Matendelelu 32:5 - O Mikanda Ikola

⁵ Athu akexe anʼê, leluʼidi a mu kitukila, a di selula, ene-phe a di bhange-kiu! Muiji ua lusebu, abhindamena ngó kuenda ibhengèle!

Matendelelu 32:5 ပူးပေါင်းရင်းမြစ်များ

Dimatekenu 6:12

Ngana Nzambi anga u tala ixi, u mona kuma ia sekala; xitu ioso ia sebuluka mu kuenda kuê mu ngongo.

Jisálamu 78:8

Ka soke dingi ni jitata jâ, muiji ua thathamana, ua xibhaka, muiji ua bhengalala o mixima, ku di tuma ni Nzambi a ki tokoka.

Makatukilu 32:7

Jihova anga u ambela Mozé, uixi: Ndeie, kulumuka mulundu; kuma o mundu ué u ua tundu nâ-u mʼoxi ia Ijitu a di kasanesa kiá.

Jisabhu 8:8

Maka moso ma dikanu diami, u ma sanga mu uiukilu uê; se u ma tekula, ku sange-mu ngó ibhengele mba kubhuma.

Izaía 1:4

Kifuxi kiki lamba diâ, mukonda kiezala ni ituxi, mundu ua kubhuma, muiji ua isuéia, mbutu iaiibha i sambukisa kubola; Jihova a mu te dikunda. Delemba dia Izalaiele a mu tembula, ia a vutuka kuema!

Izaía 63:8

Kuma muene uambele, kuila: Ene povo iami mu kidi, ana ka tange makutu, kiene kia di-bhangela Mubhuludi uâ.

Hozeia 9:9

A di bolesa kinéne kala mu izuua ia Jibeia; Jihova-phe ua-nda kulembalala o mangonha mâ, anga u a bhana o kaxtiku kala kia fuama o ituxi iâ.

Sofoniia 3:7

Eme-phe, ngixi: Ukala kiá ni uoma uami, uẋikina kiá o ku ku bazela, phala u tunge u some, o kididi kié ki xalele ka ki sengulule kala ki ngambele kubhanga mukonda dia ikuma ié, maji anʼé a di meneka muene mu ku beta kuxidisa dingi o ikalakalu iâ ioso.

Dialuilu 23:21

Ka mono kubhukumuka kua Jakobo; ka mono ikuma kua Izalaiele; Jihova, Nzambi iê, ua tungu-nê, o muʼaxaxe ka uivua-mu nzôngo ia sobha ala ku mu kola.

Matesu 16:4

Muiji uaiibha, ua akua jiphànda, u sota kijimbuete! Kijimbuete-phe ka a bhana-kiu, kikale ngó o kijimbuete kia Jona, kuabhu! Anga u a-xa bhobho, uia kuengi.

Matesu 17:17

Jezú anga u kumbulula, uixi: Muiji ua kambe o kuxikana, ua thathamana! Ngi kala ni enu katé bhebhi? Katé bhebhi ngi kala ni ku mi xididikila? Monʼé ngi bhekele-nê bhabha!

Matesu 3:7

Nzuá muène-phe kia mono ku jifalizeu ni ku jisaduseu kueza athu ku batizu iê, uixi: Enu mu ana a madiuta, nanhi ua mi dimuna kulenga o njinda ia-nda kuiza-ku, itunda kua Nzambi?

Luka 9:41

Jezú ua vutula, uixi: Muiji iú tata, uaiibha, ua vulu o jiphata! Ngi suka bhebhi ni kukala kumoxi ni enu? Ngi mi xididikila katé bhebhi? Monʼé izá-nê bhabha.

Nzuá 8:41

Enu mua mu bhanga o ikalakalu ia tatʼ enu. Exi: Etu ki tuala tu anʼ a undumbu, kana! Tuala ni tata iumoxi ngó, muene Nzambi.

Jipoxolo 2:40

Phetele anga u kala mu ku a bhana umbangi, ni ku a longesa maka dingi mavulu, uixi: Tundenu mu ʼaxaxe ka athu a thathamana, nda mu bhuluke ku muiji iú ua dianguka!

Jipoxolo 7:51

Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!

II Kolindo 11:3

Maji kala Eva kia mu nganalele kuala o nhoka ni makutu mê, eme uami ngala ni hele, sumba ku matelu-matelu, enu uenu ilunji a mi juualesa-iu, nʼa mi katule o kubheza Kristu mu kuzela ni kuiuka.

Matendelelu 31:29

Mbata eme nga kʼijiia kiambote muene kuila o ki ngi zubha o kúfua, enu kidi-èlele muene mua-nda ku di xidisa, o njila i nga mi xindilile mua-nda ku i a bhuka hé mu i xisa. Hádia-phe mu izuua ia kʼeza-ku divuua dioso dienhidi dia-nda ku mi tula muene, se Jihova mua mu bhange phulu, mu ku mu lokalala ni ikalakalu ia maku menu anga mu mu thathamesa.

Matendelelu 32:20

Uixi-phe; Ngʼa suekela pholo, ngi mone hanji o zubhilu diâ; mbata a di bhange muiji ua lusébu, ana kamoneka ufiiele moxi diâ.

Matendelelu 4:16

kana-phe kutambula lufuku lua ku di iúdikila kima kioso-kioso kia kusonga, kiteka ki kala ni lubhe lua muthu, u kala ni ukexilu ua diiala mba ua muhatu,

Matendelelu 4:25

O kioso-phe ki mu vuala ana ni aláula, anga muiza ku uadiakimi, ni jimvi mu mútue, mʼoxi muenhomo, hé ku mʼiza lufuku lua ku di songela kiá iteka mba ima ikala ni kidifua kioso-kioso, o Jihova kia kʼila sûi, anga ki mu ibhila kuma mua mu lokalala.

Matendelelu 9:24

Xi! Kífua tunde kiá bhu kizuua ki nga mʼijiia, katé ni lelu, enu Jihova Nzambi mua mu bhukumukina muene kienhiki.

Filipe 2:15

phala mu kale mu athu ki mu moneka kuêla, ki mu moneka kulokalala, mu anʼ a Nzambi mua tenena sé kikuma, mua di lungu ni muiji ua athu a bhengalala, ezala ni ituxi.

Afundixi 2:19

Anga aia ni kuila ku izúua-phe, kuila mufundixi uafu, a vutuka dingi kudima, a vula dingi kubhanga ufusa, jitata jâ ndenge, mu kukaiela jinzambi jengi ni ku ji bhikila ni ku ji fukamena; ka xikina kubatuka ku imbamba iâ iene kubhanga, ni ku uendelu uâ ua kuxibhaka.