Matendelelu 4:10 - O Mikanda Ikola

¹⁰ Ku jimbe o kizuua ki uemanene bhu pholo ia Jihova Nzambi ié bhu Holebe, kioso kia ngi tangelele Jihova, uxi: Ngi bhonguelele o mundu iú, nga-nda ku a evisa maka mami, na mʼejiie, mbe o ku ngi xila jinga mu izuua ioso ia muenhu uâ, o bhuoso bhua kà tunga a ka ma longe uê anʼâ.

Matendelelu 4:10 ပူးပေါင်းရင်းမြစ်များ

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

Jisálamu 145:4

Muiji umoxi u tanga o ikalakalu ié, muiji uamukuá nʼa ijiie, ni undanda ué u uene mu kubhanga.

Makatukilu 19:1

Bhu mbeji ia katatu tunde kia tundu anʼa Izalaiele mʼoxi ia Ijitu, mu kizuua kia dianga kia mbeji ienhoio, a bhiẋila mu kikangalakata kia Sinai,

Makatukilu 19:11

Akale plondo phala kizuua kia katatu; kuma mu kizuua kia katatu Jihova ua-ndu tuluka ku mesu a mundu uoso ku thanduʼa mulundu ua Sinai.

Makatukilu 19:16

Anga ki bhita-phe kuila, mu kizuua kia katatu ki kuandeka ngó kúkia, kua kuata kunumina ni kutelaka jinzanji ku mulundu ni dituta dia kitombe (dia bhiti-ku), ni koloneta ia xiki ni dízui dia suina kiavulu. Katé ni mundu ala mu kibangu a kala mu teketa.

Makatukilu 19:9

Jihova anga u ambela Mozé, uixi: Eme nga-nda kuiza kokué; ngi ku tulukila mu dituta dia kitombe, phala o mundu a dʼivile kioso ki ngi ku zuelesa, phala eie ue a ku xikane katé ku hádia ni hádia. Kuma Mozé ua tangela Ngana kioso kia vutula o mundu ue.

Makatukilu 20:18

Mundu uoso anga evua inuminu, a mono nzaji kutelaka, ni dízui a dʼivu dia koloneta, ni mulundu a u mono uala kuxongota dixi; mundu-phe kia mono ima iii a teketa, anga a bholoka, emanena ngó mu kanga.

Makatukilu 20:20

Mozé anga u ambela mundu, uixi: Kana kukala ni uoma; kuma Nzambi ueza ku mi lola, phala uoma uê u kale bhu pholo ienu, phala ki mu te ituxi.

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Izaía 38:19

Kikale o athu ku muenhu, mukonda athu ku muenhu, ene ngó a ku ximana, kala eme ki ngala kubhanga leluʼiki. O tata, ua kʼejidisa o kidi kié-eie, u Nzambi, ku anʼê.

Luka 1:50

O henda iê ia kalé ku miji ni miji ku thandu dia iá oso a mu xila.

Matendelelu 11:19

Endenu ni ku a longa anʼenu; mu uzuelelu uenu ki mu xikama mʼonzo, kuatenu maka enhá; o ki mu kala mu kuenda njila, kuatenu maka enhá; o ki u zeka ku kilu, zeka ni maka enhá; o ki u balumuka ku kilu, balumuka ni maka enhá.

Matendelelu 12:1

O jiji jene o jingonge ni mabatuilu u mua tokala ku kumbidila ni muanu uoso, kioso ki mua kà kala mʼoxi ia mi bhana Jihova Nzambi ia jitata jenu, phala mu xalele-na-iu mu izuua ioso ia muenhu uenu kulu dia mundu.

Matendelelu 14:23

Anga mu i dila bhu kididi kioso Jihova Nzambi ié kia tungula ku kala diembu dia dijina diê, ni díjimu dia masa mé, ni dia maluvu mé, ni dia maji mé, ni dia jiphande-kumbi ja jingombe jé ni jimbudi jé; phala u di longe o kuxila jinga Jihova Nzambi ií izuua ioso.

Matendelelu 17:19

Anga ukala jinga na-kiu muene bhu mbandu iê, hé uenda ni kutanga-mu izuua ioso ia kala ni muenhu; nda a di longe kukala ni uoma ua Jihova Nzambi iê, phala alunde o izuelu ioso ia kitumu kiki, ni jingonge jiji, mbé o ku ji bhanga.

Matendelelu 4:9

Hé kima, di lange-phe ngó kiambote eie-muène, enda ni kuinga ue kiambote o muenhu ué, o ima i ua mono ni mesu mé ki i ku jimbe, ki i ku bhue ku muxima, enda ni ku i banza katé bhua kà suka o muenhu ué, uende ni ku i longesa ku anʼê katé ku mululu ni ku muláula.

Matendelelu 5:2

Jihova Nzambi ietu, uate kikutu nʼetu bhu Holebe.

Matendelelu 5:29

Uaué, taté! tamanu akala ni muxima uenhó, ua ku ngi xila, nu kuate kualuka o ijiia iami ioso, ku makumbi moso! phala a tunge a some, a mone mbote ni ene ni anʼâ, ku mivu ni mivu ki iene kúbhua!

Matendelelu 6:2

Mbé u kuate kuxila Jihova Nzambi ié, ni kualuka o jingonge ni ijiia iê ioso, i ngala ku ku tendelela, eie, ni monʼé ni mululu ni mulaulʼé, izuua ié ioso i ukala ni muenhu; o mu ku ki bhanga-phe ua kà laia izuua iavulu.

Matendelelu 6:7

Anʼé u a longa muene o ku a bhaka ni ku a kumbidila; o ki u xikama mʼonzo ié, banza maka enhá; o ki u kala mu kuenda njila, enda ni maka enhá; o ki u zeka, zeka ni maka enhá; o ki u balumuka ku kilu, kuata maka enhá.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

Dijingunuinu 19:5

Kienhókio, bhu kiandu anga bhu tunda dízui, dixi: Ximanenu Nzambi ietu! Mu ximanienu enu oso mu jiselevende jê, enu mua mu kuatela uôma, jindenge ni makota!

I Samuuele 12:24

Kima kimoxi ngó: kolokotenu kukala ni uoma ua Jihova, mu mu bhikile mu kidi ni muẋima uenu uoso; endenu ni kuxinganeka jinga o ima ia makota ia mi bhange muene.