Matendelelu 4:1 - O Mikanda Ikola

¹ Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Matendelelu 4:1 ပူးပေါင်းရင်းမြစ်များ

Jisálamu 105:45

phala o itumu iê a i kuate muene, o ijila iê a i tumake. Haleluia!

Jisálamu 119:4

Eie ua tu bhana o phangu ni ndongo phala tu kuate muanu mu ku i aiuka.

Makatukilu 18:20

uenda ni ku a longa o itumu ni ijiia, hé u a edikiza o njila ia tokala kuila, ni kikalakalu kia tokala kubhanga.

Jelemiia 11:6

Jihova anga u ngambela: Boka maka mene mosʼuama mu madiembu ma Juda, ni mu jinzunga ja Jeluzaleme, uixi: Ivenu maka ma kikutu kiki, muende ni ku ma bhanga.

Izekiiele 11:20

Mbhebhu aie ni kuenda mu jingonge jami, ni alunde o mabatuilu mami, nʼende ni ku a bhanga; ene hé a kà kala kiá mundu uami, eme ngi kala ngi Nzambi iâ.

Izekiiele 20:11

Eme nga a bhana o jingonge jami ni ku a londekeza o mabatuilu ami, a bhingi kuila se o muthu u mʼaluka, muene mua muena o muenhu.

Izekiiele 20:21

Maji, o ana ue, a ngi balukila, a fulu kuenda mu jingonge jami, a di tunu kualuka o mabatuilu mami, a bhingi kuila se o muthu u aiuka ni ku a tumaka, muene mua muena o muenhu; ene-phe o jisabhalu jami a ji sebulula; kiene-phe ki ngʼedila ngixi: o kutema kuami nga-nda ku ku lunduluila ku thandu diâ, phala o njinda iami i di kumbidile kokuʼê mu kikangalakata.

Izekiiele 36:27

Anga mʼoxi dienu nga kà tula-mu o nzumbi iami, ni ngi mi bhangese kuenda mu jingonge jami, ni kubhaka o mabatuilu mami, ni muende ni ku a bhanga.

Izekiiele 37:24

Anga o mubhikʼami Davidi muene ua kà kala sobha iâ, ene oso hé a kà kala ni mubidi umoxi ngó; anga a kʼèndela mu mabatuilu mami, enda ni kualuka o jingonge jami ni ku ji bhanga.

Ijila 18:5

Kala kiki o jingonge jami ni mabatuilu mami bhakenu-u; kuma enhó mu ku a bhanga muthu u kola muenhu; Eme Jihova nga ki ambe.

Ijila 19:19

O jingonge jami lundenu-ju muene; kana kuehela ibhaku ienu ku di bunda-bunda ngó, mu kuila o kiki kibhaku kiengi, o kiná ue kibhaku kiengi; kana ue kukuata mbutu jiiadi ja idima nʼu ji kune bhuamoxi mʼóbhia dié; kana ue kuzuata izuatu ia thanga ia kuvudisa idifua.

Ijila 19:37

Alukenu o jingonge jami joso, ni mabatuilu mami moso, muende ni kukumbidila o ijiia iami ioso, kala ki nga mi ambela; Eme-muène Jihova.

Ijila 20:8

O jingonge jami endenu ni ku ji bhaka, mu ji bhange; kabasa Eme-muene Jihova, ngi tena ku mi zelesa.

Ijila 22:31

Kala kiki, endenu ni kualuka o ijiia iami, mu i kumbidile; Eme-muène ngi Jihova.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Luka 1:6

Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

Nzuá 15:14

Enu mu makamba mami se mu bhanga ima ioso i nga mi tumu.

Loma 10:5

Mbata o kia soneka Mozé ku mbandu ia muthu ku mu xikina kua Nzambi ni ku mu lungisa mu kutumaka o Kitumu, uambe kiki: Uoso u bhanga ioso ia xindi o Kitumu, kuene kua muena o muenhu.

Matendelelu 1:3

Anga kibhita kuila, o makuinhi auana a mivu kia tena, kua kambe ngó mbeji imoxi, mu kizuua kia dianga kia mbeji ia kamoxi ku kuinhi, Mozé uzuelesa anʼa Izalaiele, kala kia tumu Jihova ku a tangela.

Matendelelu 1:8

Talesenu, oxi ioso iii nga mi bhana-iu enu; bokonenu muʼvue oxi ia lokela Jihova ku jitata jenu, Mbalahamu ni Izake ni Jakobo, ku a bhana-iu ene ni mbutu iâ kuema diâ.

