Matendelelu 30:3 - O Mikanda Ikola

³ bhenhobho-phe o Jihova Nzambi ié, ua kà ku takana dingi ku ubhika ku uaiioko, anga u ku lendukila; hé ukuata ku ku phopha bhuamoxi, u ku bhongolola dingi mu jixi joso mua ku muangenene Jihova Nzambi ié muène.

Matendelelu 30:3 ပူးပေါင်းရင်းမြစ်များ

Dimatekenu 28:15

Talesa eme muene ngala ni eie, ngi kulanga ku ididi ioso ku uia, hinu ngi ku bhangesa kuvutuka dingi mʼoxi muenhumu; kuma ki nga-nda ku ku ehela katé ki nga kà kumbidila ima ioso i nga ku ambela.

Dimatekenu 48:21

Izalaiele anga u ambela Zuze, uixi: Tala, eme-ze, kúfua kua ngʼiza kiá; maji o Nzambi phe ua-nda kukala ni enu, o hádia u mi bheka dingi mu kuvutuka, mʼoxi ia jitata jenu.

I Malunda 16:35

Tangenu-kiu, muixi: Tu bhulule Ngana, eie u Nzambi ia ubhulukilu uetu, tu bhongolole kumoxi, u tu kudile ku miji ia matumbu mu ngongo, phala tu hingile o dijina dié dikola, phala tu kale ni kijingo mu ku ku ximana jinga eie.

Nehemiia 1:9

Maji se enu mua kà diela anga mua kà biluka ko kuami, anga mu bhaka o ijila iami, ni ku i bhanga, eme bhenhobho, né hanji jihutile jenu ja kà kala kua suku o diulu, kueneʼoko nga kà a bhongolola anga ngiza-nâ bhu kididi ki nga solo phala kubhanga-bhu nangu dia dijina diami.

Jobe 42:10

Jihova anga u lungulula kikexilu kia Jobe, kioso muene kia mu sambela hanji o makamba mê; Ngana anga u mu bhana mu luiadi ima ioso ia kexile na-iu kiá ku diamtekenu.

Jisálamu 107:3

Ni iâ muene a bhongolola ni ku a takana ku jixi, ku thunda ni ku mazanga, ku suku ni ku sulu.

Jisálamu 147:2

Jihova u tungisa dingi Jeluzaleme; hé u bhongolola akua Izalaiele a di muangene.

Izaía 27:12

Anga kia kà kala-phe kiki, kuila: Mu kizuua kiná, Jihova kia kà bhiata o idima iê, tunde ku mixinji ia ngiji, katé ku honga ia Ijitu, enu uenu, mu anʼa Izalaiele, a kà mi nona mu umoxi-umoxi.

Izaía 43:5

Ku kale ni uoma-phe, kuma eme ngala bhuamoxi nʼeie; nga-nda kuia ku thunda ku takana-ku o mbutu ié, anga ngi bhita ku luiji ni ku ku ongeka.

Izaía 54:7

Nga ku ehelela kathangana kòfele; maji nga-nda ku kuongeka ni jihenda ja nzungule;

Izaía 56:8

Jihova Nzambi, uene kubhongolola oso a muangana mu Izalaiele, uambe kiki: Hanji nga kà bhongolola dingi athu kumoxi ni iá u nga bhongolola kiá.

Jelemiia 12:14

Jihova uambe kiki, ku mbandu ia nzukame jami joso ja ibha a mu bhunda o undundu uami, u nga lunduisa o mundu uami ua Izalaiele: Talesa, nganda ku a vuza moxi iâ, o dibhata dia Juda hadia ngi di vuza muʼaxaxi kâ.

Jelemiia 23:3

Anga eme-muène ngi bhongolola joso ja subhuka ku jimbudi jami, ngi ji takana ku jixi joso kua ji kaielele anga ngi ji vutula dingi mu ibhanga iê, hé ja kà di vuala anga ji sokoloka muene.

