Matendelelu 31:14 - O Mikanda Ikola

¹⁴ Jihova anga uambela Mozé, uixi: Talesa, izuua ié ia ku-bhu, kuma ia zukama kiá ku dizubhilu phala kufuʼé kiá. Ixana-phe Josuué, mu ize mu balaka ia kutakanena, nda ngi mu tendelele. Kienhókio ni Mozé ni Josuué aia mu balaka ia kutakanena, bhu pholo ia Jihova.

Matendelelu 31:14 ပူးပေါင်းရင်းမြစ်များ

Dimatekenu 47:29

Thembu anga i zukama ia Izalaiele kúfua; anga uixana monʼê Zuze, uixi: Ki ngalʼiki, se nga sange ngalasa ku mesuʼé, nga ku diondo, ta lukuaku lué koxi a ditabela diami, kuma u ngi bhanga kiadi ni kidi; kana ku ngi fûnda mu Ijito kunu, nga ku diondo!

I Jisobha 2:1

Kiki izuua ia Davidi kuila i mu zukama, ia kúfua, Davidi u tendelela Solomá monʼê, uixi:

II Jisobha 1:4

Mukonda dia kienʼiki, Jihova uambe kiki: Bhu hama bhu ua bandeʼobho kua-ndu tuluka-bhu dingi; maji sé kufula, ua-ndu fua muene. Kuabhu, Elija bhenhobho hé u sulukʼé.

II Jisobha 20:1

Mu izuua muenhomo Ezekiia anga u kata, kukatela kúfua; anga o musesedi Izaia, monʼa Amoze, uiza mu ku di-mona-nê, hé u mu ambela, uixi: O Ngana uambe kiki: O dibhata dié ta-diu kiambote mu ididi, kuma uandu fua muene, kua-ndu kola muenhu, kana.

Jobe 1:6

Kueza kizuua kimoxi, anʼa Nzami eza mu ku di bhakula bhu pholo ia Jihova, Satana ueza ue mu kaẋi-kâ.

Jobe 2:1

Mu kizuua kia mukuá kioso kieza anʼa Nzambi mu ku di bhakula bhu pholo ia Jihova, Satana ué, ueza mu ku di bhakula bhu pholo ia Jihova.

Makatukilu 33:11

Jihova anga u kala mu zuela ni Mozé, pholo ni pholo kala muthu uoso-uoso kia zuela ni kamba diê. Anga u vutuka kuia ku kibangu; maji o dikuenze diê-phe, Josuué, monʼa Nune, munzangala, ka kexile mu tunda-mu mu balaka.

Makatukilu 33:9

Mozé-phe kia zubha kubokona mu balaka, philadi ia dituta i tuluka, imana bhu muelu ua balaka; Jihova anga u kuata kuzuela ni Mozé.

Makatukilu 34:2

U kale polondo mu kimene, u di meneke dingi mu mulundu ua Sinaiʼumu, u di bhakule ko kuami bhu thala ia mulundu.

Ndongixi 9:5

Kuma ió oso ala ni muenhu ejiia kuila a-nda kúfua, maji o ió afu kiá kʼejiia dingi kima kioso-kioso; né ue kisakidilu kia kima, ene kala nakiu dingi; kuma o dixinganekenu diâ, athu a di bhakuila ue kiá o kijimba.

Izaía 38:1

Mu izuua muenhomo, Ezekiia ukata uhaxi ua kúfua; Izaia, monʼa Amoji, o musesedi, anga uiza kua muene, iu ua mu ambela, uixi: Jihova ua-mbe kiki: Lekelela kiá dibhata dié, mbata mu kúfua mu uala, kua-nda kukola dingi muenhu.

Dialuilu 27:12

Jihova anga u ambela Mozé, uixi: Eie u banda mu mulundu iú ua Abadimi, o ixi i ngi bhana anʼa Izalaiele u i muena ku sámbua.

Dialuilu 27:13

O ki u zubha ku i mona, eie ue a ku bhongolola ku malembʼê, kala phange ié Alá kia mu bhongolola.

