Matendelelu 31:16 - O Mikanda Ikola

¹⁶ Jihova iú uambela Mozé, uixi: Talesa-ze, eie ua-nda kuia kiá ku kilu ku àia jitata jé; o kifuẋi kiki kia-nda kufundumuka mu kubhanga lubhandu lua jinzambi jengi, ja akua-jixi, kua-nda ku di telʼuku; eme a-nda ku ngi xa, o Kikutu ki nga tele-nâ a-nda ku ki bula.

Matendelelu 31:16 ပူးပေါင်းရင်းမြစ်များ

Dimatekenu 15:15

Eie-phe ua kà dianga kuia ni paze ku malembʼé; a kà ku funda mu uadiakimi uavulu.

Dimatekenu 25:8

Mbalahamu anga u batula muenhu, ufua kiá ku uadiakimi uavulu, ua kuka kiá, ua kukidila muene, mivu ia mu kumu; anga a mu bhongoluela ku malembʼê.

Dimatekenu 47:29

Thembu anga i zukama ia Izalaiele kúfua; anga uixana monʼê Zuze, uixi: Ki ngalʼiki, se nga sange ngalasa ku mesuʼé, nga ku diondo, ta lukuaku lué koxi a ditabela diami, kuma u ngi bhanga kiadi ni kidi; kana ku ngi fûnda mu Ijito kunu, nga ku diondo!

Dimatekenu 47:30

Kizuua-phe ki ngiia ku kilu kuʼaia a tatʼetu, u ngʼambata, kunu ku Ijito u ngʼambata-ku, ua kà ngi fûnde mu mbila iami bhu kidindu kia tatʼetu. Zuze anga uitaia, uixi: Kioso ki ua zuela, kiene ki ngi bhanga. Jakobo anga u mu ambela dingi, uixi:

II Samuuele 7:12

O kia kà tenena izuua ié, ki ua kʼàia ku kilu ni a-tatʼenu, nga kà zangeleka o mbutu ié i ku bhingana ku dima, i tunda mu divumu dié muene, o utuminu uê ngi u kuatesa, u kola kiambote.

I Jisobha 1:21

O ki u kamba ku ki bhanga, hádia ki ua kà zekela kumoxi ni a-tatʼenu, kùku, ngana iami, ni eme ni monʼami Solomá a tu kita tu akua kituxi.

I Jisobha 18:18

Kuala muene: Eme Izalaiele ki nga mu mu zukutisa, kana; ua mu zukutisa Izalaiele eie ni dibhata dia tatʼenu, mukonda mua xisa o ijila ia Ngana, enu mua kaiela hamba dia Bahale.

I Jisobha 19:10

Muene uixi: Eme, Ngana Nzambi ia Ifuẋi, nga mu dielela kiavulu, ngala ni muanu ua imbamba iê, mukonda anʼa Izalaiele kikutu kiê a ki xi, kalatódio jê a ji bulu, ni jipolofeta jê a ji jibha-jibha ku xibhata; eme ngó nga xala-ku ubheka umai, ia a mu sota dingi ku ngi katula muenhu uami.

II Jisobha 18:12

Kuma a fulu kutumaka o dízui dia Jihova, Nzambi iâ, o kikutu kia te-nâ Jihova, ene a ki tundu ufe; o ioso ia a tendelela Mozé, o mukalakadi ua Jihova, ene nguâ-uâ ku ivua, nguâ ku i bhanga.

II Jisobha 20:1

Mu izuua muenhomo Ezekiia anga u kata, kukatela kúfua; anga o musesedi Izaia, monʼa Amoze, uiza mu ku di-mona-nê, hé u mu ambela, uixi: O Ngana uambe kiki: O dibhata dié ta-diu kiambote mu ididi, kuma uandu fua muene, kua-ndu kola muenhu, kana.

II Malunda 21:11

Iu ua bhange ue matala mu milundu ia Juda; ua bhangesa akua Jeluzaleme kutondala ni akua Juda ua a bhangesa kukaiela kienhiki.

Jobe 20:11

Né-mbe hanji o ifuba iâ izala ni nguzu ia unzangala uâ, hanji-phe nguzu iâ a kà zeka na-iu muene mu fufutila ia mavu.

Jisálamu 106:39

Kienhiki kia di bolesa ni imbamba iâ, a di bhange jindumbu mui ibhangelu iâ.

Jisálamu 73:27

Ió-ze a ku baluka eie u Ngana, a solo kutexika; a kà fua muene, oso a tunda bhu kinama kié mu sendukila ima iengi.

Makatukilu 32:6

Ki kúkia anga a di meneka, a bhana jisata ja kuoha, a bheka jisata ja uembu; mundu anga a xikama mu kúdia ni kúnua, hé a balumuka anga a tonoka.

Makatukilu 34:15

Sumba ki u ta kikutu kia ukamba ni akuaʼxi koko, ene kia bhanga undumbu bhu pholo ia jinzambi jâ, ni kia satela jinzambi jâ, bhu kala uoso u ku ixana-bhu ni u die ku sata ia jibhila o iteka iâ.

