Matendelelu 4:23 - O Mikanda Ikola

²³ Alukenu-phe, kana kujimba o kikutu kia te Jihova Nzambi ienu nʼenu; kana ku di songela kiteka kioso-kioso, mba ilúmbua ia ima ia mi kidika kuala Jihova Nzambi ienu.

Matendelelu 4:23 ပူးပေါင်းရင်းမြစ်များ

II Jisobha 17:38

O kikutu-phe ki nga te ni enu kana ku ki jimba; kana ku kala ni uoma ua jinzambi jengi.

I Malunda 16:15

Jijilenu kulembalala o kikutu kiê, ni kizuelu kiê kia soneka phala midi ia miji;

Makatukilu 23:13

Ima ioso i nga mi tendelelʼiii, alukenu-iu; kana kutumbula nzambi jengi; o dijina diâ mu kanu dié ki di bhite-mu, mba ku ji banza ngó.

Izaía 24:5

Kuma kia kidi kiene oxi ia kasana, mukonda dia iá oso a tungumu; mbata o ijila ka mu i aiuka, o jingonge a ji lungulula, o kikutu kinangenena a ki bulu.

Jelemiia 31:22

Ua kà suka bhebhi ni kubungana, ki ua ẋinukʼokio, monʼa kilumba? Kuma Jihova ua bhange kima kia ubhe mu ngongo Muhatu umoxi ua-nda ku ta iala dimoxi mu lukumbi.

Izekiiele 16:59

Mukonda o Jihova Nzambi uambe, kiki: Kioso ki ua bhange, eme ue hádia kiene ki nga-nda ku ku bhanga, mbata o mulôko u ua-te ua u lokola, eie ua bulu o kikutu.

Izekiiele 8:10

Anga ngi bokona. O ki ngʼedi suí, mu mbandu joso ku phalelu a seta-ku idifua ioso ia jinhoka ni midikixi ni ia iama ioso iaiibha kinéne, ni ia mahamba moso ma dibhata dia Izalaiele.

Malakiia 4:4

Lembalala jinge-nu o ngonge ia Mozé selevende iami, i nga mu tendelela bhu Holebe phala akua Izalaiele oso, kuma iene o itumu ni mabatuilu.

Dialuilu 15:39

ki kale kusangunuka kua kuila ki mu tala-ku mu banza jinga o ijiia ioso ia Jihova, mu i kuata, ki mu kaiele dingi ki mi tuma o muxima uenu, mba ki mu mona ni mesu; kuma kiene ku ki kaiela kiala ku mi bhangesa undumbu.

Matesu 24:4

Jezú anga u a vutuila, uixi: Alukenu, kana muthu a mi jimbidise.

Luka 12:15

Uambela enhoso, uixi: Ividilenu kiambote! Alukenu, mu di lange ku luímbi, mukonda o muenhu ua muthu ki u tundu mu umvuama uê ua kuvula o jimbongo.

Luka 21:8

Muène anga ua ambela, uixi: Alukenu, ka mi jimbidise. Mukonda a vulu a-ndu kuiza mu dijina diami, exi: Ememuène ngi Kristu, mba exi: Thembu ia zukama kiá. Enu kana-phe ku a kaiela!

Matendelelu 16:22

Kana ue kuimika-bhu kiteka, kuma kienhókio Jihova Nzambi ié ua di zembana-kiu.

Matendelelu 27:15

Lamba dia ió uoso u iudika kiteka, kia kusonga, mba kia kuzunza, kia di zemba na-kiu Jihova, ufunu ua hete, anga u ki tula bhu hota mu kasuekele. Mundu uoso-phe a kà tambuijila ni kuila: Amén!

Matendelelu 27:9

Anga Mozé uzuela dingi, kumoxi ni jinganga, akua Levi, ambela Izalaiele ioso, exi: Batekela uívue kiambote, eie Izalaiele! Mu kumbi dia lelu ua bhiẋila mu kukala u kifuẋi kia Jihova Nzambi ié.

Matendelelu 29:25

Kienhokio-phe a kà a jimbuila kuamba: Mukonda o Kikutu kia tele-nâ Jihova Nzambi ia jitata jâ, kioso kia a katula ku Ijitu, a ki tele dikunda, ka ki suuile.

Matendelelu 31:20

Mbata kioso ki nga-nda ku a tula mʼoxi i nga lokela jitata jâ, oxi i zunzumuka lete ni uiki, kia-nda kúdia, kia-nda kúnua, anga a neta mukonda dia jimbote ji nga-nda ku a bhana a-nda kulungulukila ku jinzambi jengi, anga a ji sedivila, a-nda ku ngi thathamesa, o kikutu kiami ki nga te-nâ a-nda ku ki bula.

Matendelelu 4:25

O kioso-phe ki mu vuala ana ni aláula, anga muiza ku uadiakimi, ni jimvi mu mútue, mʼoxi muenhomo, hé ku mʼiza lufuku lua ku di songela kiá iteka mba ima ikala ni kidifua kioso-kioso, o Jihova kia kʼila sûi, anga ki mu ibhila kuma mua mu lokalala.

Matendelelu 4:9

Hé kima, di lange-phe ngó kiambote eie-muène, enda ni kuinga ue kiambote o muenhu ué, o ima i ua mono ni mesu mé ki i ku jimbe, ki i ku bhue ku muxima, enda ni ku i banza katé bhua kà suka o muenhu ué, uende ni ku i longesa ku anʼê katé ku mululu ni ku muláula.

Matendelelu 5:2

Jihova Nzambi ietu, uate kikutu nʼetu bhu Holebe.

Matendelelu 6:12

kienhokio-phe dimuka u di lange, Jihova kà ku-bhue ku muxima hé u mu jimba, Muthu ua ku katula mʼoxi ia Ijito, mu dibhata dia ubhika.

Jihebeleu 3:12

Enu phange jami, alukenu, sumba mudienu mu kala muthu ni muẋima uaiibha ua kuxibhaka, u mu bhangesa kuxia Nzambi ia muenhu, nʼ a baluke.

Josuué 23:11

Kala kiki-phe, mienhu ienu langenu-iu muene kiambote, nda mu zole jinge Jihova Nzambi ienu.

Josuué 23:16

Kioso ki mu matuka o kikutu kia Jihova Nzambi ienu, kia mi tendelela, anga muia, mu kuata kubheza nzambi jengi, ni ku ji fukamena, kiene kia kà mi uamena o njinda ia Jihova ku thandu dienu, anga mu tukumuka mua jimi o mbutu, o ixi ia uabha ia mi bhele mua i xi.