Matendelelu 32:39 - O Mikanda Ikola

³⁹ Mu ngi tala-phe kiá: Eme, Eme-muène ngó Nzambi; ki ngala dingi ni mukuetu, Eme ngi jibha, Eme ue ngi phaphumuna; Eme ngi kuama, Eme ngi saka; ki kuala u ngi ẋangumuka bhu lukuaku luami.

Matendelelu 32:39 ပူးပေါင်းရင်းမြစ်များ

II Jisobha 20:5

Vutuka uambele Ezekiia, o mutumini ua mundu uami, kuila: O Jihova, Nzambi ia tatʼenu Davidi uambe kiki: O musambu ué nga uivu, ni masoxi mé nga a mono; tala-phe eme nga-nda ku ku sakula; o mu kizuua kia katatu ua-nda kubanda mʼonzo ia Jihova.

II Jisobha 5:7

Hé ki bhita-phe kuila, o sobha ia Izalaiele kioso kia tange o mukanda, ua tandula o izuatu iê, uixi: Eme kífua ngala ngi Nzambi, ni ngi tene kufuisa mba kubhana muenhu, kí kia bhekesa iú ku tumikisa muthu kokuami, phala eme ngi mu sake ku dibhute diê? Talenu-kiu muene kiambote, nga mi diondo, mu ki mone, kuma muene ua-lu sota ndunge ia ku bhanga jimvunda nʼeme.

Nehemiia 9:6

Eie Ngana, eie-muène ubheka ué, eie ua bhange o diulu, ni diulu dia madiulu, ni kifuxi kiê kioso; ni oxi ni ima ioso iala-mu; o misanza ia kalunga ni ima ioso iala-mu; eie Ngana anga ene oso u a bhana o muenhu, anga kifuxi kia diulu ki kala mu ku ku bheza.

Jobe 10:13

Maji ima iosuʼiii ua i sueka ku muẋima ué; nga kʼijiia muene kiambote kuma iene iosuʼiii eie-muène ua i solo.

Jobe 10:7

Eie ua kʼijiia kiambote kuila ki ngi mukua mulonga; maji né kiki, hanji ki bhuala muthu u ngi bhulula bhu lukuaku lué.

Jobe 5:18

Mbata muene se u bhanga fidila, muene-muène u i tumbʼê dingi: muene se ua kuama, maku mê ene muene a saka.

Jisálamu 102:27

Eie-phe kiene ki uene kiene; o mivu ié ki i moneka bhu ia suku.

Jisálamu 102:28

Anʼa selevende jé a kala bhua kondama, a tunga, a soma, o mbutu iâ ki ia kà bhua bhu pholo ié.

Jisálamu 18:31

Kuma Nzambi iengi iebhi, oko Jihova muene ngó kuabhu? O ditadi diengi diebhi, u mu fika ni Nzambi ietu?

Jisálamu 50:22

Kala kiki xinganekenu-kiu, enu kua Nzambi mua jimbi-ku; sumba ngi mi sanujuna kala hoje, u mi kudila ki mu mu mono.

Jisálamu 51:8

Phala ngi kale dingi ku ngalasa ni kutululuka; o ifuba i disanze dingi i ua bukujula.

Jisálamu 68:20

Nzambi ietu, tua mu mono muene, kuma Nzambi ia kukudila mu iluezu; o jinjila ja kubhuluka mu kúfua, muene Jihova, Ngana ietu, uala na-ju.

Jisálamu 86:10

Mukonda eie, Ngana, u kôla! U mukua kubhanga madiuanu! eie ngó ubheka ué u Nzambi!

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Makatukilu 4:7

Uixi: Tona dingi kuta lukuaku luê bhu homba. O muene anga u ta dingi lukuaku luê bhu homba; o kia zubha ku lu katula, u tala lua disanze dingi kala xitu jê jamukuá.

Ndongixi 3:3

Sai thembu ia kujibha, ni thembu ia kusaka (kutumba); thembu ia kubula, ni thembu ia kutunga.

Izaía 19:22

Jihova anga ua kà kuama akua-Ijitu, hé u a saka ue; anga ene a kà bhiluka kua Jihova, o muene ki evua misambu iâ, henda i mu kuata, hé u a bhana o kudisanza.

Izaía 30:26

O mueji ua mbeje ua kà soka ni muanha, o muanha uene ua kà di bandekeza lusambuadi mu kútua, mukuâ ni muanha ua sambuadi dia izuua ua di lunjika kumoxi; kiki ki bhita bhu kizuua kia Jihova, kia-nda ku sokejeka o mundu uê ua budijika, ni kia tumba o kilônda kiâ.

Izaía 41:4

Mukuahi-phe ua bhange kiki, uexana o miji phala i kuate o kulaia tunde ku dimatekenu? Eme ngi Jihova; nga dianga, eme-muène ngala ue kumoxi ni iá a sukidila-ku; eme-muène, muene!

