Matendelelu 4:27 - O Mikanda Ikola

²⁷ Anga Jihova u mi muangena muʼaxaxe ka ifuẋi iengi, o kuenhoko ue mua kà kala ngó kakibuka kófele, muʼaxaxe ka akua jixi, muoso mua-nda ku mi xinjikila Jihova.

Matendelelu 4:27 ပူးပေါင်းရင်းမြစ်များ

Dimatekenu 11:4

Exi: Ndokuenu, tu bhange mbonge, tu iudike ni kathôndo ka vula matala, ka tute ku diulu, tu fumane dijina; phala ki tu di muangene mu ngongo ioso.

Dimatekenu 34:30

Jakobo anga u ambela Ximinhá ni Levi, uixi: Mua balumuna mvunda, mua ngi nuhisa kiaiibha ku akuaʼxi, o Makanana ni Mapelezi; eme nga tolo makuenze, a-ndu ngi bhongolokela mu kubhânga, hé a ngi beta; ni eme-phe ni dibhata diami a tu buidisa.

Nehemiia 1:3

Anga ene a ngi tangela, exi; A xala koko, ku sengu, a kambele kuiza ku ubhika, ala mu hadi iavulu ni dilebhu; o kimbaka kia Jeluzaleme a ki bulu, o mabhitu mê a mʼoha mu túbhia.

Jisálamu 106:27

uixi anʼenu hinu ngʼa sebulula muʼaxaxi ka matumbu, ngʼa muanga-muanga mu jixi joso.

Jisálamu 44:11

Eie ua tu bhakula, etu tua di bhange tu jimbudi jâ ja kúdia; ua tu muanga-muangena mu jixi ja akua matumbu kejiia Nzambi.

Jisálamu 44:12

Mundu ué, Ngana, ua a sumbisa mu kingoho, eie-muène kua nganhala-ku kima mu ku a ta uenji.

Izaía 17:6

Maji hanji mua kà subhuka tumasa tua jinjonjombolo, tu tokala o kubonga, mukuâ ni kia nhikisa ibundu ku muvide, anga njotona jiiadi mba jitatu jinamininé hanji ku jithangu ja suku-ku bhuluʼobho, ni njotona jiuana mba jitanu jixalela mu jithangu joso ja bhoxi jemine kia soko, Jihova, Nzambi ia Izalaiele, ua ki zuela.

Jelemiia 16:13

Kala kiki-phe, nga-nda ku mi kaia moxʼumu, muia ku ixi ki mua ijiia nʼenu ni jitata jenu; o kuenhoko kuene ku mua kà bhikila o jinzambi jengi mu muanha ni mu usuku; kuma o koko ki nga-nda ku mi kuatela dingi henda.

Izekiiele 11:16

Uila kiki, zuela: Jihova, o Ngana, uambe kiki: Sumbale nga a takuila makanga mu ifuẋi; sumbala nga a muangena mu jixi, maji né kienhókio, hanji nga-nda ku di-bhanga ngi dibhezelu diâ, mu kakithangana kòfele ku jixi kuoso kua di tela.

Izekiiele 12:15

Kioso ki ngʼa muangenesena mu miji ni ku a uanena mu jixi, kiene kiua ki-anda ku kʼijiia kuila eme-muene ngi Ngana.

Izekiiele 20:23

O mu ixi ia kisèkele ue, nga a zengelele kiá o lukuaku luami phala ku a muangena mu kaxi ka miji iengi ni ku a sukumuina mu jixi;

Izekiiele 22:15

Nga-nda ku ku muangena mu ifuẋi, nga-nda ku ku muangena mu jixi, anga o ufusa ué ngi u bhuisa-ku.

Izekiiele 32:26

Muenhomo muene muala Meseke ni Tubale ni mundu uâ uoso; o mu jimbandu jâ muene muala o jimbila ja ene; ene oso muene akua mabôlo a a kubujula ku xibhata, kuma a bhanga jinga ima i kuatesa uôma mu ngongo ia athu a muenhu.

Daniiele 9:7

Eie, Jihova, ualungu muene, etu-phe sonhi ja tu fuama té mu leluʼidi, ni mala mu Juda, ni akua Jeluzaleme, ni Izalaiele ioso-lolo; kixi ia a zukama, kixi ió oso ala ku makanga, ku jixi kuoso ku ua a tande, mukonda dia kutondala kuâ ku a ku tondalela na-ku eie.

Hozeia 9:17

Nzambi iami ua-nda ku a ta kiá dikunda, mukonda ene ka mu xikina ku mu ivua kia zuela. A kʼenda ni kutakujuka ngó muʼaxaxe ka akua jixi jengi.

Ijila 26:33

Enu anga ngi mi muangena muʼaxaxi ka akua jixi jengi, hé ngi mi fomuena o xibhata, ni ngi mi mono bhu muia; oxi ienu i xala kilômbo ngùndu, o madiembu menu a jikinina muene taka-tàka.

Zakadiia 7:14

Nga-nda kua kà a muangena ni kitembu kia kibhungu mu kaxi ka miji ioso ia kambe ene kuijiia, o ixi ku dima diâ, ia kà xala ia hatu, ià kala ia ngoho kala ia zuluka ku kibhungu kia dikota. O kienhiki kia kà bhangesa kuila ki bhu kala muthu u bhita-mu, mba u vutukila-mu; kuma ia kexile ixi iambote, o kiki a i kitula jingundu.

Matendelelu 28:36

Jihova ua kà ku ambata nʼeie ni sobha i ua-nda ku di hingixile eie-muène, anga u mi bhakula kuʼathu, kua ejiia ngó nʼeie ni jitata jê; o kuenhoko, kuene ku ua kà bhikila o jinzambi jengi, ja miẋi ni ja matadi.

Matendelelu 29:28

Jihova ue, iu ua a katula ni njinda ni kutema, ni kudimbuluka kuònene, iu ua a takuila kʼoxi iengi, kala ki kia di monekena leluʼiki.

Matendelelu 30:3

bhenhobho-phe o Jihova Nzambi ié, ua kà ku takana dingi ku ubhika ku uaiioko, anga u ku lendukila; hé ukuata ku ku phopha bhuamoxi, u ku bhongolola dingi mu jixi joso mua ku muangenene Jihova Nzambi ié muène.

Matendelelu 32:26

kifua ngeje kuila: ku hota joso ngi mi muanganesa-ku, katé a mi jimbi muʼaxaxi ka mundu.