Matendelelu 31:3 - O Mikanda Ikola

³ O Jihova Nzambi ié muene ua-nda ku ku tuamenena ku pholo. O akua jixi jiji, iá muene ua-nda ku ku jikinisina-u, nda eie u vue oxi iâ. Josuué muene u ku kala ku pholo ia ku ku endesa, kala kiambe Jihova.

Matendelelu 31:3 ပူးပေါင်းရင်းမြစ်များ

Dimatekenu 48:21

Izalaiele anga u ambela Zuze, uixi: Tala, eme-ze, kúfua kua ngʼiza kiá; maji o Nzambi phe ua-nda kukala ni enu, o hádia u mi bheka dingi mu kuvutuka, mʼoxi ia jitata jenu.

Jipoxolo 7:45

O iene kia i lundula o jitata jetu, eza na-iu ni Josuué kia bokona mu bhingana mʼoxi mumu mua kaiesa Nzambi o matumbu ku pholo ia jitata jetu. Anga a kala kienʼiki katé mu izuua ia Davidi.

Matendelelu 1:30

Jihova Nzambi ienu, uoso ua-nda ku mi tuamenena, muene ua-nda ku mi bhangela o mvunda, kala kia mi bhange mu ima ioso ia bhange kiá, ki mua di muena ku mesuʼenu mu Ijito;

Matendelelu 3:28

Longesa-phe kiambote Josuué, mu suinise, mu kolokotese; mukonda muene ua-nda kutuamenena o mundu iú, ni ku u lunduisa oxi i ua-nda ku kengelelʼii.

Matendelelu 31:14

Jihova anga uambela Mozé, uixi: Talesa, izuua ié ia ku-bhu, kuma ia zukama kiá ku dizubhilu phala kufuʼé kiá. Ixana-phe Josuué, mu ize mu balaka ia kutakanena, nda ngi mu tendelele. Kienhókio ni Mozé ni Josuué aia mu balaka ia kutakanena, bhu pholo ia Jihova.

Matendelelu 31:23

Anga Jihova uambela Josuué, monʼa Nune, uixi: Kala u kindanda, u kole kiambote o muxima! Mbata eie ua-nda kubokuesa anʼa Izalaiele mʼoxi i nga a lokela Eme-muène nga-nda ku kala jinga nʼeie kumoxi.

Matendelelu 31:4

Jihova u a bhanga kala kioso kia bhange kua Sihone ni kua Hoke, jisobha ja Mamodi, ni kia bhange ku ixi iâ, iu ua a jikinisa.

Matendelelu 34:9

Josuué, monʼa Nune-phe, anga uizala ni Nzumbi ia unjimu, kuma Mozé ua tudile maku mê ku thandu diê; kienhókio anʼa Izalaiele akuata ku mu ivua kia zuela, anga a bhanga kala kia xindi Jihova kua Mozé.

Matendelelu 7:1

Kia kà zubha Jihova Nzambi ié ku ku bokuesa mʼoxi i ua-nda kúvua, anga u ku toluela miji iavulu ia matumbu hé u a kaiesa bhu pholo ié, o sambuadi dia ifuẋi diosoʼidi, akua Mahiti, akua Jijidingaze, akua Mamodi, akua Kanana, akua Mapelezi, akua Mahivi, ni Majebusi, athu a ku tundu mu nguzu ia a ku tundu mu kuvula.

Matendelelu 9:3

Tumenu-phe ku kʼijiia, kuma lelu muene, Jihova Nzambi ienu, ua kà mi tuamenena ku pholo; muene-phe ua di bhanga túbhia tua muzukuta tu buikisa, ua-nda ku a tolola, enu anga mu a tundisa lusolo ni ku a jima o mbutu kala kia zuela Jihova.

Jihebeleu 4:8

O ki kala Josuué ua a bhele dinhohenu, Nzambi hinu keji ku di kumuna dingi ku pholo kunu, anga u tanga kizuua kiamukuâ.

Josuué 1:2

Mubhikʼami Mozé, uafu; kiki-phe balumuka, u zaúke ngiji iii ia Njolodá, ni eie ni kifuẋi kioso kiki, mu bhiẋile mʼoxi i nga-nda ku bhana anʼa Izalaiele.

Josuué 11:15

Kioso Jihova kia tendelele kua mukalakadi ué Mozé, kiene ue Mozé kia tendelela Josuué; Josuué-phe, kiene muene kia bhange; Ka selula diba, né ngó, ku ima ioso Jihova ia tendelela kua Mozé.

Josuué 3:7

Jihova anga uambela Josuué, uixi: Kizuua kia lelu, ngi mateka ku ku jingisa ku mesu a Izalaiele ioso, ni ejiie kuma kioso ki nga kexile ni Mozé, kiene ki ngi kala ni eie.

Josuué 4:14

Mu kizuua kienhókio Jihova ua jingisa Josuué ku mesuʼa Izalaiele ioso; anga a mu kala ni uoma, kala kia kexi ni uoma ua Mozé katé bhu ufuilu uê.