Matendelelu 32:21 - O Mikanda Ikola

²¹ A ngi ta ku difuba ni kima kia makutu, kala Nzambi ue; ima ia kingoho iene ia ngi lokalala-na-iu; Eme-phe ue nga-nda ku a ta ku dixinga ni athu kʼa kidi ngó; muiji ua juuala uene u nga-nda kua ẋokuesa-na-u.

Matendelelu 32:21 ပူးပေါင်းရင်းမြစ်များ

I Jisobha 14:22

Anga Juda u bhanga kiaiibhila Ngana ku mesu mê ni ku mu kuatesa difuba; kuma ni ituxi i a kexi mu kuta, a tunda dingi kia bhangele jinge o jitata jâ joso.

I Jisobha 14:9

inda eie kua kuiza kubhanga kia beta kuiibha, akuenu oso a ku diangela ndenge, mbata uai, eie ua bhange jinzambi jengi ni iteka ia kuiẋika, phala ku ngi lokalala o njinda iami, eie ua ngi bhana dikunda.

I Jisobha 16:13

Kuenhuku kuene o kubazela kua Nzambi mu ituxi ioso ia tele Bahasa, ni ia monʼê Ela, i a bhangesele kutesa kituxi kua Izalaiele phala kuthathamesa Jihova Nzambi ia Izalaiele ni makuzangata mâ.

I Jisobha 16:26

Mukonda uenda jinga muʼnjila joso ja Jelobouamu monʼa Nebate, kumoxi ue ni mu ituxi ioso muene ia bhangesele na-iu Izalaiele kuta kituxi anga u thathamesa Jihova Nzambi ia Izalaiele ni makuzangata mê.

II Jisobha 17:11

Iá a bhiti ue ni kuohela uasu ua dizumba ku matala eneʼó kala kia bhanga jinga o ifuxi ia akua jixi jengi ia kaiesa kuala Jihova bhu pholo ia ene; iá a bhanga jinga muene ima ia ufusa, mbé o kubalumuna o njinda ia Jihova.

II Jisobha 17:15

Iá a tènde o jingonge ni kikutu kia Jihova, kia tele ni jitata jâ, kiene ue kimoxi ni maumbangi mê ma a bazela jinga na-u kuala Muene; iá a kaiela ngó ukumbu, a kituka kingoho; a kaiela ue miji ia matumbu ia kexile mu jimbandu jâ, ioio ia ambelele Jihova, kuila: Kana ku a fikisa ni kubhanga ima kala ene.

II Jisobha 21:6

Katé ni monʼé muène ua mu bhitisa ue mu túbhia; ua kexi ue mu kuzambuila mu matuta; ua kexile ue mu xingila, iú ua lumbile ue ndumba dia azambuidi ni imbanda; anga u suina muene mu kubhanga kia ibha bhu mesu ma Jihova, mbé o ku mu lokalala o njinda iê.

II Jisobha 22:17

Mukonda ene a ngi xisa, ia ohela uasu ua dizumba ku jinzambi jengi, mbé o ku ngi lokalala o kutema mu ibhangelu ioso ia maku mâ; o njinda iami ia bambukila kididi kiki, ki ia-nda ku xikina ku jima.

Jisálamu 31:6

Enhó a ku kuma oso a landukila o iteka; eme bhabha-phe ngi dielela kua Jihova.

Jisálamu 78:58

A mu kuatesa njinda ni matala mâ ma kubheza mahamba, a mu bhekela difuba ni iteka iâ iósete.

Izaía 65:3

athu a kuata ku ngi thathamesa kiki bhu pholo iami izuua ioso, a bhela jisata mu mábhia, ohela uasu ua dizumba ku matijolo;

Jelemiia 10:8

Maji ene oso a di bhange ima ia ngoho, a kituka maioua: Manhi, muxi, ulongelu ua kingoho.

Jelemiia 14:22

Manhi ku ima ia kingoho ia jijila o matumbu, kuala ki tena kunokesa o mvula? inga maúlu ma tena ku di bhela mvula? Kʼeie muene ngó, u Jihova, Nzambi ietu? Kala kiki tua kinga kokué, mbata eie uene ku bhanga ima iosuʼiii.

Jelemiia 18:15

Kienhiki o mundu uami ene ku ngi jimba muene, hé a kuata kuohela uasu ua dizumba ku lusebu; ia a tu bhangesa ku di bhukana mu jinjila jâ ni mu ikoka ia xahulu, phala nʼendele mu ikoka iengi ki iòsengulule;

Jelemiia 2:11

Kua kexi kiá kifuxi, ki tolokala jinzambi jê, kia di kalela kiua jene ki jinzambi? Maji-phe o mundu uami a tolokala o fuma iâ (o kimuenhu kiâ), iá a tambula kima ki ki bhandulula kima.

