Matendelelu 32:15 - O Mikanda Ikola

¹⁵ Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!

Matendelelu 32:15 ပူးပေါင်းရင်းမြစ်များ

II Samuuele 22:47

Jihova a laie mu thembu joso! A tane-ku ditadi diami! A zangalale Nzambi iami ia Kibhamuenhu!

I Malunda 5:25

Maji-phe a-ta mulonga, atondala kua Nzambi ia jitata jâ; akaiela jinzambi ja matumbu, akua jixi jengi ió a a jikinisa kuala Nzambi bhu pholo iâ.

II Malunda 12:1

Anga ki bhita-phe, kiki: Kioso Lebouamu kia zubha ku jingisa utuminu uê ni ku u kuatesa kiambote, ngonge ia Jihova ua i xi, ni muene ni Izalaiele ioso.

II Malunda 26:16

Maji Uziia-phe kia zubha kiá o ku kituka dizonda, o muẋima uê ua di zangeleka katé ki ua zangiua; anga u tondalela Jihova, Nzambi iê, mbata ua bokona muene mʼonzo ia Jihova phala kuoha uasu ua dizumba ku thandu dia kalatódio ka uasu ua dizumba.

Nehemiia 9:25

Anga a tolola o jisanzala ja suína ni ixi ia nete ibhana idima kiambote, anga a bokona jinzo jezala ni jimbote joso, ni ixima iòkande kiá, ni mivide, ni midiva, ni miẋi ia ibundu ia kúdia, iandumba. Anga a dia, ekuta, a neta ni ene, hé a kala mu nanga mu jimbote, mukonda dia kulenduka kué kuavulu.

Nehemiia 9:26

Kua eza-phe kubhukumuka anga a ku balukila eie, a texi o kitumu kié ku dima diâ, anga a jibha o jipolofeta jé, a kexi mu fuila o ku a bazela, sembele ene a diele nʼa vutuke kokué. Kienhiki anga a kala mu bhanga isunji ia makota.

Jobe 15:27

Mbata o pholo iê ua i vungu ni kuneta, ua sabhuka jithumba ja kuneta mu malombo.

Jisálamu 100:3

Ijiienu-kiu, kuma Jihova muene Nzambi; muene ua tu bhanga, muene ua tu vu; etu tu mundu uê tua mu tokala, tu jimbudi jê, muene uala ku tu inga.

Jisálamu 119:70

Ene mixima iâ ia nete kala banha, ki i moneka kiáxi; eme-phe ngonge ié iene ia ngi kala mu vondadi.

Jisálamu 17:10

Enhó a bumbu ni kuneta, kʼevu kima; maka ma dikanu diâ ma izala ioso.

Jisálamu 18:46

Jihova u kôla; a tane-ku, ditadi diami! a zangalale, Nzambi iami ia kibhamuenhu!

Jisálamu 73:7

Mesuʼâ a tundu mu mútue mukonda dia kuneta; a fika nzungule ia imbamba ia ku di kaka mu miẋima iâ.

Jisálamu 81:11

Maji o mundu uami-phe ka xikina ku ngʼivua dízui; Izalaiele ka ngʼindi! Nguê ku ngi tumaka!

Jisálamu 89:26

Eme u ngʼixana: Tata, Nzambi iami, ditadi diami dia kulengela, ubhukilu uami.

Jisálamu 89:27

Muene-phe ngi mu ila: Monʼami ua phande-kumbi, muene suke-ku ku jisobha mu ngongo.

Jisálamu 95:1

Ndokuenu, tu imbidienu Jihova ni kutana; tu dikodienu ni ngalasa bhu ditadi dietu dia kubhulukila.

Izaía 1:4

Kifuxi kiki lamba diâ, mukonda kiezala ni ituxi, mundu ua kubhuma, muiji ua isuéia, mbutu iaiibha i sambukisa kubola; Jihova a mu te dikunda. Delemba dia Izalaiele a mu tembula, ia a vutuka kuema!

Izaía 43:1

Kiki, kia zuela Jihova ua ku bhanga, eie Jakobo, tata, iu ua ku umbu, eie u Izalaiele, uexi: Ku kale ni uoma, mbata nga ku kula muene; nga ku tumbula muene mu dijina, eie u muthu uami.

Izaía 44:2

Jihova, ua ku bhanga iu ua kʼumbu tundé mu mala iú ua xikamena o ku ku banda, uambe kiki: Ku kale ni uoma, Jakobo tata, selevende iami, nʼeie Jesulume u muthu nga ku sola.

Izaía 6:10

Mbata o muẋima ua mundu iú, uakolokota, mátui mâ, ma kokoloka kuívua; mesu mâ a ma jika; kuiengesa o kumona ni mesu, kuívua ni mátui, kuijiia ni muẋima, nʼalunguluke dingi, Eme ni ngʼa sake.

Jelemiia 2:31

Enu muiji ua kime! Suuenu maka ma Jihova: mbé ki ngalʼeki nga di bhange ngi kikangalakata kiahatu kua Izalaiele? inga nga di bhange ngi mukáu ua kitombe kiedi bui? Phalahi phe mundu uami, uila: Etu tua batuka kokué; kokué ki mungu dingi tuiza-ku?

