Matendelelu 32:6 - O Mikanda Ikola

⁶ Mbé Jihova kiene ki mu mu vutuilʼokio? Muiji ua tobho ua kambe kilunjí? Mbé Jihova ki muene Tatʼenu ua mi kula, ua mi bhanga, iu ua mi bhana o kutunga ni kusoma?

Matendelelu 32:6 ပူးပေါင်းရင်းမြစ်များ

II Samuuele 7:24

Mundu ué ua Izalaiele anga u a tungisa mu kala mundu ué ua di kalela mu mivu ia kambe dizubhilu; eie muene Jihova, ua di bhange u Nzambi iâ.

Jobe 10:8

O makuʼé ene a ngʼumbu, a ngi iukisa, maji eie uandala ku ngi dia.

Jisálamu 100:3

Ijiienu-kiu, kuma Jihova muene Nzambi; muene ua tu bhanga, muene ua tu vu; etu tu mundu uê tua mu tokala, tu jimbudi jê, muene uala ku tu inga.

Jisálamu 116:12

Kiki-phe ngi bhakula kima kiahi kua Jihova, mu mbote joso jene ku ngi bhanga?

Jisálamu 149:2

Izalaiele a sanguluke ni ió uoso ua mu bhanga; anʼa Ziione a kale ni ngalasa, mua muene muenexi uâ.

Jisálamu 74:18

Maji-phe xinganeka-kiu: Nguma ja ku lokalala eie u Jihova; mbutu ia jisemenhi a ẋonguena o dijina dié.

Jisálamu 74:2

Xinganeka o kifuẋi kié ki ua sumba tunde mʼokulu, eie muene ua a kula mu ku kala muiji ua undundu ué; ni mulundu ué ua Ziione ku ua te o dibhata.

Jisálamu 95:6

Ndokuenu tu bhetame, phala tu bhezienu, tu fukame bhu pholo ia Jihova ua tu bhanga.

Makatukilu 15:16

Kua a tulukila kekenha ni kikote; o nguzu ia lukuaku lué ia a bhuuika, a xikama ni ene hudií kala ditadi; katé kia zaúka o mundu ué, u Jihova, katé kia zaúka, o mundu ué u ua sumba.

Makatukilu 4:22

Bhenhobho eie ua kʼambela Falaó, kuma: Jihova uambe kiki: Izalaiele monʼami, monʼami ua phande-kumbi.

Izaía 1:2

Ivenu, enu mu maúlu, eie ue u ixi, bhana mátui; mbata Jihova muene ua mu zuela: Nga bhange ana, nga a bhana kijingo; maji ene a ngi balukila.

Izaía 27:11

O kioso jithangu jê joso ki ja-nda ku kukuta, a kà ji bukujula; o kiza ahatu, a ji ta mu túbhia; mukonda o mundu iú ki mundu ua kilunji; kienhiki-phe, ió uoso ua u bhanga ka kà u kuatela henda, ió uoso ua umbu ka tena ku uidika ujitu ua kima.

Izaía 43:1

Kiki, kia zuela Jihova ua ku bhanga, eie Jakobo, tata, iu ua ku umbu, eie u Izalaiele, uexi: Ku kale ni uoma, mbata nga ku kula muene; nga ku tumbula muene mu dijina, eie u muthu uami.

Izaía 43:7

Oso a exana mu dijina diami, ni oso nga a bhanga phala o diximanu diami, eme-muène ngʼa ombu, kidi muene, eme muene ngʼa iudika.

Izaía 44:2

Jihova, ua ku bhanga iu ua kʼumbu tundé mu mala iú ua xikamena o ku ku banda, uambe kiki: Ku kale ni uoma, Jakobo tata, selevende iami, nʼeie Jesulume u muthu nga ku sola.

Izaía 63:16

Maji-phe, eiʼeie u Tatʼetu, né-mbe hanji o Mbalahamu ka tu ijiia, o Izalaiele ue ka tu suu; Eie-phe, Ngana, u Jihova, eie muene u Tatʼetu; u Mukudi uetu tundé xahúlu, diene o dijina dié.

Izaía 64:8

Maji kindala-phe, Jihova eiʼeie u Tatʼetu; etu tu utuma, eiʼeie u ngumbi ietu; etu ene-oso tu kibhangelu kia maku mé.

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Jelemiia 5:21

Kindala ivenu-kiu-ze, enu mu mundu ua tekuka, mua kamba o muẋima, muedi mesu muala-nâ, maji mu tokoka o kumona, o matui mualanâ, maji mu tokoka o kuívua.

Hozeia 13:13

Hinu ku mu tulukila misusu kala mika ia muhatu uala ku isénda, o mu kuvuala-phe u vuala kilalu kia mona, kuma ka bhiẋila luua bhu kithangana kia ku mu vuala nʼa tunde ku kanga.

Malakiia 1:6

Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Nzuá 8:41

Enu mua mu bhanga o ikalakalu ia tatʼ enu. Exi: Etu ki tuala tu anʼ a undumbu, kana! Tuala ni tata iumoxi ngó, muene Nzambi.

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

Loma 8:15

Mbata enu ki mu tambula Nzumbi ia ubhika, kuila mu kala dingi ni uôma. Maji mua tambula Nzumbi ia uana i mi bhangesa kukala mu anʼ a Nzambi, o mu nguzu ia tu bhana o Nzumbi, ki tu bhana kudikola kua Nzambi: Abha, Tata!

I Kolindo 6:20

Kuma a mi sumbu ni suilu. Uila kiki, fumanesenu Nzambi ku mikutu ienu, ni ku jinzumbi jenu, kuma ja tokala Nzambi.

Ngalásia 3:26

Mukonda enu oso mua di bhange mu anʼ a Nzambi, mu kuxikana Kristu Jezú.

Ngalásia 4:6

O mu kuidikiza kuila tuala tu anʼê, Nzambi ua tumikisa Nzumbi ia Monʼ ê mu miẋima ietu, o Nzumbi i tena kudikola: Abha, Tata!

Matendelelu 1:31

ni mu kikangalakata, mu mua bhiti ni ku mi ambata kuala Jihova Nzambi ienu kala muthu kiʼambata monʼê, mu njila ioso mu muejila katé ki mua bhiẋila bhu kididiʼiki.

Matendelelu 14:1

Enu muala mu ana a Jihova Nzambi ienu, né-mbe mua fundu muthu kana ku di bhuta mabhaia mu mítue mba mu di ẋanga jiphoko ku mukutu.

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!

Matendelelu 32:18

ʼTadi dia Muenhu ua mu jimbiê kiá, ua kuvuala; Nzambi uoso ua kʼumbile iú ua ku bhana o kukala, ki bhinga u mu jimba?

Matendelelu 32:28

Kuma o mundu uami ene uâ kamoneki kaiula, kʼeniâ ni kilunji.

II Phetele 2:1

Mʼukulu ku mundu-phe kuejile jipolofeta ja makutu, uila kiki mudienu kuandú kala ue jimesene ja makutu. Jene ji mi zombela ni maulongelu mengi ma texikisa, katé ni Muadiʼâ ua a sumba a dituna-nê. O mu kubhanga kiki, a di bhekela kingûmba kialenguluka.

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.