Dialuilu 27:18

Jihova anga u ambela Mozé, uixi: Kuata Josuué dia Nune, diiala uala ni Nzumbi moxi diê, u mu tule lukuaku lué ku thandu;

Loma 12:1

Uila kiki nga mi diondo-phe, jiphange, mu jihenda ja Nzambi, di bhakudienu o mikutu ienu kua muène, kuma sata ia muenhu, mua di lumbu mu kikalakalu kiê, mu akua ujitu kua Nzambi. Kuma iú uene o ubhhezelu ua kilunji ua ni fuama.

Matendelelu 31:13

Mbé anʼâ oso a kambele ku kʼijiia, evue, a di longe kuxila Jihova Nzambi ienu, mu izuua ioso i mu tunga kulu dia mundu, mʼoxi i mua-nda kuzaúkila Njolodá, phala ku iʼvua.

Matendelelu 31:2

uixi: Lelu nga tenesa kiá hamʼa mivu ni makuinhi aiadi. Ki nga-nda kutena dingi kuila ngi tunda ngi bokona. Katu-ku dia kienhiki, Jihova muene ue ua ngʼedi, uixi: Njolodá ku tenʼê ku mu zaúka dingi.

Matendelelu 31:23

Anga Jihova uambela Josuué, monʼa Nune, uixi: Kala u kindanda, u kole kiambote o muxima! Mbata eie ua-nda kubokuesa anʼa Izalaiele mʼoxi i nga a lokela Eme-muène nga-nda ku kala jinga nʼeie kumoxi.

Matendelelu 32:50

U fuila ku mulundu kuenhoko ku ua-nda kubanda; uie ku-àia Vumu dié, kala phangʼié Alá kia fila ku mulundu ua Hole, iu uaii kuʼàia o jitata jê.

Matendelelu 34:5

Bheneʼobho kiá bhene bhua fuila Mozé, selevende ia Jihova, mʼoxi ia Mouabhe, kala kia ki tanga Jihova.

Matendelelu 4:22

Mbata eme nga-nda fuila kiá mʼoxi iii, o Njolodá ki nga-nda ku mu záuka dingi; enu-phe mua-nda ku mu záuka, o ixi ia uabhʼoio mua-nda ku ivua muene.

Josuué 23:14

Mua mono-phe kuila, lelu eme nga lungu kiá muʼalunga muene ku di tutila oxi ioso; enu-phe mua kʼijiia ni muẋima uenu uoso, ni muenhu uenu uoso, kuila ima ioso ia mi dielelesele Jihova Nzambi ienu, ki kua sonoka kima; iene ioso ia mi bhiti muene, ki bhuala kizuelu kia sukamena.

Josuué 24:1

O ki kia bhiti, Josuué ua bhongolola miji ioso ia Izalaiele bhu Xikeme; anga uixana ikulakaji ia Izalaiele, ni ilôlo iâ, ni afundixiʼâ, ni jifixiiadi. Ene oso anga a di bheka bhu pholo ia Nzambi.

Juda 1:24

O kiki Nzambi ió ua tena ku mi fudisa ku-di-bhukana ni mu di bhale, ua tena ku mi bhixidisa bhu pholo ia kubenha kuê ni kusanguluka, sé ngó kisemu,

I Samuuele 10:19

Enu-phe kizuua kia lelu mua ditunu Nzambi ienu uene ku mi kudila mu mavuua menu moso ni mu malamba menu; mua mu ambela, muixi: Kana, tu bhane sobha i tu tumina. Kiki-phe di tienu ku minono bhu pholo ia Jihova, mu di tungule kala kioso ki mua di kaiejela mu miji ienu ni mu jimidi jenu.

I Samuuele 26:10

Davidi anga u zuela, uixi: Kalé-ku Jihova ku muenhu, kuma muene Johova hinu u mu ta; mba u bhixila bhu kizuua kiê kia kúfua, mba uia mu ita nʼa mu jibhe,