Jelemiia 2:32

Manhi monʼa kilumba u jimba makembu mê, inga dibhanga u landuka izuatu iê ia ubhanga? Eme phe o mundu uami a ngi jimbi muene, mu ndumba dia izuua ki i xikina ku i tanga.

Jelemiia 2:5

Jihova uambe, kiki: Jitata jenu ja ngi muene ni mangonha ahi mu kufundisa, kia a bhekesa o ku ngi sondoloka kala kiokio, nʼa di te mu kaiela o lusebu katé kia kituka jisemenhi ja hatu?

Jelemiia 5:28

U a sanga a nete ni ene, aẋanana, o ku ungumba a somboka imbokoto; anʼa madifundu ka a fundila dimanda, exi avula kubhanduluka; mba ngó o jiphulungu ku a batuila milonga.

Jelemiia 5:7

Eme-phe o ki ngi mona kiki, ngi ku loloka kiebhi? anʼé a ngiʼxa eme hé a lokela ku jinzambi ki jinzambi ngó, kioso eme ki nga zubha kua ekutisa, ai kiá kuta jiphanda jâ, a bokona monzo ja idianzunga, a di bhanga ibuka-ibuka.

Izekiiele 14:5

Phala ni ngi tena o kukuatela dibhata dia Izalaiele mu muẋima uê, mukonda ene oso a ngixiʼeme phala kukaiela o iteka iâ.

Hozeia 13:6

O kiala mu nzungule ia sabhelela, a di, ekuta; o kia zubha kudia ni kuikuta, muẋima uâ ua zangalala, kiene kia a bhekesa o ku ngi jimba eme.

Hozeia 4:7

Kala ene kioso kia di sokolola, kiene ue kia te o ituxi iavulu ko kuami; eme-phe nga-nda ku a lungulula o kijingu kiâ, hé a ka bonga malebhu ni jisonhi.

Jipoxolo 28:27

Mbata o muẋima ua mundu iú ua kolokota, ene o matui mâ a ma xiti, o mesu mâ a ma jika. Hé ki kiene, eji kumona ni mesu, kuivua ni matui, kuijiia ni muẋima, nʼ a lunguluke dingi, eme ni nga a sake.

Jipoxolo 9:5

Kuala muène: Eie nanhi, Ngana? Uixi: Eme Jezú, ualu ngi zukutisa! Maji uala kutala ngó hadi, mu kubhana jipondapé ku jisongo.

Matendelelu 31:16

Jihova iú uambela Mozé, uixi: Talesa-ze, eie ua-nda kuia kiá ku kilu ku àia jitata jé; o kifuẋi kiki kia-nda kufundumuka mu kubhanga lubhandu lua jinzambi jengi, ja akua-jixi, kua-nda ku di telʼuku; eme a-nda ku ngi xa, o Kikutu ki nga tele-nâ a-nda ku ki bula.

Matendelelu 31:20

Mbata kioso ki nga-nda ku a tula mʼoxi i nga lokela jitata jâ, oxi i zunzumuka lete ni uiki, kia-nda kúdia, kia-nda kúnua, anga a neta mukonda dia jimbote ji nga-nda ku a bhana a-nda kulungulukila ku jinzambi jengi, anga a ji sedivila, a-nda ku ngi thathamesa, o kikutu kiami ki nga te-nâ a-nda ku ki bula.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.

Matendelelu 32:6

Mbé Jihova kiene ki mu mu vutuilʼokio? Muiji ua tobho ua kambe kilunjí? Mbé Jihova ki muene Tatʼenu ua mi kula, ua mi bhanga, iu ua mi bhana o kutunga ni kusoma?

Matendelelu 33:26

Kazola kami, kana-ku muthu ua di fu ni Nzambi ié! Ukanduka maúlu mu kuiza ku ku banda; o unéne uê u di-leka-na-u ku matuta moso ma beta kuia bhulu.

Matendelelu 33:5

Uakexe ue Sobha mu Jesulume, kioso kia di bhongoluele o makota moso ma kifuẋi ni miji ioso ia Izalaiele.

Afundixi 10:6

Anʼa Izalaiele anga a tona dingi kubhanga kiaiibha mu mesu a Jihova, a kala mu bhikila Jibaale, ni Jitalote, o iteka, ni jinzambi ja Sídia, ni jinzambi ja Sidone, ni jinzambi ja Mouabhe, ni jinzambi ja anʼa Amone, ni jinzambi ja akua Fidíxia, Jihova anga a mu baluka, a mu xa, ngua-uâ ku mu bheza.

I Samuuele 2:29

Muala kudiotela-hi bhoxi ni kutitidila jinga o jisata jami ni ilumbu iami, ia kijila ki nga bhana kubhangela mʼonzo iami, anga ki bhinga anʼé eie u beta ku a xila, eme ndenge, hé mu di netesa enʼuenu ni kutuama kutambula jixitu jambote ku jisata joso ja mundu uami ua Izalaiele.