Matendelelu 32:8 - O Mikanda Ikola

⁸ Kioso kia kexe Suke-ku mu kuuanena miji iʼathu o undundu uâ, anʼa Adá anga u kuata ku auanuna ku ibuka-ibuka ia di kexidila mudiâ, hé u ta jimbambe phala ifuẋi mu ngongo, o anʼa Izalaiele ua a zongela kala kiasoko o ndumba iâ.

Matendelelu 32:8 ပူးပေါင်းရင်းမြစ်များ

Dimatekenu 10:15

Kanana anga u vuala thungunu ie Sidone, kua kaiela Hete.

Dimatekenu 10:25

Ebele anga u vuala ana kiiadi; iú dijina diê Peleke, mukonda mu izuua iê kiene kia di uanununa ixi; o mukuá dijina diê Jokotane.

Dimatekenu 10:5

Enhá ene a di uanena o jixi ku ikolo ia matumbu, a di tungula ku madimi, ku miji, ni ku ilombo iâ.

I Malunda 16:18

uixi: Eie-muène nga-nda ku kubhana o ixi ia Kanana, ikale mbandu ia undundu uenu.

Jobe 15:19

kua ene ngoho kuene kua bhele o ixi, o mu kaẋi kâ ki mu bhiti dingi muthu uengi, kienhiki:)

Jisálamu 115:16

Diulu, diulu diangene dia Jihova, maji o ixi-phe, ua i bhana anʼa athu.

Jisálamu 50:14

Kota u satela Nzambi sata ia kusakidila; kumbidila kioso ki ua tange kubhana kua Suke-ku.

Jisálamu 7:17

Eme-phe ngi sakidila jinga Jihova mu kutetuluka kuê; ngimba ni kuximana o dijina dia Jihova, Suke-ku.

Jisálamu 74:17

Ixi eie ua i xindi ni jimbambe jê ni mvula ni kixibhu eie-muène ua a bhanga.

Jisálamu 82:6

Nga ki ambe, ngixi: Enu mu jinzambi, enu oso mu anʼa Suke-ku.

Jisálamu 91:1

Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Jisálamu 92:8

Eie-phe, u Jihova, ditala diengi di uemana, kuma eie-muène Suke-ku katé ku hádia ni hádia!

Izaía 14:14

Nga kà banda muene katé ku thandu dia matuta ma suku-ku, nga kà di fuangana ni Suke-ku.

Daniiele 4:17

Sendesa iii iatundu ku Alangidi, o ngonge iii iangene ia athu akôla; phala ki bhekele athu ku tongolola kuma, mbé Suke-ku muene utumina o ma-usobha ma athu; u ma bhana uoso a mu andala, katé-ze ni sébhue u mu zangeleka muene ku thandu dia athu.

Daniiele 5:18

Kaxi eie, u sobha, Nzambi Sukeku, uabhele tatʼenu Nabukodonozolo o utuminu, ni ulâmba, hi kijingo ni kizunda.

Mikeia 2:5

Uila kiki, mu kionge kia Jihova ki mua kà kala muthu ua kà kuata mukolo, nʼa kà ku uanena o undundu ué ua kutokala.

Dialuilu 23:9

Tundé ku thandu dia matadi nga mu mono, ku milundu ngi mu tala iuná; kifuẋi kiê, kifuẋi kia di tungidila, ka moneka akuâ a soko-nâ.

Dialuilu 24:16

u zuela ió uevu maka ma Nzambi, uejiia ni uijidilu ua Suke-ku, u mona kisukila kia Muteni-a-ioso; uia ku kiambu, maji mesu a tono;

Jipoxolo 17:26

Akua jixi joso mu ngongo ua a bhange ku mbutu ia muthu umoxi, phala kutunga kʼulu dia mundu. Muène-muène ua a xindila o jithembu jâ, ni jimbambe ja madiembu.

Jipoxolo 7:48

Sumbala Ió Uasuka ku Ukota kene kutunga mu jinzu jokalakale ni maku ma muthu, uila kia tange o Polofeta, uixi:

Matendelelu 33:28

Kala kiki Izalaiele ua kà tunga ua kà soma, ubheka uê, mu ixi ia dijiia dia Jakobo. Mʼoxi ia masa ni maluvu; o maúlu mê ma suka jinga mbundu.