Matendelelu 33:8 - O Mikanda Ikola

⁸ Utanga Levi, uixi: O Tumimi ni Udimi ié, ikale iangene ia kazola ké. Uoso eie ua mu bhitixile ku polova bhu Masá, ió ua zokele-nê bhu menha ma Mediba.

Matendelelu 33:8 ပူးပေါင်းရင်းမြစ်များ

II Malunda 23:6

Maji-phe ki bhu kale muthu u bokona mʼonzo ia Jihova, kikale ngó o jinganga ni jilevita akua kubhanga ukunji; iá a tena kubokona mbata athu a kôla; maji o athu oso a kà kumbidila o kijila kia Jihova.

Ejidala 2:63

Nguvulu anga u a tangela kuila kʼadie ku ima iolumbile Nzambi, katé ki ku moneka nganga u kala ni Udimi ni Tumimi.

Ejidala 8:28

Hé ngʼambela, ngixi: Enu a mi lumbila kua Jihova, itutu iii iòlumbile ue, kumoxi ni phalata iii ni ulu iú, kuma mubhaku ua vondadi, uòbhakule kua Jihova Nzambi ia jitata jenu.

Nehemiia 7:65

Anga o nguvulu u a kidika uixi kʼadie ku ima iòlumbe, a kinge muene katé ki kumoneka o nganga utena kuibhula kua Jihova Nzambi ni Udime ni Tumime.

Jisálamu 106:16

A kala ni difutu dia Mozé bhu kilombo, ni dia Alá, o muthu uangene ua Jihova.

Jisálamu 16:10

Kuma eie ku xikina kuehela muenhu uami kuʼalunga; muthu ué ua mu solo kà kala mu sekumuka.

Jisálamu 81:7

Ki ua dikola mu lamba, nga ku kudila; nga ku itaiela mu kididi kiòsueke mu tunda o inuminu ia jinzaji; nga ku lola o muẋima bhu menha ma Medibah. (Selah.)

Makatukilu 17:7

Kididi kienhokio anga u ki luka uixi: Masahe, a ki luka ue Medibah, mukonda dia mvunda ia anʼa Izalaiele, mukonda ue a bhumina Jihova, exi: O ki tualʼiki, tuila Jihova tuala-nê, inga kana?

Makatukilu 28:30

O moxi dia muxila ua kuzambuila u ta-mu ue Udimi ni Tumimi, i kale bhu thulu ia Alá kioso kia kà bokona kua Jihova; Alá kifua uambata jinga bhu thulu iê mu thembu joso o hasa ia anʼa Izalaiele bhu pholo ia Jihova.

Makatukilu 28:36

U iudika ue ni kítandu kia ulu ua fina, anga u setela-ku, mukua ni kuseta kua sineta: Kuzela Kukola Kua Jihova.

Ijila 21:7

Ka sakane muhatu uala kiuaia, mba a mu katula kiá o undenge; ka sakane muhatu a mu sange kuala munumiʼê, kuma nganga muthu uangene ua Nzambi.

Ijila 8:8

U mu nhenga o kixita-thulu ku phetu: o mu kixita-thulu u ta-mu Udimi ni Tumimi.

Malakiia 2:6

O ngonge ia kidi ia kexile mu kanu diê; ku mizumbu iê ki kua mu kexile phulu ia kima; uenda jinga ni eme mu paze ni kuiuka, iu ua longo avulu kulenga o kubhuma.

Dialuilu 16:5

anga u zuelela Kola ni kionge kiê kioso, uixi: O mungu, mu kimenemene, o Jihova muene ua-nda kuijidisa uoso o uê ua mu tokala, ni ió uoso uazele, uoso Muene ua-nda ku mu bhiẋidisa kokuʼê.

Dialuilu 20:13

O iá ene o menha a Mediba, mukonda o anʼa Izalaiele a zoko ni Jihova; iú ua di monekena momuʼâ kuma Ukôla.

Dialuilu 20:24

Alá a-nda ku mu bhongololuela kiá kuʼaia malembʼê, mukonda mu ixi i nga bhana anʼa izalaiele muene ka-nda ku bokona-mu, mbata mua xibhaka o kizuelu kiami bhu menha ma Mediba.

Dialuilu 27:21

Muene uimana bhu pholo ia nganga Eleazale, o ió u kala mu ku mu zambuila, muzambu ua Udimi kua Jihova, hé bhu kala kutunda, kizuelu ki tunda kua muene; hé bhu kala kubokona, kizuelu ki tunda kua muene; ni muene ni ana oso a Izalaiele kumoxi, kilômbo kiê kioso.

Dialuilu 35:8

Mu ku a solela ididi mu ixi i mua uanena anʼa Izalaiele, a a bhana ixi ia dikota, ene a kala kota mu bhana ididi ku Jilevita, a a bhana ixi iatolo, a kala ndenge mu bhana ididi ia Jilevita; ididi mu i sokesa kiambote, mu undundu ua ene.

Matendelelu 6:16

O Jihova Nzambi ienu kana ku mu lokalala, kala ki mua mu lokalela bhu Masá.

Matendelelu 8:16

Muene ua ku dikila ni maná mu kikangalakata, maná ia kambele adiʼenu ku iʼjiia, phala ku mi tululula ni ku mi lola ni jingongo ja vulu mbé ku dizubhilu a mi bhange o mbote.

Matendelelu 9:22

O bhu Tabela, ni bhu Masá ni bhu Kiboloto-Hatava, ni ku jimbandu joso ku mua bhiti, Jihova mua mu lokalala jinga ue kiaiibha.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki:

I Samuuele 28:6

Saúlo-phe ki ebhula kua Jihova, Jihova ka mu vutuila, né ku nzoji, né ku Udimi, né ku jipolofeta.