Matendelelu 4:16 - O Mikanda Ikola

¹⁶ kana-phe kutambula lufuku lua ku di iúdikila kima kioso-kioso kia kusonga, kiteka ki kala ni lubhe lua muthu, u kala ni ukexilu ua diiala mba ua muhatu,

Matendelelu 4:16 ပူးပေါင်းရင်းမြစ်များ

Makatukilu 32:7

Jihova anga u ambela Mozé, uixi: Ndeie, kulumuka mulundu; kuma o mundu ué u ua tundu nâ-u mʼoxi ia Ijitu a di kasanesa kiá.

Izaía 40:18

Enu-phe mukuahi mu mu di-fuanganesa ni Nzambi? Mba mu mu fikisa ni kima kiahi?

Izaía 44:13

O musongi-a-mabaia uta lékoa, u xinda ni lápi ia njilu, u songa ni palana, u xinda ni kompaso anga u bhanga o nzambi ié mu kudifuanganu kia muthu, u i fikisa mu lubhe lua muthu, phala ni i kala mʼonzo.

Izekiiele 8:10

Anga ngi bokona. O ki ngʼedi suí, mu mbandu joso ku phalelu a seta-ku idifua ioso ia jinhoka ni midikixi ni ia iama ioso iaiibha kinéne, ni ia mahamba moso ma dibhata dia Izalaiele.

Ijila 19:4

Kana kulunga jipholo jenu ku mahamba, kana ku di ludikila jinzambi ja utadi ua kuzunza. Kuma Eme-eme ngi Jihova, Nzambi ienu.

Ijila 26:1

Kana, ki mu di iudikile mahamba, ki mu dʼimikine iteka ia kusonga mba jipholela, o mʼoxi ienu ue ki mu xikike-mu fikula ia ditadi, phala kuenda ni ku i fukamena; mbata Eme-eme ngi Jihova Nzambi ienu.

Nzuá 4:24

Nzambi Nzumbi, oso a mu bheza, ki bhinga a mu bheza mu nzumbi ni mu kidi.

Jipoxolo 17:29

Ki tu kala-phe tu anʼ a Nzambi, ki tu fuama ku ki fika kuila o Nzambi u di fangana ni kiteka kia ulu, mba phalata, mba ditadi diosonge ku uhete ni ufunu ua muthu.

Matendelelu 16:22

Kana ue kuimika-bhu kiteka, kuma kienhókio Jihova Nzambi ié ua di zembana-kiu.

Matendelelu 27:15

Lamba dia ió uoso u iudika kiteka, kia kusonga, mba kia kuzunza, kia di zemba na-kiu Jihova, ufunu ua hete, anga u ki tula bhu hota mu kasuekele. Mundu uoso-phe a kà tambuijila ni kuila: Amén!

Matendelelu 31:29

Mbata eme nga kʼijiia kiambote muene kuila o ki ngi zubha o kúfua, enu kidi-èlele muene mua-nda ku di xidisa, o njila i nga mi xindilile mua-nda ku i a bhuka hé mu i xisa. Hádia-phe mu izuua ia kʼeza-ku divuua dioso dienhidi dia-nda ku mi tula muene, se Jihova mua mu bhange phulu, mu ku mu lokalala ni ikalakalu ia maku menu anga mu mu thathamesa.

Matendelelu 4:23

Alukenu-phe, kana kujimba o kikutu kia te Jihova Nzambi ienu nʼenu; kana ku di songela kiteka kioso-kioso, mba ilúmbua ia ima ia mi kidika kuala Jihova Nzambi ienu.

Matendelelu 4:25

O kioso-phe ki mu vuala ana ni aláula, anga muiza ku uadiakimi, ni jimvi mu mútue, mʼoxi muenhomo, hé ku mʼiza lufuku lua ku di songela kiá iteka mba ima ikala ni kidifua kioso-kioso, o Jihova kia kʼila sûi, anga ki mu ibhila kuma mua mu lokalala.

Matendelelu 5:8

Kana ku di iudikila kiteka kia kusonga, né kidifua kioso-kioso kia kima ki kala mu diulu ku thandu, mba mu ngongo bhoxi, mba mu menha kʼoxi a mavu.

Matendelelu 5:9

Kana ku i fukamena, kana ku i bheza; kuma eme Jihova, Nzambi ié, ngene ngi Nzambi ia difuba, ana ngʼa bhesa kaxtiku mu ituxi ia jitata jâ, katé ku mululu ni ku mulaúla ua iá a ngi zemba,

Matendelelu 9:12

Bhenhobho Jihova, anga u ngʼambela, uixi: Balumuka, kulumuka muene lusolo, mbata o mundu ué u ua katula ku Ijito, a dianguka kiá; o njila i nga a xindile ka nange-mu, a i xi kiá kindala kienhiki; a di iudikila kiteka kia kuzunza.

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.