Matendelelu 32:24 - O Mikanda Ikola

²⁴ A kà tala hadi, nzala ia kʼènda ni ku a zubha! A kà diua ku mahaxi a kuata ni muanha ni ku dibhebhu dia phulu. Ngʼenda ue ni ku a zangela iama, ni jinhoka ji tela ngàmbu, jenda ni ku fukunuka mu fufuta ia mavu.

Matendelelu 32:24 ပူးပေါင်းရင်းမြစ်များ

Dimatekenu 3:14

Jihova Nzambi anga u ambela o nhoka, uixi: Mukonda ua bhange kiki a ku te mázui, a ku tungula mu ibhaku ioso ni iama ioso ia iangu; u huhuta jinga ni mala bhoxi, u dia mavu izuua ioso ia muenhu ue.

Dimatekenu 49:15

ua mono kibangu kiê kia kunhohena, ni ixi iambote ia mu uabhela; ua bhetamena ku mu tuika kimbamba, u kala mukuâ ni ngunza uala mu bhika.

Jobe 20:16

Ua kà zuuela ikolakola ia jinhoka; ua kà fua ku dimi dia diuta.

Jisálamu 120:4

A ku ase kuala o dizonda ni misongo iatu; a ku te makala ma túbhia mauama.

Jisálamu 91:6

Mba dibhebhu diendela mu kitombe, mba kibuika ki kuata ku mediia.

Izaía 65:25

Ni kimbungu ni seseme ia mbudi a kà dila dikèla dimoxi, o hoji ia kà dia iangu mukuâ ni ngombe; nhoka ua kà dia fufuta ia mavu, kuene kudia kuê. Ene, ka kà bhanga kiaiibha mba usuéia uoso-uoso mu mulundu uami uoso ukôla, kiene kia zuela Jihova.

Jelemiia 14:18

O ki ngiia ngiie ku mukáu, talesa athu afu ku xibhata, iá; o ki ngiia ngi bokone mu mbonge, a benguka ni nzala, iá; katé-ze ni misesedi ni jinganga, a kondoloka ixi ni kubungana, ni kua di tela kejiia-ku.

Jelemiia 15:3

Kuma nga-nda ku a endela ni mavuua ma uana, eme ngi Jihova, ngiia ni xibhata phala ku jibha, ni jimbua phala ku a koka, ni jinjila ja bhulu ni iama ia bhoxi, phala ku a zokonona ni ku a jikinisa.

Jelemiia 16:4

Kuma a-nda kúfua ni mahaxi ma xixima, ki bhuanda kuẋikina ku a dila mba ku a funda; a-nda ku kituka kala ditobe ku mukáu; a ka jikinina ku nzala ni ku xibhata, o imbi iâ ia kà kala kudia kua jinjila ja bhulu ni kua iama bhoxi.

Jelemiia 8:17

Kuma, talesa, nga-nda ku mi tumikisa jinhoka ni ita-sele muʼaxaxe kenu, o nhoka jiji né ku umbanda ki ji xikina, jene ja kà mi numata, Jihova ua ki tange.

Kuditenda 5:10

Kikonda kia tu hîmbi-ni-kiene kala forno, mukonda dia hadi ia nzala.

Izekiiele 14:15

Se mu ixi eme ngi bhitisa-mu iama i bhanga usuéia, o iene hé a i sengulula katé ki i senguluka, athuʼoso hé a lémbua kubhita-mu mukonda dia iama;

Izekiiele 14:21

Mukonda Jihova uambe kiki: Kuambe dingi se Jeluzaleme eme ngi mu tumikisa o afundixʼami aiibha ió kiuana, o xibhata ni nzala, ni iami i kuama, ni dibhebhu, phala kuvuza-mu o athu ni iama!

Izekiiele 5:17

Anga ku thandu dienu ngi tumikisa-ku nzala, ni iama iaiibha, ienda ni ku ku zubha o tuana; anga o kipheku, ni kihaxi, kia kà bhita momuʼé; o kuthandu diê, nga kà bhekaku xibhata. Eme ngi Ngana nga ki zuela.

Ijila 26:22

Mbata nga-nda ku mi thubhuila kiá iama ia mukáu anga ienda ni ku mi dia o tuana, nda mu subhukile; ibhaku ue enda ni ku mi solala-iu kuala iama anga i mi tununa mu xala mu athu òfele ngó; o ikoka ienu anga ibatukila ki i mono muthu u bhita-mu.

Amoji 9:3

O ki áia mu di sueka bhu zoko-zoko dia mulundu ua Kalumelu, nga kà a sota muene, anga kueneʼoko muene ngʼa katula-ku; o kiela exi ki ngʼa mone mesu, anga a di sueka koxiʼa menha mu musanza ua kalunga, kueneʼoko ue nga kà tendelela kinhoka nʼende ni ku a numata.

Mikeia 7:17

A kà lesa fufutila ia mavu kala jinhoka, hé a kâ tunda ni kuteketa mu jingenda jâ kala ibamba iaʼxi ia mu huhutila bhoxi, a kʼèza kua Jihova Nzambi ietu ni kimbuua, eie muene a kà ku kuatela uôma.

Habakuke 3:5

Dibhebhu dia kipheku dia mu tuamenena ku pholo, ni imuiku ia túbhia bhoxi dia inama iê.

Matendelelu 28:22

Jihova ua kà ku kuama ni uhaxi ua thulu, ni nzonzódia ia kukata-kata, ni kijimba-jimba, ni munza, ni kimaji, ni dixiximinu, ni kiangala, ni kibuika kia idima, ni ngulèle, anga i ku tatesa ni ku ku landameka katé ki u jima o mbutu.

Matendelelu 28:48

Kala kiki, ni nzala, ni dinhota, ni tuẋi, ni kukala u ngadiama ia hatu, ima ioso i ku kamba, inda ua kà bhikila kiá o nguma ni nganga-sèse a-nda ku ku tumikisa-nê kuala Jihova Nzambi ié, muene anga u ku kuzula o kanga ia felu mu xingu, katé kiá ki u jima na-iu o mbutu.

Matendelelu 28:53

Kienhókio o mbutu ia mu mala dié, ua-nda ku idia xitu; ua-nda kúdia muene o xitu ia anʼé a mala ni anʼé a ahatu, a-nda ku ku bhana-na kua Jihova Nzambi ié, mu kuila ngongo ja ku kondo kiá, mukonda dia nguma jé ja ku kondoloka mbandu ni mbandu.