Matendelelu 33:3 - O Mikanda Ikola

³ Muene mu kidi ua zola o ifuẋi; athuʼê angene ala bhu lukuaku luê; ene enda ni kuxikama bhu inama iê, phala kala muthu nʼende ni kutambula-ku ku maka mê.

Matendelelu 33:3 ပူးပေါင်းရင်းမြစ်များ

Jisálamu 31:15

Mukonda o ithangana iami iala bhu maku mé; ngi kudile bhu maku a jinguma jami, ni kua ió ala ku ngi zuididika.

Jisálamu 47:4

Muene ua tu solela o undundu uetu, o ixi iauabha ia bhana Jakobo, muthu uê ua mu zola. (Selah.)

Jisálamu 50:5

Bhongololenu athu ami ósole eze bhu kinama kiami, oso a te kikutu ni eme mu ku ngi satela.

Jisabhu 2:1

Monʼami, se u xikina maka mami, anga u kondeka o jingonge jami mu muẋima ué,

Ndongixi 9:1

Ima ioso ienhiʼii nga i lungujula kiavulu ni muẋima uami, phala i ngi tongolokele muene kiambote: Kuila o athu a iuka ni jinjimu, o ikalakalu iâ iala bhu maku a Nzambi; ni kuila ue o muthu kejiia ioso iala ku mu kinga, mba ukamba mba unguma, manhí. Ima iene ioso ia hádia a mu suekela-iu ku mesu mê.

Jelemiia 2:2

kixi: Nde, ua kà handekele mu mátui ma Jeluzaleme, uixi: Jihova uambe, kiki: Nga ku lembalala, ni mbote ja unzangala ué, ni jihenda jé ja ubhanga, ni kioso ki ua ngi kaiejela jinga mu kikangalakata, mu ixi ki i xikina ku i kuna.

Jelemiia 31:3

Kithangana kiá kia bhiti-bhu tundé kia ngi tukulukila Jihova, uixi: Tala, nga ku zolo ni henda ki i moneka dizubhilu, nga ku sungu ue ni jihenda ja kulenduka, kokuami.

Jelemiia 32:40

Hé nga kà ta-nâ kikutu ki nangenena, ki kia kà a sondoloka dingi, mbé o ku a bhanga mbote, anga nga kà ta uoma uami ku muẋima uâ, phala eme ki mungu dingi a ngʼixa.

Hozeia 11:1

Izalaiele kioso kiala hanji kamona ka ndenge, Eme nga mu zolo kiá; o mu Ijitu muene mu ngexanena monʼami.

Malakiia 1:2

Jihova uambe: Eme nga mi zola; maji enu-phe, muixi: Eie ua tu zola mu ima iahi? Abha, Izaú ki muene kota dia Jakobo? Maji-phe eme ngi Jihova ngazola Jakobo.

Matesu 23:2

O jimesene ja Kitumu ni jifalizeu a xikama bhu kibhuna kia kulombolola o Kitumu kia Mozé.

Luka 10:39

Marta ukala ue ni phangʼiê dijina diê Madiia, Madiia anga u xikama bhu inama ia Jezú, hé u kuata kuívua o maka mê.

Luka 2:46

O kia bhiti izuua itatu, kiene kia mu sange mu Tembulu, ua xikama muʼaxaxe ka jimesene ja Jijudé, uala ku a evua ni ku a ebhudisa.

Luka 8:35

Athu avulu anga a tunda mù tala kioso kia bhiti. Eza kua Jezú, anga a sanga o diiala, madimonho ma mu tundu kiá moxi diê, ua xikama bhu inama ia Jezú, ua zuata, ua tambula kilunji. Anga a kala ni uôma.

Jipoxolo 22:3

Eme ngala ngi Judé, a ngi vualela mu Talaso, ku Silisia, a ngi sasela-phe mu mbanza ia Jeluzaleme muenʼiumu, bhu inama ia mesene Ngamadiiele. A ngi longo ni muanu uoso mu Kitumu kia jitata jetu, hé ngi kala mu suinisa Nzambi, uila enu oso ue ki mua mu suinina leluʼ idi.

Matendelelu 14:2

Mbata eie u kifuẋi kiangene kia Jihova Nzambi ienu; o Jihova phe ua mi tungula ku ifuẋi ioso ia dizale bhoxiʼabha, phala mu mu kale mu mundu uê ua mu tokala.

Matendelelu 4:37

Mukonda muene ua zola adié, iu ua sola o mbutu iâ, iú ua i tungula kioso ene kia zubha kúfua, muene ua ku katula eie mʼoxi ia Ijito ni undanda ua nguzu iê.

Matendelelu 6:1

Ienhiʼii-phe iene o ijiia, ni jingonge, ni mabatuilu, a ngi tumu Jihova Nzambi ienu, ku mi longa-u. Imʼiii phala muende ni ku i kumbidila kioso ki mua kà tula mʼoxi i mua-nda kúvua.

I Tesalonika 1:6

Enu anga mu kala mu afikixi etʼuetu, mu afikixi ue a Ngana. Kuma o maka mua ma tambula ni hadi iavulu, ni ngalasa ioio i tunda kua Nzumbi Ikôla.

I Phetele 1:5

O mabesá enʼiâ phala enu oso mu kutena kua Nzambi, a mi lange mu kuxikana, ni mu kukinga o kubhulukʼ oko kua-ndù tukuluka mu kithangana kia kà suka-ku.

I Nzuá 4:19

Etu tu zola, mukonda Nzambi muène ua diangela ku tu zola.

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.