Matendelelu 31:6 - O Mikanda Ikola

⁶ Kalenu mu indanda, mu kole kiambote o muxima. Ki mu kale ni uoma, mba mu kala ni kekenha ki mu a mona mesu, mbata o Jihova Nzambi ié muene uala kuia-nê, o muene ka-nda ku kúxia, ka-nda ku ku ehelela.

Matendelelu 31:6 ပူးပေါင်းရင်းမြစ်များ

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 28:15

Talesa eme muene ngala ni eie, ngi kulanga ku ididi ioso ku uia, hinu ngi ku bhangesa kuvutuka dingi mʼoxi muenhumu; kuma ki nga-nda ku ku ehela katé ki nga kà kumbidila ima ioso i nga ku ambela.

II Samuuele 10:12

Tu kodienu maku ni mixima, tu bhange undanda mu bhângela o mundu uetu ni mabhata ma Nzambi ietu; o Jihova a tu bhange kioso muene kia mu uabhela ku mesu mê.

I Jisobha 2:2

Eme nga muia mu njila iene mu kuila o mundu uoso; eie-phe kola muẋima u kale u iala

I Jisobha 6:13

Nga kà tunga muʼaxaxe ka anʼa Izalaiele, o mundu uami ua Izalaiele ki nga kà xikina dingi ku ehelela, lémbua.

I Jisobha 8:57

O Ngana dia Nzambi ietu a kale ni etu, kala kia kexile ni ji-tata jetu; ka tuehelele, kana, ka tu xe.

I Malunda 22:13

Ua kà kala ni kuzediua, se eie ukala ni muanu ua kubhaka o itumu ni mabatuilu a tumu Ngana Nzambi kua Mozé, bhu kaẋi ni Izalaiele. Suina-phe, ubhue uoma, u kuate muanu uambote; ku kale ni uoma, mba u bhuila muẋima.

I Malunda 28:10

Talesa-phe kindala, kuma Jihova ua ku solo phala u mu tungile o Tembulu iê Ikôla, Suina-phe, u bhange o kikalakalu.

I Malunda 28:20

Davidi anga uambela monʼê Solomá, uixi: Suina, u kale u kindanda, u kalakale. Ku kale ni hèle, mba u kala ni uoma. Mukonda o Jihova Nzambi, Nzambi iami, uanda kukala ni eie. Muène kanda ku ku xisa ubheka, mba u ku ehelela, katé ki u zubha o kikalakalu kioso kia inzo ia Jihova.

II Malunda 32:7

Kuatenu nguzu, mu bhume, kana ku kala ni uoma, mba mu teketa mukonda dia sobha ia Asídia mba mukonda dia kifuẋi kioso kiala na-kiu muene, mukonda sai umoxi uala ni etu ua beta kota, o uala ni muene ndenge.

Jisálamu 27:1

Jihova muene umuikinu uami, ubhulukilu uami; ngi kala-phe ni uoma ua nanhi? Ngana muene ua ngi bhana o nguzu ia kukola muenhu, uebhi-phe ngi mu kala ni hele?

Jisálamu 27:14

Ngana, se kua mu mono, mu kinge; kolokota, muẋima u kuate nguzu iobhe; nga ku ambela muene, Ngana se kua mu mono, mu kinge.

Jisálamu 94:14

Kuma Jihova ka tena kusenga o mundu uê, muene ka tena kuehelela o undundu uê.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 51:12

Eme, eme-muène ngi muthu ua ku mi konda o malamba; eie-phe u muthu uami, u kala ni uoma ua muthu ni mukuenu, uà xikamena kufua? mba o monʼa muthu u lela kala iangu?

Jelemiia 1:8

Ku kale ni uoma bhu phola iâ, mbata ememuène ngi kala ni eie phala ku ku kudila, Jihova ua ki tange.

Jelemiia 32:40

Hé nga kà ta-nâ kikutu ki nangenena, ki kia kà a sondoloka dingi, mbé o ku a bhanga mbote, anga nga kà ta uoma uami ku muẋima uâ, phala eme ki mungu dingi a ngʼixa.

Ajeu 2:4

Kiki-phe, eie Zolobabele, suina, kiene kiambe Jihova, eie ue Josuué monʼa Jozadake, nganga ia dikota, suina, enu uenu mu mundu uaʼxi, suinenu mu kalakale; mukonda eme ngi kala jinga ni enu, kiene kia zuela Jihova dia Ifuẋi.

