Matendelelu 32:47 - O Mikanda Ikola

⁴⁷ Mbata o maka iá ki maka ma ngoho, uene o muenhu uenu; ene a-nda ku mi bhana izuua iavulu iadixala mu ixi i mua-nda kúvua, kioso ki mua-nda zaúka Njolodá.

Matendelelu 32:47 ပူးပေါင်းရင်းမြစ်များ

Jisabhu 3:18

Oso a u kuata, a bongo muxi ua muenhu; azediua athu oso a u jijila.

Jisabhu 3:22

Kuma iene i kala muenhu phala o nzumbi ié, i di-bhanga makembu ambote phala o xingu iê.

Jisabhu 4:13

O ulongelu ua ku kubazela, ku uehe; lunda-u muene, kuma uene o muenhu ué.

Jisabhu 4:22

Kuma a di bhanga muenhu kua ió oso a di bonga-nâ, ene o kudisanza kua mukutu uâ.

Izaía 45:19

Eme ki nga tela maka mu kasuekele, ki nga zuelela koxi a mavu kua vundu, kana; ki nga tangela mbutu ia Jakobo, ngixi: Ngi sotienunu mu kingoho; eme ngi Jihova ngi tanga o kidi, ngi boka ima iaiuka.

Ijila 18:5

Kala kiki o jingonge jami ni mabatuilu mami bhakenu-u; kuma enhó mu ku a bhanga muthu u kola muenhu; Eme Jihova nga ki ambe.

Amoji 5:4

Mbata, Jihova, dibhata dia Izalaiele ua di tangela, kuila: Ngi sotienu, nda mu kale ni muenhu!

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

Jipoxolo 7:38

Mozé muene anga u di bhongolola ni mundu ua Izalaiele mu kikangalakata, anga u kala momo kumoxi ni jitata jetu ni anju ia mu zuelesa ku Mulundu ua Sinai. Mozé muenʼiú muene ua tambuile o mizambu ia muenhu kua Nzambi phala ku tu bhana na-iu etu.

Matendelelu 30:16

Kuma ngala ku ku tendelela lelu, ngixi: Zola Jihova Nzambi ié, endela mu ikoka iê, ijiia iê bhaka-iu kiambote, ni jingonge jê, ni mabatuilu mê; se kiene ki u bhanga, u kala ni muenhu, u di sokolola u kala u munéne; o Jihova Nzambi ié ua-nda ku ku zediuisa mu ixi i ua-nda kubokona mu ku i vua.

Matendelelu 31:13

Mbé anʼâ oso a kambele ku kʼijiia, evue, a di longe kuxila Jihova Nzambi ienu, mu izuua ioso i mu tunga kulu dia mundu, mʼoxi i mua-nda kuzaúkila Njolodá, phala ku iʼvua.

Matendelelu 33:25

Sabhatu ié felu ni utadi; uzonda ué usoke ni izuua ié i u kola muenhu.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

Matendelelu 4:6

O jingongʼiji mu ila ni ku ji langa ni ku ji kumbidila, kuma uene o unjimu uenu ni kutetuluka kuenu bhu mesu a ifuẋi; oso a-nda kuívua o jingonge josoʼiji, a-nda kuila: O mundu iú uónene, ni mu unjimu ni mu kutetuluka kamoneka soko diâ.

Matendelelu 8:3

Muene ua mi bateka, ua mi ehela kukala ni nzala, iu ua mi disa ni maná, enu nuka mua ijidile, né jitata jenu ue ka ijidile; phala ku mʼijidisa kuila muthu ka laiela ngó ku mbolo, maji ku ima ioso i tunda ku dikanu dia Jihova kuene kulaiela o muthu.

I Timote 4:8

Mukonda o kudilonga nguzu ia mukutu, kubhanduluka kuê sai maji ki kua kidi; o kuxila Nzambi-phe, kubhanduluka kuê sai mu ima ioso; mukonda ku dielelesa ni ku muenhu iú ua kindala, ni ku muenhu ua kèza-ku.

II Phetele 1:16

Kuma etu ki tua kaiela misoso iofunhe ni ndunge ja muthu uoso-uoso, kioso ki tua mi tudila o Njimbu ia unéne ni kuiza kua Ngana ietu, Jezú Kristu. Maji etu tuala tu jimbangi, kuma o unéne uê tua di muena-u ni mesuʼetu!

II Phetele 1:3

Kuma o kutena kua Nzambi kua tu bhana o ima ioso i tua bhindamena, phala tu kale ni muenhu, ni uendelu uambote; a tu bhana-iu mu ku dʼijiia ni muène, ió ua tu ixana phala tu kale ni mbandu ku fuma iê ni mbote iê.

Dijingunuinu 22:14

Azediua oso a sukula izuatu iâ, phala a mone disesa dia kubhiẋila ni kúdia ku kibundu kia muxi ua muenhu, ni kutena kubokuena bhu mielu iê katé mu mbanza.