Matendelelu 32:17 - O Mikanda Ikola

¹⁷ Jisata a ji satela madiabhu, o Nzambi kana. Jinzambi jene jeza leluʼidi, mʼokulu ki ja monekene; jinzambi ka jʼijidile, jabhingi nuka a ji bhezele kuala jitata jenu.

Matendelelu 32:17 ပူးပေါင်းရင်းမြစ်များ

Makatukilu 32:8

Kindalʼiki a bhambuka kiá mu njila i nga a tumina kuenda; a di iudikila kiteka kia ndumbe ia ngombe, kia utadi ua kuzunza, a ki bheza, a ki satela, exi: Jene-ze o jinzambi, enu mu Izalaiele, ja mi katula mʼoxi ia Ijituʼiji.

Izaía 44:8

Ki mu bhuuame, ki mu kale ni uoma; manhi tundé ku dimatekenu ki nga mʼivisa-kiu kiá, ki nga mi tangela-kiu? mbata enu muala mu jimbangi jami.

Jelemiia 10:15

Ia di bhange kingoho, midimu ia mangonha; o bhu kithangana kia ku a zungila, hinu a jima o mbutu.

Jelemiia 19:4

Mbata eme a ngi xi, o kididi kiki a ki kasanesa, muene muohela uasu ua dizumba phala jinzambi jengi, jene nuka a jiʼjidile, né ene, mba o jitata jâ, né o jisobha jene ja Juda; ia edi o kididi a kiʼzalesa ni manhinga ma athu a iuka.

Jelemiia 44:3

Mukonda dia kuiibha kuâ kua bhanga jinga, phala ku ngi thathamesa, kioso kiʼàia jinga mu kuoha uasu ua dizumba ni kudiundila jinzambi jengi, ja bhingi ene ka jʼijidile ngó, né ene, mba enu, mba o jitata jenu.

Ijila 17:7

Ki bhua kàle dingi kuila ene abhakula jisata jâ ku madimonho, ene mu kulandukila ni kubhanga-nâ o undûmbu; kienhiki kià kale kijila kiâ ki nangenena mu miji iâ ioso.

Amoji 5:25

Enu dibhata dia Izalaiele, manhi mua ngi bhakuila jisata ni ilumbu, mu makuinhi a uana a mivu mu kikangalakata?

I Kolindo 8:4

Uila kiki, ku mbandu ia kudia kua satela o iteka, tua kʼ ijiia kuma kiteka kima kia ngoho mu ngongo, kuma ki ala bhu kididi kia kima ki kiene-ku. Etu-phe tuejiia kuma kuala ngó Nzambi imoxi, kana-ku iengi.

Matendelelu 13:8

ditune, kana ku di xikanesa-nê; Kana ku mu ivua; muenhó diesu dié ki di mu kuatele henda mba u mu kondejeka; Kana ue ku mu sueka.

Matendelelu 28:64

Jihova ua ka mi muangena muʼaxaxi ka miji ioso tunde kua tundu oxi ʼté ku maẋokololo ku iasuku; o kuenhoko kuene kiua ku ua kà bhikila o jinzambi jengi, ja bhingi nʼeie ni jitata jé kiluua mu jʼijiia ngó; jinzambi ja miẋi ni ja matadi.

Matendelelu 32:21

A ngi ta ku difuba ni kima kia makutu, kala Nzambi ue; ima ia kingoho iene ia ngi lokalala-na-iu; Eme-phe ue nga-nda ku a ta ku dixinga ni athu kʼa kidi ngó; muiji ua juuala uene u nga-nda kua ẋokuesa-na-u.

I Timote 4:1

O Nzumbi ia Nzambi ua ki ambe ni kujimbuluka kuoso kuma, mu jithembu ja sukidila, sai athu a kà jimbila o kuxikana. A kà kaiela jinzumbi ji sendula, ni maulongelu ma madimonho.

Dijingunuinu 9:20

O mundu uoso ua subhuka-ku, oso a kambe kúfua ku mabhebhuʼ ama, nguá-uâ kudiela o imbamba iâ ia kexi mu bhanga. Ka zumbuka o kubheza madimónio, ni itèka ia ulu, ni ia phalata, ni ngôndo, ni matadi ni mixi, ima i bhinga ki i tena kumona, ki i tena kuívua, ki i tena kuenda.

Afundixi 5:8

Izalaiele kiedile a sola jinzambi jengi; ku mabhitu a imbaka kua a tukuluka ita; ni ngubu ngó ni sosa ki i moneka dingi, mu makuinhi auana a midi ia akua Izalaiele.