Matendelelu 30:8 - O Mikanda Ikola

⁸ Eie-phe kibhinga u tolola dingi muene o muxima, anga uenda ni kusuua o dízui dia Jihova; ijiia ioso i ngala ku ku tendelela leluʼidi uenda ni ku i bhanga.

Matendelelu 30:8 ပူးပေါင်းရင်းမြစ်များ

Jisabhu 16:1

Ima ioso i xinganeka o muẋima, i tunda ku muthu; maji o kuvutula kua kidi kua hundu ia dikanu-phe, ku tunda kua Jihova.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Jelemiia 36:3

Nga fika, kuila, akua dibhata dia Juda, a-nda kuivua ku ibha kuoso ku ngʼandala ku a bhanga, phala muthu ni muthu a diele ku njila jê ja ibha, eme nda ngi loloke kikuma kiâ ni kituxi kiâ.

Izekiiele 36:27

Anga mʼoxi dienu nga kà tula-mu o nzumbi iami, ni ngi mi bhangese kuenda mu jingonge jami, ni kubhaka o mabatuilu mami, ni muende ni ku a bhanga.

Izekiiele 37:24

Anga o mubhikʼami Davidi muene ua kà kala sobha iâ, ene oso hé a kà kala ni mubidi umoxi ngó; anga a kʼèndela mu mabatuilu mami, enda ni kualuka o jingonge jami ni ku ji bhanga.

Efezo 2:16

O mu kufua kuê ku dikulusu, Kristu ua jibha o unguma uoso. O mu dikulusu diê, muene mua takanesena o miji iiadiʼ oio mu kukala mukutu umoxi ngó, iú ua a vutula ni ku a luulula kiiadi kiâ ni Nzambi.

Matendelelu 30:2

o ki u biluka kua Jihova Nzambi ié, anga dízui diê u di xikina, anga u bhana matui kala ki nga ku tendelela leluʼiki, nʼeie ni anʼê, anga mu ki bhanga muene ni muxima uenu uoso ni muenhu uenu uoso;

Matendelelu 30:7

O Jihova Nzambi ié ua-nda kulundulula o mázui mosoʼama ku thandu dia jinguma jé-eie, ni ku thandu dia oso a ku kuatela luma, oso muene ene ku ku zudidika.

Matendelelu 30:9

Jihova Nzambi ié ua-nda ku ku izalesa ni jimbote mu ikalakalu ioso ia maku mé, ni ku mbutu i tunda mu mala dié, ni ku mbutu i tunda mu ibhaku ié, ni ibundu ia mavu a mikáu ié, anga u ku vudixila o mbote; mukonda o Jihova ua-nda ku ku sangulukila muene, mu ku ku bhanga o mbote, kala kia sangulukile ku jitata jé.

Filipe 2:13

Kuma Nzambi muène u kalakala moxi dienu, mu ku mi solesa ni ku mi bhangesa kutumaka kioso kia mu kala mu vondadi iê iambote.