Matendelelu 4:15 - O Mikanda Ikola

¹⁵ Endenu-phe ni ku di langa kiambote o mienhu ienu, kuma enu kioso ki mua di kundile ni Jihova Nzambi ienu, bhu Holebe, ki mua muene-bhu kídifiua kia kima kioso-kioso muene kia mi zuelesele mu kaẋi ka túbhiaʼotho;

Matendelelu 4:15 ပူးပေါင်းရင်းမြစ်များ

I Jisobha 19:12

Anga ku kiteketela kia ixi ku kaiela túbhia, maji mu túbhia-phe ue Ngana ka kexile-mu; anga ku túbhia ku kaiela o dízui dia lenduka kiambote, dia talala kala mulenge ua mu bhuselela.

Jisálamu 119:9

Munzangala ua diiala u di zelesa kiebhi o uendelu? Ki kale u di langa kiambote, kala kiambe o maka mé.

Makatukilu 19:1

Bhu mbeji ia katatu tunde kia tundu anʼa Izalaiele mʼoxi ia Ijitu, mu kizuua kia dianga kia mbeji ienhoio, a bhiẋila mu kikangalakata kia Sinai,

Makatukilu 20:4

Kana ku di iudikila kiteka kiósonge, né kidifanganu kioso kia kima ki kala mu diulu ku thandu, mba mu ngongo bhoxi, mba mu menha kʼoxi a mavu.

Jisabhu 4:23

Ku ioso ia fuama ku langa, langa o muẋima ué, kuma mu muẋima muene muala o dimatekenu dia matundilu moso ma muenhu.

Jisabhu 4:27

Kana ku kuata uendelu ua ku takujuka ngó, né ku dilu mba ku kiasu; o kinama kié sondolola-kiu mu kubhanga phulu.

Izaía 40:18

Enu-phe mukuahi mu mu di-fuanganesa ni Nzambi? Mba mu mu fikisa ni kima kiahi?

Jelemiia 17:21

Jihova uambe kiki: Langenu o mienhu ienu, kana ku-ambata kimbamba mu kizuua kia Sabhalu, né ngó ku i bokuesa bhu mielu iii ia Jeluzaleme.

Malakiia 2:15

Nzambi muene ka bhange dikaza dimoxi ngó? Nzambi ki muene uala ni nzumbi ia di xala? Mukonda diahi ua bhange dikaza dimoxi ngó? Ua kexi mu sota mbutu i mu xila. Kala kiki, alukenu mu miẋima ienu; ki bhu kale muthu uxa muhatuʼê ua unzangala nʼaii mu kusota muhatu uengi.

Matendelelu 10:4

Anga muene usoneka ku mabaia, kala kia diangele kiá kusoneka, o Kuinhi dia Ijila, ia mi ambelele Jihova bhu kumbi di mua bhongolokele ku mulundu, o muene anga uzuelela mu kaẋi ka túbhia; anga Jihova u ngi bhana-u eme.

Matendelelu 4:12

Kienhókio Jihova anga u mi zuelesela mu milengo ia túbhia; o dízui-phe dia uzuelelu uê mua dʼivua; maji dízui ngó mu dízui, kuma ki mua muene-bhu dingi kidifua kia kima kioso-kioso.

Matendelelu 4:14

Bhenhobho, Ngana ua ngi tumine ue o ku mi longa jingonge ni mabatuilu, phala enu mua kà a bhange jinge ki mua kà zubha kubokona mʼoxi i mua-nda kutambula mu ubhingano.

Matendelelu 4:23

Alukenu-phe, kana kujimba o kikutu kia te Jihova Nzambi ienu nʼenu; kana ku di songela kiteka kioso-kioso, mba ilúmbua ia ima ia mi kidika kuala Jihova Nzambi ienu.

Matendelelu 4:36

Muene-phe ku diulu kuene, kuene kuandekela ku ku ivisa o dízui diê, mbé o ku ku longa; o mu ngongo ua ku londekeza o túbhia tuê tua unéne, eie uevu o maka mê kioso muene kia zuelela mu kaẋi ka túbhia.

Matendelelu 4:9

Hé kima, di lange-phe ngó kiambote eie-muène, enda ni kuinga ue kiambote o muenhu ué, o ima i ua mono ni mesu mé ki i ku jimbe, ki i ku bhue ku muxima, enda ni ku i banza katé bhua kà suka o muenhu ué, uende ni ku i longesa ku anʼê katé ku mululu ni ku muláula.

Matendelelu 5:4

Tua di muena-kiu etu oso kia tu zuelesa Jihova pholo ni pholo mu kaẋi ka túbhia.

Matendelelu 5:8

Kana ku di iudikila kiteka kia kusonga, né kidifua kioso-kioso kia kima ki kala mu diulu ku thandu, mba mu ngongo bhoxi, mba mu menha kʼoxi a mavu.

Matendelelu 9:10

Jihova anga u ngi bhana mabaia maiadi ma matadi, mʼòsoneke ni mulembu ua Nzambi; ima ia soneka-ku ene o maka ma mi tela Jihova ku mulundu, kia kexi mu kuzuela muʼaxaxi ka túbhia, bhu kizuua kia kuila mundu uoso ua tenena.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Josuué 23:11

Kala kiki-phe, mienhu ienu langenu-iu muene kiambote, nda mu zole jinge Jihova Nzambi ienu.