Matendelelu 32:2 - O Mikanda Ikola

² Ulongelu uami-ème mvula inoka, mbundu isuma, mbambe ni masumi-sumi ma mvula ku thandu a mafe, kifua dimume di tula ku iẋoka.

Matendelelu 32:2 ပူးပေါင်းရင်းမြစ်များ

II Samuuele 23:4

U kala mukuâ ni kuma kúkia, ki kala mu tunda o dikumbi, mu kimene kia kambe o matuta; mukua ni iangu iauisu i sabhuluka mu ngongo kitua o muanha ua zele, kuila mvula ia tundu mu kunoka.

Jisálamu 65:10

U bhitisa menha mu jimbondongolo jê, u sokelesa kiambote o mibhanga; u i ombamesa ni mvula ni isanga, ni dibesá dié, i kuata kusabhuka.

Jisálamu 72:6

Muene a tule kala mvula i noka mu dikèla, mukuâ ni isanga i tekela o mikáu.

Jisabhu 4:2

Mukonda ngala ku mi sámbukisa ulongelu ua mbote; ngonge iami ki mu i bhane dikunda.

Hozeia 14:5

Eme Izalaiele nga kà mu tekela kala dimume dîa kimene, o muene ua kà buingita kala kitulu mu honga, o jindanji jê ja kʼàia makanga kala musédulu ua muxitu ua Libano.

Hozeia 6:4

Eie Ifalaíme, tata, Eme ngi ku bhanga kiebhi? Eie, Juda-phe, Eme ngi ku ila kiebhi? Mukonda o henda ienu iedi kala dituta dia kimene, kala dimume dia kimene-mene, di bhita lusolo.

Amoji 7:16

Kiki-phe, ivua kizuelu kia Jihova: Eie uixi: Izalaiele kana ku mu zambuila kiaiibha, kana ue kubazela o dibhata dia Izake.

Mikeia 5:6

Ene anga a kà buidisa oxi ia Asídia ni xibhata, kumoxi ni ixi ia Nimilode katé ni bhu mabokuenu mê. Bheneʼobho anga muene ua kà tu kudila bhu maku ma Asídia, kioso kia kʼèza mu ixi ietu mu ku i lua, ni ku diota mu jimbambe jetu.

Mikeia 5:7

O mbandu ia subhuka-bhu ia Jakobo anga ia kà di funga mu akua miji iandumba, a kà di bhanga kala o dimume dia tundu kua Jihova, a kʼèla kala mvula ia kizeke ki i sukila ku thandu dia sabhelela, ia bhingi ki i kinga kima ku muthu, mba idielela kima kioso-kioso ku anʼathu mu kunoka kuê.

Zakadiia 10:1

Nga bhingi mvula kua Jihova bhu makumbi a mubatuku ua mvula, mukonda Jihova muene ua bhanga matuta ma mvula, athu u a bhana mvula ia nzungule, kala muthu u mu bhana ni iangu iê ku mábhia.

Jihebeleu 6:7

Kuma o mavu mʼombama ni mvula iene ku noka jinga, se ma bana idima ia mbote i uabhela oso ene ku ma dima, ma tambula dibesá kua Nzambi.