Matendelelu 34:1 - O Mikanda Ikola

¹ Mozé anga u banda ku mulundu ua Nebo, mu dinhana dia Mouabhe o mikáu ia Mouabhe u i xa bhoxi, iú bhu thala ia Pisga, bhua lulama ni Jedikó. Jihova anga u mu londekeza oxi ioso, tunde ku Ngiliiade katé ku Dane;

Matendelelu 34:1 ပူးပေါင်းရင်းမြစ်များ

Dimatekenu 13:14

Jihova anga u zuelesa Mbalamu, kia zubha ku di uanununa ni Lote, uixi: Bhetula mesu, tunde bhu kididi bhu uemanʼabha, u tale ku suku ni ku sulu, ku mutundila-kumbi ni ku mutudila-kumbi;

Dimatekenu 14:14

Bhenhobho Mbalamu kia zubha ku kʼivua kuila phangʼiê a mu kutu, ia aii-nê, u manekesa makuenze mê, a a vualela mu dibhata diê, hama jitatu ja muthu ni makuinhi nake, u a kaiela katé ku Dane.

Izekiiele 40:2

mu isuma ia Nzambi, lua ngʼambata katé mu ixi ia Izalaiele, lú lua ngi tula ku mulundu ua di leka kinéne, o kuenhoko kua kexile kima kiedi kala mbanza iòtunge, ku mbandu ia Sulu.

Dialuilu 21:20

kutunda bhu Bamote, eza mu honga ia mukáu ua Mouabhe, bhu ditala dia mulundu ua Pixika, kifua bhene bhu thala-mu-ngongo.

Dialuilu 23:14

Anga u mu bheka mu mukáu ua Zofimi bhu thala ia Píxika, u tungila-bhu dingi sambuadi dia kalatódio, kalatódio ni kalatódio u satela-ku ngombe ni kilumbe.

Dialuilu 27:12

Jihova anga u ambela Mozé, uixi: Eie u banda mu mulundu iú ua Abadimi, o ixi i ngi bhana anʼa Izalaiele u i muena ku sámbua.

Dialuilu 33:47

Kutunda bhu Alumone-Dibalataimi, kibangu mu milundu ia Abadimi, bhua lulama ni Nebu.

Matendelelu 3:27

Banda ngó ku thala dia mulundu ua Piska u zambule mesu mé ku luiji, ni ku suku ni ku sulu ni ku thunda, ioso u i tale ngó ni mesu mé, mbata eie o Njolodá ku tené ku mu zaúka.

Matendelelu 32:49

Banda bhu ditala dia Abadimi, ku mulundu ua Nebo, u ala mʼoxi ia Mouabhe bhua lulama ni Jedikó, u talese oxi ia Kanana i nga-nda kubhana anʼa Izalaiele mu ubhinganu.

Matendelelu 32:52

Mukonda dia kienhiki, oxi ia ku kala ku pholo, i nga-nda ku bhana anʼa Izalaiele, u i mona muene mu kanga iná, maji ku tené kua kà bokona-mu.

Matendelelu 34:4

Jihova anga u mu ambela, uixi: Iii iene o ixi i nga lokela Mbalahamuʼii, ni Izake, ni Jakobo, kuila: Nga-nda ku i bhana o mbutu ié. Nga ku londekeza-iu-phe phala u i mone ngó ni mesu mé, maji kua-nda kubokona-mu.

Josuué 19:47

anʼa Dane hanji a bhânga ni Leseme, a mu bhitisa ku mazu a xibhata, a mu tambula mbonge ia Leseme, anga a tunga muenhomo; Leseme muenhú anga a mu luka Dane, kifua aluku tatʼâ-ene.

Josuué 22:9

Kienhiki anʼa Lubene, ni anʼa Ngadi, ni kaxaxi ka muiji ua Manasa, a vutuka kiá, hé a tunda ku Silu, a xa anʼa Izalaiele, mu ixi ia Kanana; anga aia ku ixi ia Ngiliiade, kʼoxi ia ubhinganu uâ, ua a lunduixile, mu ngonge ia Jihova bhu thembu kiala-ku hanji Mozé ku ukunji.

Dijingunuinu 21:10

Kithangana kienhókio o Nzumbi ia Nzambi hé u ngi kitulula, anju anga u ngʼambata Katé ku mulundu ua dikota ua di leka. Anga u ngʼidikiza o Mbanza Iangene, Jeluzaleme, iala mù tuluka ku diulu kua Nzambi,

Afundixi 18:29

Mbonge ioio anga a i luka dijina dia Dani, diene dijina dia tatʼâ Dani a mu vuala kuala Izalaiele; mʼokulu-phe mbonge ioio dijina diê Laixi.