Matendelelu 31:18 - O Mikanda Ikola

¹⁸ Né kienhókio, Eme-phe mu kizuuʼomo o pholo iami nga kà i sueka hanji muene, mukonda dia ituxi ioso ia-nda kubhanga ene mukonda dia kualukila kiá jinzambi jengi.

Matendelelu 31:18 ပူးပေါင်းရင်းမြစ်များ

II Jisobha 22:13

Ndé-nu muà ngʼibhuile kua Jihova, nʼeme ni mundu iú, ni Juda ioso, ku mbandu ia maka a divulu didi dia bongo; mukonda o njinda ia Jihova ia tu kuatela ia vulu; mbata o jitata jetu ka bhele mátui ku maka a divulu didi, phala kuenda ni kubhanga ioso iòsoneke momo ku mbandu ietu.

Makatukilu 34:15

Sumba ki u ta kikutu kia ukamba ni akuaʼxi koko, ene kia bhanga undumbu bhu pholo ia jinzambi jâ, ni kia satela jinzambi jâ, bhu kala uoso u ku ixana-bhu ni u die ku sata ia jibhila o iteka iâ.

Izaía 48:8

Iene-phe eie kuaʼivua, kua ʼijiia, kana; né ngó o dítui dié ki dia jikukile luua, kuma nga kʼijiia kuila ueje kubhanga ufe, mukonda u muxibhaki, u mutondadi, tundié mu mala.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Izaía 64:7

Ki bhuala dingi u hingila o dijina diê, mba u phaphumuka nʼa kuatenene kokué; mbata eie ua tu suekela o pholo, eie ua tu bhangesa ku botomoka mukonda dia ikuma ietu.

Jelemiia 33:5

Ene anga a di lukula mu kubhânga ni akua Kaldeia, maji-phe phala ngoho ku a ezalesa ni imbi ia athu, u nga kuama mu njinda iami ni mu kutema kuami; mbata mbonge iii nga i suekela o pholo iami mukonda dia ku ibha kuâ kuoso.

Izekiiele 39:23

O akua jixi hé a kà kʼijiia, kuila o akua muiji ua Izalaiele, mukonda dia kikuma kiâ, a ambata ku ubhika, mukonda a ngi bhukumukina eme, emeʼeme nga a suekela ue o pholo iami, eme nga a bhakula bhu maku a jinguma jâ, ene oso ia a takuka ku xibhata.

Matendelelu 31:19

Kindalʼiki-phe, enuʼenu di sonekenienu o mukumbi iú, muende ni ku u longa anʼa Izalaiele; tenu-u mu kanu diâ, kuma uene hádia u nga-nda kuelesa-na-u anʼa Izalaiele, uene u ngi kala mbangi iami mu ku a elêsa.

Matendelelu 32:20

Uixi-phe; Ngʼa suekela pholo, ngi mone hanji o zubhilu diâ; mbata a di bhange muiji ua lusébu, ana kamoneka ufiiele moxi diâ.

Afundixi 2:17

Maji ene hanji-phe, nguauâ né ngó kuívua afundixiʼâ; kuma a kala mu bhanga undumbu ni jinzambi jengi, a ji fukamena; kindala a bhambuka kiá mu njila mua kexile kuenda o jitata jâ, ia kutumaka o ijila ia Jihova; ene-phe a bhanga kiengi, a lémbua kubhanga kia bhanga jinga o jitata jâ.