Izaía 43:10

Enu-enu mu jimbangi jami, eme Jihova, ni selevende iami, nga mu solo bhene bhu mu kʼijidila, nda mu ki xikane, mu tongolole kuila, eme-muène Nzambi, ki kua kexidié Nzambi iengi ua ngi diangela iu ua di-iudika, o ku pholo ue ku tuia kana-ku nzambi iengi ua kà ngi bhingana eme.

Izaía 43:12

Eme, nga kʼijidisa, eme nga kudila, eme nga kʼivisa, muʼaxaxi kenu ki mua kexile Nzambi iengi, enu-ene mu jimbangi jami, eme Jihova; Kuma eme ngi Nzambi.

Izaía 43:13

Mʼokulu, kioso kiluua ku kala ngó kizuua, eme ngeniami kiá; ki bhuala u tena kukatula muthu bhu lukuaku luami; o ki ngi bhanga eme, mukuahi u ki fudisa?

Izaía 45:18

Kuma kiene kiambe Jihova, ua bhanga o maúlu; Nzambi ua tenene kumba oxi, iú ua i iudika; ua i xikika, ka i ʼxia kiṗhulungunzu kia hatu, kana; ua i bhanga phala athu ku tunga-mu, uixi-phe: Eme-muène ngi Jihova, ki kuene uengi.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 45:5

Eme-muène Jihova, kana-ku uengi; bhu nga kambe eme, ki bhu kala dingi Nzambi; Kuma eme nga ku zuika ni nguzu, sumbala eie kua ngʼijiia.

Izaía 46:4

Ki tualʼiki katé ni ku jimvi; mukonda eme nga mi vuala, nga-nda ku mi sasa, nga kà mi ambata anga ngi mi langa.

Izaía 48:12

Ngi bhe mátui Jakobo, tata, nʼeie u Izalaiele, u muthu nga ku ixana; eme-muène umoxi-ú, eme nga dianga, eme ue nga sukidila.

Izekiiele 37:12

Kala kiki, zambula u a tangele, kuma: O Jihova Nzambi uambe kiki, uixi: Talesenu, kuma eme hádia nga kà jikula o jimbila jenu, anga ngi mi bhangesa kutunda mu ina ienu, enu mundu uami, tata, hé nga kà mi bheka dingi mu ixi ia Izalaiele.

Izekiiele 37:3

Anga u ngʼambela, uexi: Eie, monʼa diiala, tata, o ifuba iii, o kuila i kalʼé dingi ni muenhu? Eme nga mu ambela, ngixi: Jihova, Nzambi, eie kiá ua kʼijiia.

Hozeia 5:14

Mbata eme nga-nda kubalukila Ifalaíme mukuâ ni hoji, anga dibhata dia Juda ngi di hamena kala ngi munzangala ua hoji; Eme, eme-muène nga-nda ku a sasujula muene, anga ngiiʼami kiá; Eme nga-nda ku a sumbununa kala kiama kia ambatela ku mazu, u a kudila ka-nda kumoneka.

Hozeia 6:1

A kèla: Izenu, tu alukile kua Jihova, mukonda muene ua tu sasujula, muene ue ua-nda ku tu ilula; kia tu kuamʼiki, kiene ue kia tumba o fidila ietu.

Mikeia 5:8

O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Nzuá 8:24

Kiene ki nga ki zuelela kuma muandʼ ufua mu ituxi ienu. Mbata se mua kambe ku ngi xikana eme, muandʼ ufua mu ituxi ienu.

Matendelelu 32:12

kiene ue kia mu endesa kuala Jihova, ubhekelèle uê. Ki bhua kexile nzambi iengi ia mu bande.

Matendelelu 4:35

Eʼmuene ngó a ku londekeza-kiu, phala uijiie kuma o Jihova muene Nzambi, ka moneka mukuâ iadi uedi kala muene.

Matendelelu 7:9

Tuma-phe ku kʼijiia, kuila o Jihova Nzambi ié muene Nzambi, Nzambi ia Fiiele; muene o mukua ku kumbidila o kikutu kiê kumoxi ni kukuata jihenda ji bhiẋila katé ku midi ia miji ia ió oso a mu zola, ene kualuka ijiia iê.

Jihebeleu 1:12

Eie muène ua kà i futa-futa kala dibeka, ua kà i lungulula kiengi, kala kizuatu. Eie-phe eie-muène umoxi, kuene ku kuka, lémbua.

Dijingunuinu 1:11

dixi: Ioso i u mona, soneka-iu mu divulu, u di tumikise ku sambuadi dia Ngeleja jala mu jimbonge ku Efezo, ni ku Sumina, ni ku Pelengamo, ni ku Tiiatila, ni ku Salade, ni ku Filadelefia, ni ku Laodiseia.

Dijingunuinu 2:8

O Anjo ia Ngeleja ia Sumina, mu sonekene kiki: Eme ió ua Dianga iu ua Sukidila, ua kexile uafu o kiki iú-ê ni muenhu, uambe kiki:

I Samuuele 2:6

Jihova muene u katula o muenhu, muene u bhana o muenhu; u tulula athu katé mu mbila, anga u balumuna athu kuʼalunga.