Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matendelelu 4:26 - O Mikanda Ikola

26 Eme-phe lelu ni oxi ni diulu, akale jimbangi jami; mukonda, nga tange kidi kuma, mua-nda kutukumuka mua jimi o mbutu, mʼoxiʼomo anga mu bhua-mu, anga mu ila Njolodá mua mu záuka kiua, maji oxi ki mua xialela na-iu, kuma ki mua-nda kunakina-mu; mua-nda kujikinina muene kindala.

အခန်းကိုကြည့်ပါ။ ကော်ပီ




Matendelelu 4:26
32 ပူးပေါင်းရင်းမြစ်များ  

Kuma kididi kienhiki etu tua-nda ku ki buikisa, mbata o mikole-kole iê ia di bandekeza kiavulu bhu pholo ia Jihova, iú ua tu tumu o ku ki buikisa.


bhenhobho Izalaiele nga kà mu buidisa mu ixi i nga a bhana; anga o inzo iii i nga kôlesela dijina diami, nga kà i takula dikanga, o bhu pholo iami i tunda-bhu; anga Izalaiele ua kà xala mukuâ ni Sabhu, ua kà di bhanga môndo muʼaxaxi ka madiembu oso.


Ivenu, enu mu maúlu, eie ue u ixi, bhana mátui; mbata Jihova muene ua mu zuela: Nga bhange ana, nga a bhana kijingo; maji ene a ngi balukila.


Eme-phe, ngixi: Ngana Katé bhebhi? Muene ua kumbulula: Katé ki buika o madiembu, sé muthu u tungamu, né ngó muthu umoxi mu jinzu, oxi iene ioso kilômbo ngundu.


Kala kiki-phe, nga-nda ku mi kaia moxʼumu, muia ku ixi ki mua ijiia nʼenu ni jitata jenu; o kuenhoko kuene ku mua kà bhikila o jinzambi jengi mu muanha ni mu usuku; kuma o koko ki nga-nda ku mi kuatela dingi henda.


Diuanienu-kiu kienhiki, enu mu madiulu, ki mi kale kisunji! di kuatienu mukondo ni kidi muene, Jihova ua ki tange.


Eie ngongo, ngongo ia kime, ngongo ia kime, tata! Ivua o kizuelu kia Jihova!


Tala-ze, Ngana, o milombo! Eza kiá mu kúlua o mbonge phala ku i tambula, ni mbonge iene iʼòbhane kià bhu maku ma akua Kaldeia a mu i zokela ni xibhata, ni ku nzala, ni ku dibhebhu; o ki ua zuela kia di bhange muene, tala, kiene-ze kiá ki tua mu monʼiki.


Kí kia bhekela kuila Jihova ue ka tenene dingi kulendukila mu kithangana kia vulu o kuiibha kua ibhangelu ienu ni ima ia isunji i mua bhanga jinga, ixi ienu iú ua i bilula kikangalakata, ia di bhange kima ki kuatesa uoma, ia kituka ixi ia mázui, ki i moneka athu a tungamu, kala ki muala ku i mona leluʼidi.


Ivua kunu, eie u ixi! Talesa, o mundu iú nga-nda ku u bhekela kibhidi, kia tundu mu kibundu kia ixinganeku iâ-ene; mbata maka mami kala ku ma suua, o ngonge iami ue a di tunu-iu.


O ixi anga nga kà i kitula ia jingùndu ni kimbuua, anga o izala ia nguzu iê ia kà bhua-ku; o milundu ia Izalaiele ia kà xalèla jingùndu ji bhinga kana muthu ua kà bhita-mu.


kala kiki, enu mu milundu ia Izalaiele, ivuenu o maka ma Jihova Nzambi: O Jihova Nzambi ua tange kiki ku milundu ni ku tuthuthulundu, ku jingiji ni ku jihonga, ku ididi iòbilule jingùndu ni mu ididi ia xala ngoho, ni ku jimbanza ja uehelèle, ji ja kituka dibhundilu ni môndo ua akua jixi a subhuka iá a tungu mu jimbandu jâ;


Enu dilangienu-phe sumba enu uenu ixi i mi lusa, kuila mua i fukuila, kala ki ia lusu o athu a mi diangelele kukala-mu.


