Matendelelu 34:8 - O Mikanda Ikola

⁸ Anʼa Izalaiele anga a dila Mozé, mu makuinhi atatu a izuua, mu mikáu ia Mouabhe, katé kia tena izuua ia thambi ia Mozé.

Matendelelu 34:8 ပူးပေါင်းရင်းမြစ်များ

Dimatekenu 50:10

Anga a tula kiênda kia Atade, ku sámbua koko dia Njolodá, anga a didila o thambi bhenhobho, ni jingololo javulu muene, Zuze u tulula o thambi ia tatʼâ mu sambuadi dia izuua.

Dimatekenu 50:3

Anga a bhanga makuinhi auana a izuua, kuma ufunu ua bálsamu u bhinga izuua ioio i tena; akua Ijito anga a mu dila thambi mu makuinhi sambuadi a izuua.

II Samuuele 11:26

Mukaji a Udiia-phe ki evu kuila Udiia munumiʼê uafu, u kala mu dila munumiʼê.

Izaía 57:1

Muthu uaiuka iu uia muʼalunga, kana-bhu muthu u ki xinganeka ku muẋima uê; athu a lenduka a ololabhu, kana-bhu-phe ulembalala kuila muthu uambote a dianga ku mu sondolola kioso o kuiibha kiluua kuiza.

Dialuilu 20:29

O kilômbo kioso-phe, kioso kia mono kuila Alá ua fu, a dila Alá, mu makuinhi a tatu a kizuua, kiene-phe, o dibhata dioso kiá dia Izalaiele, kia ididi o thambi ia Alá.

Jipoxolo 8:2

Ku kala athu a ujitu a fûnda Xitevá, a dila jingololo mukonda dia kufua kuê.

Matendelelu 34:7

Mozé ua fuila mu kitala kia hama ia mivu ni makuinhi aiadi; mesu mê hanji akexe kumona muene kiambote, hanji akexe ni nguzu iê.

Matendelelu 34:9

Josuué, monʼa Nune-phe, anga uizala ni Nzumbi ia unjimu, kuma Mozé ua tudile maku mê ku thandu diê; kienhókio anʼa Izalaiele akuata ku mu ivua kia zuela, anga a bhanga kala kia xindi Jihova kua Mozé.

I Samuuele 25:1

Samuuele anga u fua: Izalaiele ioso anga a bhongoloka mu ku mu dila thambi, anga a mu fûnda bhu bhata diê bhu Lama. Davidi-phe u sendumuka-bhu, anga u kulumuka ku mikáu iakukuta ia kikangalakata kia Palane.