Matendelelu 30:20 - O Mikanda Ikola

²⁰ Kale-phe u zola Jihova Nzambi ié, u bhana mátui ku dízui diê, uenda ni ku mu naminina ngó Muene; mukonda kuala o kulaia kué; kuene kuala o divula dia izuua ié; nda u tene kutunga ni kuxalela mʼoxi ia lokela Jihova ku i bhana jitata jé Mbalahamu, ni Izake, ni Jakobo.

Matendelelu 30:20 ပူးပေါင်းရင်းမြစ်များ

Dimatekenu 12:7

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Jisálamu 27:1

Jihova muene umuikinu uami, ubhulukilu uami; ngi kala-phe ni uoma ua nanhi? Ngana muene ua ngi bhana o nguzu ia kukola muenhu, uebhi-phe ngi mu kala ni hele?

Jisálamu 30:5

Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Jisálamu 36:9

Mukonda ko kué kuene kuala o kitu kia muenhu; o mu mukengeji ué muene mu tua kà muena kuzela.

Jisálamu 37:3

Dielela kua Jihova, enda ni kubhanga o mbote; phala u tunge ixi ienhiʼii, u kale u fiiele.

Jisálamu 66:9

Ua tena ku tu bhaka tu athu ku muenhu, iu ua kambe kuehela inama ietu kuẋangumuka.

Ijila 18:5

Kala kiki o jingonge jami ni mabatuilu mami bhakenu-u; kuma enhó mu ku a bhanga muthu u kola muenhu; Eme Jihova nga ki ambe.

Nzuá 14:6

Jezú uixi: Eme ngi njila, ngi kidi, ngi muenhu. Kana muthu u bhixila kua Tata, ua kambe kuijiia ko kuami.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

Jipoxolo 17:25

Kene kubhanduluka ku maku ma athu, kala Muène ua tate, mukonda Muène u bhana oso o kukola o muenhu ni kubhuima, ni kumona ima ioso.

Jipoxolo 17:28

Mukonda mua muène ngó mu tu muena o kulâia ni kuzamba, ni kukala. Amoxi-mu ku jingimbidi jenu a ki te ku mukumbi, exi: Etu-ene tuala ue tu anʼ ê.

Loma 12:9

O henda ki i kale ia kádia. Iaiibha mu i lenga, iauabha mu i naminina.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

Matendelelu 1:8

Talesenu, oxi ioso iii nga mi bhana-iu enu; bokonenu muʼvue oxi ia lokela Jihova ku jitata jenu, Mbalahamu ni Izake ni Jakobo, ku a bhana-iu ene ni mbutu iâ kuema diâ.

Matendelelu 10:12

Kiki-phe, eie u Izalaiele, ihi ia ku xindi Jihova Nzambi ié, oko ua ku edi ngó, uixi: Xila Jihova Nzambi ié, enda mu ikoka iê-muène, mu zole, enda jinga ni kusedivila Jihova Nzambi ié ni muxima ué uoso, ni muenhu ué uoso,

Matendelelu 10:20

Endenu-phe ni kuxila Jihova Nzambi ienu, muenda jinga ni ku mu bhikila muene ngó, mu jijidienu muene ngó; o ki muila mu loka, lokelenu mu dijina diê-muène ngó.

Matendelelu 11:22

Xi! Mbata se mua kuata muene muanu ua kubhaka kiambote o jingonge josuʼiji ji nga mi tendelela ku ji langa, anga mu zola Jihova Nzambi ienu, ni kuenda jinga mu njila iê ni kitongola kioso,

Matendelelu 11:9

phala mu kole muenhu mu ixi ia lokela Jihova ku i bhana jitata jenu, ni mbutu iâ; oxi izunzumuka lete ni uiki.

Matendelelu 12:10

Maji kioso ki mua-nda kuzaúka Njolodá, mua-nda kutunga mʼoxi ia-nda ku mi lunduisa Jihova Nzambi ienu, anga u mi bhana kunhoha ku jinguma jenu joso, mua-nda kutululuka anga mu tunga mu soma.

Matendelelu 30:16

Kuma ngala ku ku tendelela lelu, ngixi: Zola Jihova Nzambi ié, endela mu ikoka iê, ijiia iê bhaka-iu kiambote, ni jingonge jê, ni mabatuilu mê; se kiene ki u bhanga, u kala ni muenhu, u di sokolola u kala u munéne; o Jihova Nzambi ié ua-nda ku ku zediuisa mu ixi i ua-nda kubokona mu ku i vua.

Matendelelu 30:6

Jihova Nzambi ié ua-nda ku ku saia o muxima ué moxi, ni muxima ua mbutu ié ia-nda ku ku kaiela, phala kuzola jinga Jihova Nzambi ié ni muxima uoso, ni muenhu ué uoso, nda u kole muenhu.

Matendelelu 31:1

Mozé bhenhobho, uambela Izalaiele o maka mosoʼama;

Matendelelu 32:47

Mbata o maka iá ki maka ma ngoho, uene o muenhu uenu; ene a-nda ku mi bhana izuua iavulu iadixala mu ixi i mua-nda kúvua, kioso ki mua-nda zaúka Njolodá.

Matendelelu 4:1

Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Matendelelu 4:4

Maji-phe, enu mua di bandeka ni kitongola kua Jihova Nzambi ienu, enuʼenuoso katé kiki enuʼenú hanji ni muenhu.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

Matendelelu 4:6

O jingongʼiji mu ila ni ku ji langa ni ku ji kumbidila, kuma uene o unjimu uenu ni kutetuluka kuenu bhu mesu a ifuẋi; oso a-nda kuívua o jingonge josoʼiji, a-nda kuila: O mundu iú uónene, ni mu unjimu ni mu kutetuluka kamoneka soko diâ.

Matendelelu 5:16

Bhana ujitu kua tatʼenu ni mamʼenu, kala kia ku tendelela Jihova Nzambi ié, nda u vule izuua ia kukola muenhu mu ngongo, u tunge usome mʼoxi ia ku bhana Jihova Nzambi ié.

Matendelelu 6:2

Mbé u kuate kuxila Jihova Nzambi ié, ni kualuka o jingonge ni ijiia iê ioso, i ngala ku ku tendelela, eie, ni monʼé ni mululu ni mulaulʼé, izuua ié ioso i ukala ni muenhu; o mu ku ki bhanga-phe ua kà laia izuua iavulu.

Matendelelu 6:5

Zola-phe Jihova Nzambi ié ni muxima ué uoso, ni muenhu ué uoso, ni nguzu ié ioso.

Josuué 23:11

Kala kiki-phe, mienhu ienu langenu-iu muene kiambote, nda mu zole jinge Jihova Nzambi ienu.

Josuué 23:8

Inda enu mu naminina kua Jihova Nzambi ienu, kala ki mua bhange kiá katé bhu kizuua kia lelu.

Dijingunuinu 21:6

Anga u kumuna dingi, uixi: Maka ma zubha kiá kubhita! Eme ngi Alafa ni Omeka, ngi Dimatekenu ngi Dizubhilu. Uoso dinhota dia mu kuata, ngi mu bhana kunua bhʼotho ia menha ma muenhu, mu ngoho.

Dijingunuinu 22:1

Anju anga u ngʼidikiza ue o ngiji ia menha ma muenhu, mazele kala kidistalo, i fuafua bhu kiandu kia Nzambi ni kia Kambudi,

Dijingunuinu 22:17

Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.