Zakadiia 8:13

Anga kia kà bhita-phe kiki, eie bhata dia Juda ni eie bhata dia Izalaiele, kuila, kala kioso ki mua kexile mu akua mázui muʼaxaxe ka miji iengi, kiene ue ki nga kà mi bhulula anga mua kà kituka dibesá muʼaxaxe kâ. Ki mu kale-phe ni uoma, maku enu a suine muene.

Dialuilu 13:20

Ni mavu se a nete mba a bhele, se muala tuixi mba kana. Mu kala muene ni uiala, ku ibundu ia ixi mu tu bhekela-ku. Izuua ienhoio-phe, izuua ia kumateka jiúva kúbhia.

Dialuilu 13:9

Ku muiji ua Bejamí, Palate dia Lafu.

Dialuilu 14:9

Hé kima, kana kukitukila Jihova, kana kukala ni uoma ua akua-xi; kuma a kala mbolo ietu ia kúdia, kilembeketa kiâ kia tundu-ku, kala na-kiu dingi, etu-phe Jihova tuala-nê; ki mu kale ni uoma.

Luka 12:32

Jezú uixi dingi: Ki mu kale ni uôma, kakilunga kófele! Mukonda Tata ienu kia mu uabhela muène o ku mi bhana o Ungana.

I Kolindo 16:13

Di langienu, mu di fikidile mu kuxikana. Bhangenu ukuenze, mu suine.

Efezo 6:10

Ki tualʼ iki-phe, suinenu mua Ngana, ni mu kutena kua nguzu iê.

Matendelelu 1:21

Talesa-ze, o Jihova Nzambi ié ua ku bhana oxi i ua mono iii; banda, lundula-iu, kala kia ku tangela Jihova Nzambi ia jitata jenu; ku kale-phe ni uoma, kana, mba ngó kusasumuka.

Matendelelu 1:29

Eme ngixi: Ki mu tale hadi, enhó kʼathu a ku a kuatela uoma.

Matendelelu 11:8

Ijiia-phe kuatenu-iu kiambote, ngala ku mi bhana leluʼidi, nda mu kale ni nguzu, phala mu bokone mu vue oxi i mua lungu mu kúvua;

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

Matendelelu 31:23

Anga Jihova uambela Josuué, monʼa Nune, uixi: Kala u kindanda, u kole kiambote o muxima! Mbata eie ua-nda kubokuesa anʼa Izalaiele mʼoxi i nga a lokela Eme-muène nga-nda ku kala jinga nʼeie kumoxi.

Matendelelu 31:7

Mozé anga uixana Josuué, u mu ambela, bhu mesu a Izalaiele ioso, kuamba: Kala u kindanda, kola maku! Mukonda eie-muène ua-nda ku bokona ni mundu iú mʼoxi ia lokela Jihova ku i bhana ku jitata jenu; eie muene-phe ua-nda ku a lunduisa-iu.

Matendelelu 31:8

Jihova muene ua-nda ku ku tuamenena ku pholo, muene ua-nda ku ku banda; muene ka-nda ku ku xa, kana; ka-nda ku ku ehelela. Kana kukala-phe ni uoma, mba u kala ni hele.

Matendelelu 4:31

Mukonda Jihova Nzambi ié, Nzambi uejidila kukuatela henda; ka kuehelela mba u ku buikisa; né ngó ue kuẋikina kujimba o kikutu kia lokela ku jitata jé.

Matendelelu 7:18

Kana, kua a kuatela ngó uoma, Lembalala kioso kia bhange Jihova Nzambi ié kua Falaó ni ku Ijito ioso.

II Timote 2:1

Eie-phe, u monʼami, kala u kindanda mu kiadi ki tuene na-kiu mu ukamba ni Kristu Jezú.

Jihebeleu 13:5

Ki mu kale mu akua luimbi lua kitadi, ioso i mua mono i mi soke. Kuma Nzambi u ambe uixi: Eme nuka nga kà mi xisa, ki nga kà mi ehelela ue, kana.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Josuué 10:25

Josuué bhenhobho u a ambela, uixi: Ki mu kale ni kekénha, kana ue kukala ni kimbuua; kolenu muẋima, mu te-bhu ukuenze; mbata Jihova, jinguma jenu joso ji mu lua na-ju, ua-nda ku ji bhanga jinga kienhiki.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

I Samuuele 12:22

Mbata Jihova ka ẋikina ku ambudisa mundu uê, mukonda dia dijina diê dikola, mukonda Jihova kia mu uabhela o ku mi bhanga mu mundu uê-muene.