Matendelelu 32:32 - O Mikanda Ikola

³² Mukonda díbhia diâ dia mivide, dia tundu ku mivide ia Sodoma; o mu mikáu mu diala, o mikáu ia Ngomola; ji-uva jê ndululu ioso kuma jezala ikola-kola; o isàka ia ji-uva jê jela ni jene lokoso!

Matendelelu 32:32 ပူးပေါင်းရင်းမြစ်များ

Jobe 14:17

Mulonga uami a u jikila mu nzeke, o ikuma iami ioso ua i tula kididi kimoxi.

Izaía 1:10

Enu muedi kala o ilôlo mu Sodoma, ivenu kizuelu kia Jihova; bhanenu mátui ku kitumu kia Nzambi ietu, enu muala kala o mundu ua Ngomola, tata!

Izaía 5:4

Ihi dingi i nga tokalele kubhanga mu díbhia diami dia mivide, iii nga kambe ku i bhanga? Kia bhiti-phe kiebhi, nga dielelele kuila uima ji-úva jauabha, ni kuà keza mu bhana ikola-kola?

Jelemiia 2:21

Eme muène nga ku phaphele kala muvide ua mbutu ia uabha, mbutu ia mbote ia kitongola; ua kituka kiebhi-phe u mbutu ia seluka, kala muvide ua muxitu?

Jelemiia 23:14

Maji mu jipolofeta ja Jeluzaleme nga di uana-mu kisunji kionéne: èhé, a kuata ku-ta o jiphanda, a di-ambatesa ni kádia, o maku ma ingumba ene dingi a ma suinisa, mbé a lémbue kudiela o ikuma iâ; o ki nga ela suí, edi kala Sodoma, akua-bhata momo, mukua ni Ngomola.

Kuditenda 4:6

Mukonda o kituxi kia monʼa kilumba kia mundu uami, kia beta kota o kia Sodoma ndenge, a mu vumbile mu uthôkua muʼanzanzʼumu, sé ngó kuila bhu kala lukuaku lua muthu lu ki bhanga.

Matesu 11:24

Ngi mi ambela-phe, inda o mbanza ia Sodoma, Nzambi ua kà beta ku i lendukila mu kizuua kia kufundisa, eie kana!

Matendelelu 29:18

Ki bhu kale-phe diiala muʼaxaxi kenu, mba muhatu, mba diembu, mba kibuka kia muiji, nʼa kala ni muxima u ẋanjuka kua Jihova Nzambi ietu, hé u di ta mu bheza o mahamba ma miji iii; phala muʼaxaxi kenu ki mu kale kima ki sabhukisa lundanji lualulu.

Matendelelu 32:33

O vinhu iâ, ia ualende ua ikolakola ia jinhoka, Mukua ni mathe ma ikolakola ia madiuta.

Jihebeleu 12:15

Muila ni ku di langa kiambote, phala mudienu ki mu kale muthu u tokoka o kiadi kia Nzambi. Di langienu, phala ki bhu kale muthu uila kala muxi ua lulu, u sabhuka, ni u mi tatese, hé u sambukisa athu avulu ni ndululu iê ia kulula.