Matendelelu 32:36 - O Mikanda Ikola

³⁶ Mbata Jihova ua-nda kubatuila o povo iê kiaiuka, Jiselevende jê u a kuatela henda. Kia mona kuila abhânge, alémbua, ki bhua subhuka muthu, né fôlo.

Matendelelu 32:36 ပူးပေါင်းရင်းမြစ်များ

I Jisobha 14:10

Kala kiki, u ki mona! Kuma nga-ndu bheka uíndua ua dikota mʼonzo ia Jelobouamu, anga kua Jelobouamu nga kà jimisa-ku o diiala dioso katé ni kamona kandenge, kixi mubhika mba ngana katé kia jimuka mua Izalaiele; anga luvualu lu tunda mʼonzo ia Jelobouamu nga kà lu komba hé ngi lu texi bhu kanga, kala ki a texi o ditobe, katé oso muene abhu, ka xala kijimbuete.

I Jisobha 21:21

Talesa kuma nga-ndu bheka uíndua ku thandu dié, anga o mbutu ié nga kà i vuza, ni kua Akabe nga kà vuza-ku o diiala dioso, nga kà vuza-ku ue o mubhika ni ua kambe thumba ni samba mu Izalaiele.

II Jisobha 14:26

Mukonda o Jihova ua mono kuila o hadi ni mbûnda ia Izalaiele, ia tundu kinéne, ia lulu, kuma ki bhuala mubhika, ki bhuala ngana, mba muthu ngó uosouoso u kuatekesa Izalaiele.

II Jisobha 9:8

Phala o dibhata dioso dia Akabe di jikinine; mukonda o mua Akabe, o minzangala ioso ia mala nga-nda ku i zubha-mu, kixi jingana kixi abhika mua Izalaiele.

Jisálamu 106:45

U xinganeka o kikutu kiê, hé u diela mukonda dia jihenda jê javulu.

Jisálamu 135:14

Kuma Jihova muene u fundisa o mundu uê; né ua luualela o selevende jê, u bhomba dingi o muẋima uê.

Jisálamu 50:4

U handekela diulu ku thandu, ni ixi bhoxi, kuma ueza mu fundisa o mundu uê, uixi:

Jisálamu 7:8

Jihova mukua kufundisa o ifuẋi ioso, a dikola kokué, ngi fundise eme, u Jihova, kala kia tokala mu kulúnga kuami, ni mu kidi kiami ki ngala na-kiu moxi.

Jisálamu 90:13

Jihova tata, bhomba o muẋima ué! Mbambe bhebhi bhu u suka, ni kukokoloka kiki? U xinganeke jiselevende jé ku a kuatela henda.

Jisálamu 96:13

Bhu pholo ia Jihova, kuma iú iza, iú iza mu fundisa o ngongo; u fundisa o athu mu ngongo ni kuiuka, u tetuluila o mundu ni kidi kiê.

Makatukilu 32:14

Jihova anga u diela ku kaxtiku koso kambe kubhana mundu uê.

Jelemiia 20:11

Maji-phe o Jihova uala ni eme, mukua ni dizonda dia manekena ita; kienhiki, o ió a ngi langata, a-nda ku di bhukana, ka-nda kutena kutolola; sonhi ja-nda ku a kuata kinéne; mukonda ka bhange ima ia kubhanduluka, a xikamena jisonhi ji nagenena ki ji xikina ku ji jimba.

Jelemiia 31:20

Manhi Ifalaíme ki monʼami ua hate? Kamona kami ka makembu? Mukonda kioso ki ngi zubha ku mu zuela ima ia ku mu bhanga kia ibha, hanji ngi mu xinganeka ni muẋima uoso; kienhiki miẋima moxi i ngi bhuá-mu mukonda dia muene, hanji nga-nda ku mu kuatela henda ia vulu, Jihova ua ki tange.

Jelemiia 42:10

Se mu kalenu muene mʼoxi muenhumu kiambote, kuabhu-phe, eme ue nga-nda ku mi tunga, ki nga-nda ku mi bula, kana; nga-nda ku mi kuna, ki nga-nda ku mi vuza; kuma o ku ibha kuoso ku ngène mu ku mi bhanga, kua ngi kuata ku muẋima.

Daniiele 12:7

Anga ngʼivua o muthu ua zuatele kizuatu kia linho, iu uakexe kulu dia hungulule ia menha a ngiji, ua zangula lukuaku luê lua dilu ni lukuaku luê lua kiasu ku diulu, iu ua di-lokela kua Iuná uene ku muenhu ki u moneka dizubhilu, uixi: Bhua kà bhita thembu iòxinde, ni jithembu jòxinde, ni kaxaxi ka thembu, o kia kà zubha kubhuisa o kutena kua povo iangene, kiene kiua kia kà bhita o ima ioso iii.

Jouele 2:14

Nanhi ua kijiia kuila muene ualulukê nʼa diela, phala kuema diê nʼa kʼàxa-ku kizediuise mu mibhaku ia makúdia ni makúnua phala Jihova Nzambi ienu?

Jouele 2:18

Bheneʼobho Jihova ua kà kala ni muanu uaʼxi iê, kifuẋi kiê ua kà ki kuatela henda.

Ijila 26:43

Kuma oxi ia di kuata mukondo iaxala umba, iii ia di bhange ngùndu, ia kà kuata dingi kutana mu jisabhalu jê, kuma a i sengulula mukonda dia ene; ene-phe àkela: Né! Ngana ualungué, ua tu bhe-kiu, mukonda jiphangu jami a ji tele dikunda, o muenhu uâ ua di kumine ni jingonge jami.

Amoji 7:3

Bheneʼobho Jihova u diela anga uamba, uixi: Ki kia-nda kubhita.

Amoji 7:6

Jihova anga u ki diela ue kienhiki. Jihova Nzambi anga u zuela uixi: Kiki ue ki kia-nda kubhita.

Jihebeleu 10:30

Kuma tua mu ijiia uoso ua ki zuela uixi: O kubhana o kaxtiku kua ngi tokala eme, eme-muène nga kà bhanga-nê o jikonda. Mukuâ ue uambe uixi: Ngana ua kà fundisa o mundu uê.

Afundixi 2:18

Jihova kia a zangelekela jinga afundixi, Jihova u kala ni mufundixi uoso uala-ku, u a kudila bhu lukuaku lua jinguma jâ, izúua ioso ia mufundixi muenhó; kuma Jihova u a kuatela henda mukonda dia kukema kuâ, mukonda hadi ia iá ala ku a bhikisa ni ku a zukutisa.