkulu.

Izaía 26:14

Ene, o kia fua, ka kà vutuka dingi ku muenhu; o kia kituka madifundu, ka-nda kufukunuka dingi; mukonda dia kienhiki, eie ua a kane, eie ua a jimi o mbutu, o fuma iâ ioso ua i làmbe muene.

Izaía 44:11

Talesa-ze ene oso a dinhenga-nâ a-nda ku kakuka; mukonda jihete joso athu ngó mu athu, kuabhu; a di-phophe a balumuke maji ene-oso anda ku tungunuka anga sonhi jʼa kuata.

Izaía 44:12

Musudi-a-thumba u sula dikuua, ukalakela ku makala mauana, u di iudika ni jinzundu, u di bundulula ni nguzu ia lukuaku luê, ki bhua kúdia ki bhua kúnua, nguzu ia mʼubhu kindala iú teketa ni nzala, iu iokojoka ni dinhota.

Izaía 44:9

Jihete joso ja kusonga iteka, makutu mâ; o ima iâ ioso ue ia a uabhela ni muẋima uoso, ki i bhandulula ni kima; ene muene ala jimbangi kuma o iteka iâ ienhiʼii kumona ki i tena, kuívua lémbue; phala ene a tandanganhe.

Izaía 45:20

Di-phophienu nda muize; ejilenu bhuamoxi enu oso mua bhulaka ku ifuẋi; kʼeji kima oso akua kuambata o iteka ia kuseta ia mixi, anga a samba ni kudionda ku nzambi ki i tena kubhulula muthu.

Izaía 46:7

A i ta bhu ixusi, hé a i ambata, na i tula bhu kibuta kiê; i kala bheneʼobho, ku sondoloka-bhu ia lémbua; o ki bhu kala muthu u i tela hasa, iene ki i tena kutambuijila, ki i tena kukudila muthu bhu jiphaxi jê.

Jelemiia 10:3

Mbata o ífua ia mundu kingoho: ene a batula muẋi mu tutu, kikalakalu kia maku ma hete, ua u batula ni dikuua.

Jelemiia 10:5

Ela kala diaie, kikalakalu kia bhiti ku torno, maji o kuzuela-phe ka tena, ku bhinga muthu u a ambata, mukonda ene ka tena kuenda; ki mua a kuatele uoma mbata kialʼokio ka tena ku bhanga kia iibha, mba ue a kala ngó ni kutena kua ku bhanga mbote.

Jelemiia 10:9

A takana phalata iósule ku Talxixi, ni ulu ua Ufaze; iteka ikalakalu ia bhange kuala o hete, ia bhiti bhu maku ma muzunzi, a i idikila izuatu ia azulu ni ia kusuka; iene ioso-phe midimu ia kalakala jinjimu.

Jelemiia 16:13

Kala kiki-phe, nga-nda ku mi kaia moxʼumu, muia ku ixi ki mua ijiia nʼenu ni jitata jenu; o kuenhoko kuene ku mua kà bhikila o jinzambi jengi mu muanha ni mu usuku; kuma o koko ki nga-nda ku mi kuatela dingi henda.

Izekiiele 20:32

O kia mʼiza ku muẋima uenu, ki mungu kia-nda kubhita, ki mua mu kuila muexi: Tua mesena kukala mukuâ ni akua jixi jengi, kala o miji mu ngongo, a mu bhikila o miẋi ni matadi.

Izekiiele 20:39

Enu-phe, tata, mu dibhata dia Izalaiele, eme ngi Jihova, ngʼambe: Ndé-nu, muthu ni muthu a kà bhikile o iteka iê, mukonda, eme, nguenu ku ngʼivua; maji-phe o dijina diami di kôla ki mu di sebulule ni maujitu enu ni iteka ienu.

Jipoxolo 19:26

Mua mono ue, enu mua kʼ ivu kuila o Phaulu muenʼ iú, kana ngó mu Efezo, maji kua mu kambe ngó kuzubha o Azia ioso, ni kubhomba athu avulu ni ku a funhisa, mbata uala ku a tangela kuma o jinzambi jokalakale ni maku ki jinzambi!

Jipoxolo 7:42

Maji o Nzambi-phe ua a sondoloka, iú ua ehelela kusedivila o kifuẋi kia jithethembua ja diulu, kala kia ki soneka mu divulu dia jipolofeta, exi: Kifua Eme-muene mua ngi bhakuilile jixitu jojibhe ni jisata, mu makuinhi a uana a muvu mu kikangalakata, enu dibhata dia Izalaiele?

Matendelelu 28:36

Jihova ua kà ku ambata nʼeie ni sobha i ua-nda ku di hingixile eie-muène, anga u mi bhakula kuʼathu, kua ejiia ngó nʼeie ni jitata jê; o kuenhoko, kuene ku ua kà bhikila o jinzambi jengi, ja miẋi ni ja matadi.

Matendelelu 28:64

Jihova ua ka mi muangena muʼaxaxi ka miji ioso tunde kua tundu oxi ʼté ku maẋokololo ku iasuku; o kuenhoko kuene kiua ku ua kà bhikila o jinzambi jengi, ja bhingi nʼeie ni jitata jé kiluua mu jʼijiia ngó; jinzambi ja miẋi ni ja matadi.

Matendelelu 29:17

ufusa uâ mua di muena-u, ni mahamba mâ, o iá a miẋi, o iá a matadi, o iá a phalata, o iá a ulu, muʼaxaxi ka athu amoxiʼá.

Dijingunuinu 9:20

O mundu uoso ua subhuka-ku, oso a kambe kúfua ku mabhebhuʼ ama, nguá-uâ kudiela o imbamba iâ ia kexi mu bhanga. Ka zumbuka o kubheza madimónio, ni itèka ia ulu, ni ia phalata, ni ngôndo, ni matadi ni mixi, ima i bhinga ki i tena kumona, ki i tena kuívua, ki i tena kuenda.

I Samuuele 26:19

Bhenhabha-phe, kùku, nga ku diondo, ngʼívue hanji o kuzuela, ngi mubhikʼé: O ki kala Jihova muene ua ku vunza ku ngi zukutisa, ngi mu satele, a ngi tambulule; o ki kala-phe anʼ athu ngó a ka vunza, Jihova a a bhubhidile bhu pholo iê, kuma a ngi kaie, kizuua kia lelu, phala ngi kambe kididi mu undundu ua Jihova, mukua ni kuila, exi: Ndeie, ka bhikile nzambi jengi.