Matendelelu 33:2 - O Mikanda Ikola

² Uixi: Jihova uatulukila ku Sinai, iú ua bandela ku Seíle; ua lekujukila ni ku mulundu ua Palane, ueza ni kuinhi dia midi dia jisandu ku madilu mê kua kexile o kitumu kiauama túbhia phala ene!

Matendelelu 33:2 ပူးပေါင်းရင်းမြစ်များ

I Jisobha 11:18

Anga a katuka bhu Midiiane, hé eza bhu Palane. O bhenhobho anga ambata-bhu akua Palane amoxi-mu, anga a bhixila mu Ijito kua Falaó, sobha ia Ijito. Muene hé u bhana inzo kua Hadade, anga u mu bhana kizuelu kia ku mu bhana jinga kúdia, hé u mu bhana ue ni mikau.

Jisálamu 50:2

Kididi kia Ziione, ki ki moneka luiadi mu kuuabha, muene muala kutunda o kubenha kua Nzambi,

Jisálamu 68:17

Makalu a Nzambi a ita makuinhi aiadi a midi, ni jimidi ja jimidi ja ndumba; o Ngana uala muʼaxaxi kâ, mukuâ ni mú Sinai, o kididi kiê kia isuma!

Jisálamu 68:18

Eie ki ua bande bhuluʼèlele, ni mu diendu dié ubhika ua u katula-mu eie ua u ambata kuma hutile ié i ua kutu; ni mahitula mé, ua ma tambula muʼaxaxi ka athu; katé ni iá a xibhakele, a xikina kiá kuila, Jihova Nzambi a tunge muʼaxaxi kâ.

Makatukilu 23:20

Talesa, ngi tuma anju iami ku mi diangela ku pholo ienu, phala a mi lange mu njila iii, mbé a mi bheke ku kididi ki nga mi iudikila.

Daniiele 4:13

Eme ku kilu kuenhoko, nga kuata kukengelela muene, bhu hama bhu ngala; talesa-ze ku iza mulangi, muthu ukôla uala kutuluka ku diulu.

Habakuke 3:3

Nzambi uijiia ku Tamane, ió Ukôla uijiia ku mulundu ua Palane. (Selah) Fuma iê iezalesa o diulu, o ixi ue iezala ni diximanu diê.

Dialuilu 10:12

Anʼa Izalaiele anga a katuka mu kikangalakata kia Sinai, enda ku kibuka-kibuka, katé dituta dia tula mu kikangalakata kia Palane.

Jipoxolo 7:53

Enu mua tambula o Kitumu mu kusedivila kua ji-anju, ku ki kumbidila-phe mua ki tokoka!

II Kolindo 3:7

O kitumu kia Mozé a ki seta ni jilétala, ku mabaia a matadi, o kioso ki a ki bhakuila o mundu, kubenha kua Nzambi kua tukuluka. Bhenhobho-phe o kubenha kua pholo ia Mozé kù jimuka kiá, maji nè kienhokio, hanji muene kua kexidiê kua dikota katé o kifuẋi kia Izalaiele ka tenene ku mu tula mesu ni ku mu tala.

II Kolindo 3:9

O kikalakalu kia bhana o kuêla ku athu kia kexile kia matunda. Kuambe dingi mu kukala kota-kota ku matunda o kikalakalu ki a bhana o kulunga!

Ngalásia 3:10

Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!

Ngalásia 3:19

O Kitumu-phe a ki bhela-hi? Kitumu a ki bandekeza ku pholo kunu, phala kuidikiza o ima ioso iaiibhila Nzambi. Kiene ki nanga ngó katé bhuoso bhu ijila ió a mu bhele polomesa u tunda ku mbutu ia Mbalahamu. Kitumu a ki tumikisina ku ji-anju, ni ku muthu u di bhanga muzumbu uenda na-kiu.

Ngalásia 4:24

Imʼ iii-phe ia di bhange kala kifika. Kuma ahatu aiadi enʼiâ, ikutu iiadi: Umoxi u tunda ku mulundu ua Sinai, anʼ ê ua a vualela mu ubhika, kifua abhika, muene-phe Hangale.

Matendelelu 5:22

Makʼama mene Jihova ma jimbuila mundu uenu uoso ki mua bhongolekele bhu mbanduʼa mulundu, anga muene uzuelela mu kaẋi ka túbhia, mu matuta maxiti mavundu, ni kuene buí, o dízui diia ni kubhana mutendu ua suina, kuabhu-phe, ka te-ku dingi kima; kienhókio iú ua ma sonekene ku mabáia maiadi ma matadi; anga u ngi bhana-nâ eme.

II Tesalonika 1:7

Hé enu-phe mua tale hadi, u mi bhana kunhoha, kumoxi ni etu, tua tale hadi, bhuoso bhua kà tukulukila Ngana Jezú ku diulu ni ji-anju jê ja nguzu.

Jihebeleu 12:20

Kuma a ki lembua kioso kia a xindi exi: Né kibhaku ngó se ki diota ku mulundu, kikale mu ki buba ni matadi.

Jihebeleu 2:2

Kuma se o maka maná ma zuelela ku ji-anju, ma xalela ni kukolokota, o kutondala kuoso, mba kuxibhaka, ku kala ni kaxtiku kê koso ka tokala.

Juda 1:14

Enoko, muène sambuadi mu ku di vuala tundé kua Adá, ua a tange enʼ iâ mu upolofeta tundé mu ukulu munhá, uixi: Talesenu! Ngana hádia uiza ni makuinhi a jimidi ja akunjiʼê a ngene,

Dijingunuinu 5:11

Anga eme ngi tala dingi, hé ngʼivua dízui dia ji-anju javulu ja bhake o kiandu bhu kaxi, ni iama iuana ia muenhu, ni ikulakaji, jʼemana, o konda iâ ia tena jimidi ni jimidi ja ndumba!