Jelemiia 5:7

Eme-phe o ki ngi mona kiki, ngi ku loloka kiebhi? anʼé a ngiʼxa eme hé a lokela ku jinzambi ki jinzambi ngó, kioso eme ki nga zubha kua ekutisa, ai kiá kuta jiphanda jâ, a bokona monzo ja idianzunga, a di bhanga ibuka-ibuka.

Jelemiia 7:18

O ana a ẋanga jihuinhi, o jitata anga ji uika o túbhia, o ahatu-phe a toxa fuba ia tiliku phala kubhanga jimbolo ja kusatela mvuale ia diulu, ni kubhakula mubhaku ua makúnua ku jinzambi jengi, phala ku ngi lokalala o njinda.

Jelemiia 8:19

Ivua o nzongo ia mona a kilumba kia mundu uami, ku ixi ia makanga! Jihova kifua mu Ziione kala-mu? Sobha iê kene-mu? Mukonda diahi-phe a ngi lokalala, njinda a i balumuna ni iteka iâ ia kuseta, ni ukumbu ua iteka ia akua jixi jengi?

Izekiiele 8:3

Anga u sunununa bheneʼobho kima kiedi kala lukuaku, ki ngi kuatela mu jindemba ja mútue; O Nzumbi ia Nzambi anga u ngi zangumuna mu dingani-dinga, hé u ngi bheka mu Jeluzaleme katé bhu muelu ua dibhitu dia lumbu lua mʼoxi, ua talela ku mbandu ia kusuku, bheneʼobho bhua tudila o kiteka kia difuba, ki bhangesa muthu ku kala ni difuba.

Hozeia 1:10

Hanji-phe, né kienhokio, o nzungule ia anʼa Izalaiele ia-nda kuvula muene mukuâ ni kisékele kia kalunga, ki ki xikina ku ki zonga mba ku ki kondala; o ku pholo ku aia, anga kia ká bhita kuila, bhuoso bhu a ambela, exi; Enu ki mu mundu uami, kana, bhenhobho bhene bhu a kà exana, exi: Enu mu anʼa Nzambi ia muenhu.

Jona 2:8

Oso a kaiela ukumbu ua kubheza iteka, ió a lueza, kuma a sanduka bhuʼotho ia henda ié ia kidi.

Jipoxolo 11:15

O ki nga kuata o kuzuela, Nzumbi Ikôla ua tuluka ku thandu diâ, uila kia diangele kutuluka ku thandu dietu.

Jipoxolo 14:15

Enu jingana! Mu bhangela-hi kiki? Etu uetu tuala tu athu ni akuenu, o jihânji jene jimoxi! Tua mi bhana-phe o Jingolokela Jambote kuila mu-xa imʼ iii ia makutu, mu lunge kua Nzambi ia muenhu, ua tena kubhanga o diulu ni oxi, ni musanza ua kalunga, ni ima ioso iala-mu.

Loma 10:19

Ngixi-phe dingi: Kifua akua Izalaiele a kambele ku kʼ ijiia? Mozé muene ua diangele kutanga, uixi: Eme ngi mi kuatesa difuba ni ió mua a mono kuila kʼ athu a kima, ngi sola athu a kambe kuijiia, enu mbé ni mu futuluke, ni mu kale ni njinda ia muiji ua athu a kambe kilunji.

Loma 9:25

Kala kia tange ue mu Ozeia, uixi: Nga kà exana: Mundu uami, oso ka kexile Mundu uami. Ngi mu ila: Kazola kami, o muiji uoso ka kexile Kazola.

I Kolindo 10:22

Inga tua mesena kuila Ngana tu mu bhekela difuba? Enu mua xinganeka kuila etu kifua tua mu tundu mu kusuina?

Matendelelu 32:16

A mu lokalala ni jinzambi jengi, phala ku mu bhekesa difuba; a mu thathamesa ni ma-ufusa mâ.

Matendelelu 32:17

Jisata a ji satela madiabhu, o Nzambi kana. Jinzambi jene jeza leluʼidi, mʼokulu ki ja monekene; jinzambi ka jʼijidile, jabhingi nuka a ji bhezele kuala jitata jenu.

I Samuuele 12:21

Kana kuabhuka mu kukaiela mahamba, mukonda se mu ki bhanga muandu kaiela ima ia ngoho, ki i tena kubhandulula, ki i tena kukudila muthu, kuma ima ia kingoho.