Izaía 48:8

Iene-phe eie kuaʼivua, kua ʼijiia, kana; né ngó o dítui dié ki dia jikukile luua, kuma nga kʼijiia kuila ueje kubhanga ufe, mukonda u muxibhaki, u mutondadi, tundié mu mala.

Jelemiia 31:32

ki ki kala dingi kala o kikutu ki nga tele ni jitata jâ, mu kizuua ki nga a kuata mu lukuaku, phala ku a katula mʼoxi ia Ijitu; mbata o kikutu kiamiʼokio ki nga tele-nâ, ene a ki buakulula, kia tumbuluka muene, sumbale eme ngi Jihova hanji nga sakana-nâ, Jihova ua ki tange.

Jelemiia 36:7

Amoxi o kudionda kuâ ku sonokena bhu pholo ia Jihova, kala muthu a bhane dikunda ku njila jê ja ibha mukonda njinda ia Jihova ia dikota ni kutema kuê kuene mu ku di londekeza na-ku mu ku bilukila o athu iá.

Izekiiele 16:15

Maji eie ua dielela ngó o kuuabha kué, eie ua di-kasananesa mukonda dia fuma ié; ua bhanga jinga undumbu ni ene oso a bhita, phala nʼu kala u uâène.

Hozeia 1:2

Ku dimatekenu dia kizuelu kia Jihova kua Hozeia, Jihova uambela Hozeia, uixi: Ndé, sakana muhatu, uoso uejidila undumbu, u vuale-nê ana a undumbu; mbata oxi ia di te mu undumbu ua dikota, o kua Jihova a batukaku.

Hozeia 10:4

O mu kuta ikutu ni akuâ, a vudisa maka ma kingoho ni kuloka ngó makutu; bhuanda ku a tula-phe kaxtiku ka a sabhukila kala ki buingita o kisasa kia ikolakola mu mbondongolo ja mibhanga, ku mábhia.

Ijila 26:15

o jingonge jami se mua ji te dikunda, o mabatuilu mami mua di kumu-nâ, anga mu fula o ku kumbidila ijiia iami ioso, phala ku ngi seluila o kikutu kiami,

Dialuilu 27:13

O ki u zubha ku i mona, eie ue a ku bhongolola ku malembʼê, kala phange ié Alá kia mu bhongolola.

Jipoxolo 13:36

Kuma ni kidi, Davidi kia zubha ku di tuma ni Ngana ku muiji uê, uaia ku kilu, iá a mu tula ni jitata jê. Kalunga ka mu sekumuna muene.

Matendelelu 31:18

Né kienhókio, Eme-phe mu kizuuʼomo o pholo iami nga kà i sueka hanji muene, mukonda dia ituxi ioso ia-nda kubhanga ene mukonda dia kualukila kiá jinzambi jengi.

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!

Matendelelu 32:50

U fuila ku mulundu kuenhoko ku ua-nda kubanda; uie ku-àia Vumu dié, kala phangʼié Alá kia fila ku mulundu ua Hole, iu uaii kuʼàia o jitata jê.

Matendelelu 34:5

Bheneʼobho kiá bhene bhua fuila Mozé, selevende ia Jihova, mʼoxi ia Mouabhe, kala kia ki tanga Jihova.

Matendelelu 4:25

O kioso-phe ki mu vuala ana ni aláula, anga muiza ku uadiakimi, ni jimvi mu mútue, mʼoxi muenhomo, hé ku mʼiza lufuku lua ku di songela kiá iteka mba ima ikala ni kidifua kioso-kioso, o Jihova kia kʼila sûi, anga ki mu ibhila kuma mua mu lokalala.

Dijingunuinu 19:2

O kufundisa kuê kua kidi, kuaiuka! Mukonda o muène, kidia-nzunga kia dikota ua mu êlesa, ió ua bolesele oxi ioso ni undumbu uê. Nzambi ua mu futu o phonzo, mukonda muène ua jibha jinga o jiselevende jê.

Afundixi 10:13

Sumbala kiene, maji eme mua ngi baluka, muala kubhikila nzambi jengi; kala kiki-phe eme uami nguami dingi ku mi kudila.

Afundixi 10:6

Anʼa Izalaiele anga a tona dingi kubhanga kiaiibha mu mesu a Jihova, a kala mu bhikila Jibaale, ni Jitalote, o iteka, ni jinzambi ja Sídia, ni jinzambi ja Sidone, ni jinzambi ja Mouabhe, ni jinzambi ja anʼa Amone, ni jinzambi ja akua Fidíxia, Jihova anga a mu baluka, a mu xa, ngua-uâ ku mu bheza.

Afundixi 2:11

Bhenbhobho anʼa Izalaiele anga a bhanga kiaiibha ku mesu a Jihova, a kala mu bhikila Jibaale.

Afundixi 2:12

Jihova, Nzambi ia jitata jâ, ua a katula mʼoxi ia Ijitu, a mu xi; a kaiela jinzambi jengi, o jinzambi ja mundu uamukuá ua a kala mu jimbandu, a kala mu ji fukamena; Jihova anga a mu thathamesa.