Matendelelu 11:1

Zola-phe Jihova Nzambi ié, ukuate kualuka ni muanu o ima ioso ia ku tendelela, ni ijiia iê, ni mabatuilu mê, ni jingonge, ni itumu iê, izuua ioso.

Matendelelu 11:32

Tenu-ku-phe muxima mu kumbidile o jingonge ni mabatuilu u ngala ku mi xindila leluʼâ.

Matendelelu 13:1

Kioso ki fundumuka jipolofeta mba ka-jinzoji muʼaxaxi kenu, anga u ku bhana kijimbuete mba kisuma,

Matendelelu 16:20

O kubatula mu kidi, o kubatula milonga mu kidi, kuene ngó ku mu kaiela jinga; nda u kale u muthu ua muenhu, u vue oxi ia-nda ku ku bhana Jihova Nzambi ié mu ubhingano.

Matendelelu 30:16

Kuma ngala ku ku tendelela lelu, ngixi: Zola Jihova Nzambi ié, endela mu ikoka iê, ijiia iê bhaka-iu kiambote, ni jingonge jê, ni mabatuilu mê; se kiene ki u bhanga, u kala ni muenhu, u di sokolola u kala u munéne; o Jihova Nzambi ié ua-nda ku ku zediuisa mu ixi i ua-nda kubokona mu ku i vua.

Matendelelu 30:19

Ni diulu ni oxi a ngi kale jimbangi, kuma nga ku tudila lelu o muenhu ni kúfua; nga ku tudila ue o kuzediua, ni kuxixima, sola-phe muenhu, nda u laie, nʼeie ni mbutu ié.

Matendelelu 30:20

Kale-phe u zola Jihova Nzambi ié, u bhana mátui ku dízui diê, uenda ni ku mu naminina ngó Muene; mukonda kuala o kulaia kué; kuene kuala o divula dia izuua ié; nda u tene kutunga ni kuxalela mʼoxi ia lokela Jihova ku i bhana jitata jé Mbalahamu, ni Izake, ni Jakobo.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

Matendelelu 4:45

Ene-phe o maumbangiʼama, ni jingonge, ni mabatuilu, ma tange Mozé ku anʼa Izalaiele, kia tundu ku Ijito;

Matendelelu 4:8

Muiji uadikota uala-ku uebhi, uala ni jingonge ni mabatuilu ma iuka kiki, kala o kitumu ki ngala ku mi bhana leluʼiki?

Matendelelu 5:1

Mozé anga uixana Izalaiele ioso uʼambela, uixi: Îvua eie u Izalaiele, o jingonge ni mabatuilu u ngala ku mi tendelela lelu mu mátui menu, muile ni ku di longa-u ni ku ma lunda, mbé o ku ma bhanga.

Matendelelu 5:33

Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.

Matendelelu 6:1

Ienhiʼii-phe iene o ijiia, ni jingonge, ni mabatuilu, a ngi tumu Jihova Nzambi ienu, ku mi longa-u. Imʼiii phala muende ni ku i kumbidila kioso ki mua kà tula mʼoxi i mua-nda kúvua.

Matendelelu 6:24

O Jihova-phe iú ua tu tendelela kuila tua tokala tu kumbidila jinga o jingonge jiji, ni tu kuata kuxila Jihova Nzambi ietu, phala o kubhanduluka kuetu ku nangenene, nda a tu bhane muenhu, kala ki tuala leluʼiki.

Matendelelu 7:11

Aluka-phe, ijilʼiii ni jingonge ni mabatuilu moso u ngala ku ku lekelela lelu, ngixi, kumbidila-nâ.

Matendelelu 8:1

Ijila ioso i ngala ku mi tuma kizuua kia lelu, mu i kuata muene phala mu i kumbidile, mbé mu laie nda mu sokoloke, phala mu bokone mu kúvua ixi ia plometela Jihova ku jitata jenu ni mulôko.

Matendelelu 8:11

Alukenu-phe, ki mu landuke Jihova Nzambi ienu, anga mu takuila o ijiia iê bhoxi, ni mabatuilu mê, ni jingonge jê ji ngala ku mi tendelela leluʼidi.

Matendelelu 9:1

Ivua, eie Izalaiele, kuma leluʼidi Njolodá mua-nda ku mu zaúka enu mua-nda kúvua ifuẋi ia miji ia mi tundu; o kusuina kuâ kota, o kuenu ndenge; ni jimbonge jamakota, jala mu imbaka iatuta katé ku maúlu.

Josuué 3:9

Josuué anga uambela anʼa Izalaiele, uixi: Bhixilenu kunu, muívue kia zuela Jihova Nzambi ienu.