Matendelelu 32:43 - O Mikanda Ikola

⁴³ Enu ifuẋi, tanenu kumoxi ni mundu uê, mukonda Jihova ua-nda kuzokela jiselevende jê; o manhinga ma jiselevende jê muene u a tatela phonzo ku jinguma jâ. O jinguma jê muene u ji talesa hadi; anga oxi u i zelesa ku dibônzo mbe o mundu uê.

Matendelelu 32:43 ပူးပေါင်းရင်းမြစ်များ

Dimatekenu 12:3

Nga kà a benzela oso a ku benzela eie, nga kà bhubhidila oso a ku bhubhidila eie; momué muene mua kà zediuila o miiji ioso mu ngongo.

I Jisobha 8:43

eie-phe ívua ku maúluʼoko, ku ua tunga, anga u bhanga ioso ia ku bhingi o ngenji, sembele madiembu oso mu ngongo ejiie o dijina dié, nda a ku kuatele uoma kala o kifuxi kié kia Izalaiele, anga ejiia kuila o dijina dié ene ku di tumbuila ku inzo iii i nga tungu.

II Jisobha 9:7

O dibhata dioso dia ngana ié, Akabe, ua kà di jikinisa; mu kienʼiki eme ni ngi vutule o phonzo ia manhinga moso ma jiselevende jami, o jipolofeta, ni manhinga ma jiselevende joso ja Ngana, ma bhubhu ku lukuaku lua Jezabele.

Jobe 13:24

Ngana, phalaʼhi u sueka o pholo ié, anga u ngi kita ngi nguma ié?

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 58:10

Uaiuka-phe hinu u ki sakidila, kia mona o kaxtiku kâ; hé u sukula o inama iê mu manhinga ma isuéia.

Jisálamu 65:3

Eme ki ngalʼiki, milonga ia ngi tundu; maji eie-phe ikuma ietu u i loloka.

Jisálamu 79:10

Phalahi o matumbu a kala mu kuila, exi: Nzambi iâ iú kuebhi? A vutuile o ditota dia manhinga ma ẋamuna ma jiselevende jé, o matumbu a kʼijiie, etu ue tu ki mone ni mesu.

Jisálamu 79:9

Tu bhandulule, eie u Nzambi ietu ia Kibhamuenhu, mukonda dia fuma ia dijina dié; mu dijina dié tu kudile, o ituxi ietu u i loloke.

Jisálamu 85:1

Eie, Jihova, mʼokulu ua kexe kulendukila oxi ié; Jakobo ua mu jituna mu ubhika.

Jisálamu 85:3

Ua kexe kueha o kubhana kaxtiku, o njinda ié ia teme anga u i tula.

Izaía 1:24

Uila kiki, Jihova, Nzambi ia Ilômbo Ieta, o Dizonda dia Izalaiele, uixi: Sembele nga di-bhângela bhu pholo ia jinguma jami, ku muẋima ni ku ngi zele, o athu a ngi zembe anga ngʼa vutuila phonzo.

Izaía 1:25

Anga lukuaku luami lu ku bilukila, hé ngi ku ixika makololo mé moso, ni ngi katula o dixidilu dioso.

Izaía 11:10

Kia kà kala-phe kiki, kuila, mu kizuuʼomo akua jixi a kà di ta mu kusota Lundanji lua Jese, a lu te mu ku kala mvela ia ifuẋi; o kididi kia dinhohenu diâ kia kʼèzala fuma ia tenena.

Izaía 19:23

Bhu kizuuʼokio kuà kala kikoka ki tunda ku Ijitu kiia ku Asídia; akua Asídia eza ku Ijitu, o akua Ijitu aia ku Asídia; anga akua-Ijitu a kà bheza Jihova kala kia mu bhanga akua Asídia.

Izaía 19:25

Mbata Jihova dia Ilombo Ieta, ua-nda kua kà a Zediuisa, uixi: Mundu uami ua Ijitu, a tunge a some, Asídia kikalakalu kia maku mami, a tunge a some, Izalaiele undundu uami, a tunge a some.

Izaía 44:22

Ikuma ié ngi i jimuna kala mbundu, o ituxi ié ngi i bhuisa-ku kala dituta: Vutuka kokuami, mbata eme nga ku kula kiá.