Jelemiia 29:14

Enu-phe mua-nda kuà ngi bonga muene, Jihova ua ki tange, nga kà bhangesa kuila jihutile jenu ja kà vutuka, anga ngi mi bhongolola mu miji ioso ni mu ididi ioso mu nga mi takuile, eme ngi Jihova, anga ngi tona dingi ku mi bheka bhu kididi kioso bhu nga mi katuile mu ku mi bheka ku jixi jengi.

Jelemiia 31:10

Ivuenu kizuelu kia Jihova, enu mu miji iʼathu, mu ki tangele ku ikolo ia takuka ku makanga, muexi: Ió ua tena kumuanga Izalaiele, ua-nda ku muʼongeka dingi hé u mu langa kala mubidi kia langa kilunga kiê kia jimbudi.

Kuditenda 3:22

Kuma o jihenda ja Jihova jene-ze ja bhiti-bhu, etu tua kambe kujima o mbutu; mbata jihenda jê ki jene ni dizubhilu.

Kuditenda 3:32

Kuma, né kia beta muthu hé u mu bheka mu lamba, sai bhua-nda ku mu lendukila, kuma ukaiela kia soko o nzungule ia jihenda jê.

Izekiiele 11:17

Kala kiki, ila: O Ngana dia Jihova ua tange kiki: Nga-nda ku mi ongeka mu kaxi ka ifuẋi, anga ngi mi takana ku jixi kua mi takuile, nda ngi mi bhana oxi ia Izalaiele.

Izekiiele 36:24

Hé nga kà mi katula muʼaxaxe ka akua jixi, ni ngi mi bhongolola ku jixi joso, anga ngi mi bheka dingi mʼoxi ienu.

Izekiiele 39:28

Kienhokio-phe a kà kʼijiia kuila, eme ngi Jihova Nzambi iâ, kioso kià mona kuila eme nga a bheka ku uhutile muʼaxaxe ka akua jixi, eme nga tona o ku a phopha dingi, mbé ene oso nʼa vutuke mʼoxi iâ; ki bhuala ngó muthu nga mu tungula-ku nʼa xalele koko.

Mikeia 7:19

Muene ua kà tona dingi o ku tu kuatela henda; milonga ietu ua kà i titidila muene bhoxi dia inama iê anga u i jimba kiá, o ituxi ietu ioso anga ua kà i texi muʼalunga mua zongo!

Zakadiia 10:9

Eme nga kà a muangena muaxaxe ka akua jixi, o kuenhoko, ku makanga kuaii, hanji a kà ngi banza; a kà laia ni kulonga tuana tuâ hé a kèza dingi.

Loma 11:23

O Jijudé uâ kia kamba kujiza mu kuxibhaka kuâ, hadia a kà a phapha dingi bhu kididi kiâ bhua kexi, kuma Nzambi ua soko o ku a phapha-bhu dingi.

Loma 11:26

Kienʼ iki kiene kiua o Izalaiele ioso ki ia kà bhuluka. Kala kia ki soneka mu Mikanda Ikôla, exi: Ku Ziione hadia ku tunda Mubhuludi, ua kà katula o ikuma ioso ia ió a tokala ku muiji ua Jakobo.

Loma 11:31

Ene uâ kiki a xibhaka Nzambi phala mu henda ia mi kuatela enu ki mu Jijudé, ene uâ hadia Nzambi a a kuatele henda.

Matendelelu 13:17

Enu-phe lukuaku luenu kana dingi kukuata kima kia ufusa ku imbamba ia tokala mu sanzalʼoio mbé ki mu nomone-mu kama, phala njinda ia Jihova isosoloke, nda a ku lendukile nʼa tene ku ku kuatela henda, phala a ku sokolole kala kia lokela o jitata jenu,

Matendelelu 4:27

Anga Jihova u mi muangena muʼaxaxe ka ifuẋi iengi, o kuenhoko ue mua kà kala ngó kakibuka kófele, muʼaxaxe ka akua jixi, muoso mua-nda ku mi xinjikila Jihova.