Ivuenu enu oso mu ifuẋi, bhana mátui eie u ixi ni ima iê ioso iala-mu mu kuzanza kuê kuoso, o Jihova Nzambi a mi kalele mbangi ia ku mi bhanga kiaiibha tunde bhu kididi kiê kia ku mu bhezela ki kôla.


Enu mu milundu ivuenu, ni enu madisesa ma ixi ma kuata kiambote, kuma Ngana ua kuata mvunda ni Kifuẋu kiê, iu ua-nda kufunda ni Izalaiele.


Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.


anga njinda ia Jihova i mi uamena, ku diulu hé uta-ku sabhi anga mu lémbua mvula; oxi i seluka i lémbua kuima, anga selu muene mu jima o mbutu; oxi ia iukʼoio ia mi bhele Jihova, anga mu i xa.


Jihova ua kà ku tumikisa mázui ni lusébu ni kubhondalala ku ima i u bhanga, o ku ua kà sukʼoko usekumuka muene, anga utukumuka uajimi o mbutu mu kathembu kófele ngó, mukonda ua di bhange phulu mu ku ngi ta dikunda ni ikalakalu ié ia iibha i uala kubhanga.


Jihova ua kà ku kuama ni uhaxi ua thulu, ni nzonzódia ia kukata-kata, ni kijimba-jimba, ni munza, ni kimaji, ni dixiximinu, ni kiangala, ni kibuika kia idima, ni ngulèle, anga i ku tatesa ni ku ku landameka katé ki u jima o mbutu.


O mázui oso enhá a-nda kuiza mu ku ku sukumukina ku thandu dié; anga a ku kuata muene, anga a kuila o sondemekʼê, katé kia ku jikinisa. Mbata eie uaẋinuka, o dízui dia Jihova Nzambi ié, ngué ku dʼivua. O ijiia iê ni itumu iê ia ku xindila muene, eie-phe ngué ku i aiuka.


Katé ni i-mauhaxi, ni i-mabhebhu ia kambe kukala iòsoneke mu divulu didi dia ngonge, Jihova ua-nda ku ku tumikisa-iu, phala nʼu sekale kiá muene, katé kia ku jikinisa anga uendelela muene.


Jihova ue, iu ua a katula ni njinda ni kutema, ni kudimbuluka kuònene, iu ua a takuila kʼoxi iengi, kala ki kia di monekena leluʼiki.


Ngi bhongoluedienu adiakimi oso a miji ienu, eze bhabha, ni jifixiiadi jenu. Ngandala ku a zuelela o maka iá ku mátui menu, ni kukuata-bhu o diulu ni oxi, phala a ngi kale jimbangi bhu kaẋi ni ene.


Enu mu maúlu, bhetekenu mátui, kuma nga-nda kuta maka: oxi ue ibatekele o maka matundu mu kanu diami.


kuma enhó asoko-bhu ku hunganesa anʼé a mala nʼa lémbua ku di tuma nʼeme anga a kuata ku bheza jinzambi jengi; kiókio-phe o njinda ia Jihova i mi uamena anga mu jima o mbutu kindala.


Maji-phe kia kà kala kiki kuila, se kua kuiza mudiangu anga ulanduka Jihova Nzambi ié, se u bhana mátui ku nzambi jengi anga uhombokela mahamba, ni ku kuata o ku ma tolokela ni ku ma bheza, leluʼidi nga tange kidi kuila mua-nda kujikinina muene.


Mua-nda kujima mbutu, kala Jihova Nzambi ienu kia buikisa o ifuẋi ia akua mundu bhu mesuʼenu; kiene ue muene kia-nda ku mi buikisa, se mu xibhaka o dízui dia Jihova Nzambi ienu.


Kioso ki mu matuka o kikutu kia Jihova Nzambi ienu, kia mi tendelela, anga muia, mu kuata kubheza nzambi jengi, ni ku ji fukamena, kiene kia kà mi uamena o njinda ia Jihova ku thandu dienu, anga mu tukumuka mua jimi o mbutu, o ixi ia uabha ia mi bhele mua i xi.


Mukonda o ki mua-nda kuila muene mua mu xi, mua di te mu bhikila nzambi jengi, ua-nda kulunguluka anga u mi bhanga usuéia, u mi jikinisa, ku thandu dia kuzubha kiá o ku mi bhanga mbote ioso kala iii.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