Izaía 60:6

A-nda ku kuizalesa ni jikamelu; ni jikamelu ji tunda ku Midiiane ni ku Efa, bhuila bulukutu mvengete; ene oso a kà tunda ku Seba; a-nda kubheka ulu ni uasu ua mazumba; anga a fumanesa o diximanu dia Jihova.

Izaía 66:10

Tanenu kumoxi ni Jeluzaleme, sangulukilenu-nê bhuamoxi, oso kiá mua mu zola; izalenu ni kusanguluka mukonda diê, enu-oso mua kexe kudila-nê o jingololo;

Jelemiia 13:14

Hé nga a sasujula ni ku a bekujula ku akuâ, jitata bhuamoxi ni anʼâ, Jihova ua ki tange, uixi: Ki nga-nda ku loloka, ki nga-nda ku kondejeka, mba ku a kuatela henda, kuila ngi kamba kua buikisa.

Jelemiia 51:36

Uila kiki Jihova uambe: Tala, mvunda ié nga-nda ku i bhânga, nganda kuvutula phonzo ku phonzo ia ku tate eie; o musanza uê ngi u kukutisa, o otho iê ngi i bhuisa-ku.

Kuditenda 2:5

Jihova ua di bhange kiá kala nguma; Izalaiele ua mu jikinisa; ua jikinisa o mazêmba mê moso; ua mu buikisila o jimbonge; o kilumba kia Juda iú ua mu sokoluela o kudila ni mukondo.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Izekiiele 25:14

Anga Idomo nga kà mu vutuila kiua o phonzo ku lukuaku lua mundu uami ua Izalaiele; mu Idomo hé a kà bhanga-mu kala bhua tela o njinda iami ni kuthathamana kuami; phala nʼa kʼejiia kioso ki kala o phonzo iami, Jihova Nzambi ua ki tange.

Luka 19:27

Jinguma jamiʼ ojo-phe, kʼ andalele eme ni ngʼ a tumine, ngi bhekedienu-nâ bhabha, mu a jibhile bhu pholo iami!

Luka 2:32

mukengeji u londekesa o njila ia Nzambi ku akua matumbu. Ni kubhana fuma ia mundu ué ua Izalaiele.

Loma 12:19

Phange jami, ki mu kale mù vutula phonzo ku muthu uoso-uoso. Inda mu ehela o njinda ia Nzambi o kubhana kaxtiku. Kuma a ki soneka mu Mikanda Ikôla, exi: Phonzo ia ngi tokala eme ngi Ngana, eme-muène ngi futa.

Matendelelu 32:35

Phonzo ia ngi tokala eme, eme-muène ngi futa bhu kizuua kiê; sai bhuoso mungu bhua kà ẋangumukina o dikanda diâ; mbata o kizuua kiâ kia kusenguluka kiazukama. O ima-phe ia-nda kubhita-na-iu kindala ia-nda kuiza muene, ki i kokoloka.

Dijingunuinu 15:2

Anga ngi mona kidifua kia kizanga kia vidulu iolunge ni túbhia. Hé ngi mona ue ió oso a bhânge ni kiama, iá a mu tolola, muène ni kitèka kiê, kumoxi ni iala ió ua bhingi o númelu iene iala bhu kididi kia dijina diê. Enhá, a tolola, hé emana bhu kizanga kia vidulu, a kuata kuxika jimbànza ja a bhana kuala Nzambi.

Dijingunuinu 15:4

Nanhi u kamba kukala ni uôma ué, eie Ngana? Uebhi, Ngana, ka mesena kutanga o unéne ué? Mukonda eie-muène ngó ubheka ué ukôla! Akua jixi joso a kèza bhu pholo ié mu ku ku ximana, mbata o ikalkalu ié iaiuka, athu enhoso a mu i mona.

Dijingunuinu 18:2

Muène anga u di kola ni dízui dia suina, uixi: Ia jimi! O Babilónia ia dikota ia jimi! Mua biluka ditungilu dia madimonho, disuamenu dia nzumbi joso jaiibha. Mua kituka kibuta mu tunga o njila joso jaiibha ja ifusa!

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

Dijingunuinu 19:2

O kufundisa kuê kua kidi, kuaiuka! Mukonda o muène, kidia-nzunga kia dikota ua mu êlesa, ió ua bolesele oxi ioso ni undumbu uê. Nzambi ua mu futu o phonzo, mukonda muène ua jibha jinga o jiselevende jê.

Dijingunuinu 6:10

Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile?