Matendelelu 30:19 - O Mikanda Ikola

¹⁹ Ni diulu ni oxi a ngi kale jimbangi, kuma nga ku tudila lelu o muenhu ni kúfua; nga ku tudila ue o kuzediua, ni kuxixima, sola-phe muenhu, nda u laie, nʼeie ni mbutu ié.

Matendelelu 30:19 ပူးပေါင်းရင်းမြစ်များ

Dimatekenu 2:17

maji ku muẋi-phe ua kuijiia kiauabha ni kiaiibha kana kudia-ku; mukonda o kizuua ki ua kà dia-ku, ijiia na-kiu kuma ua kà fua muene.

Jisálamu 119:111

Umbangi ué uene u nga tambula kuma undundu uami sé thembu, mukonda uene ua ngi bhana o kusanguluka mu muẋima.

Jisálamu 119:173

Lukuaku lué luize mu ku ngi kuatekesa, kuma eme nga solo muene o ijila ié i ua xindi.

Jisálamu 119:30

Eme nga solo uendelu ua ufiiele; ima ioso i ua tetulula nga i bhake muene ku mesu.

Jisabhu 1:29

Mbata ene o kuijiia a dizemba na-ku; a di tunu kusola o uoma ua Jihova.

Jisabhu 12:28

Mu kukaiela kuiuka, muene muala o muenhu; kuma mu njila ja kuiuka, ki mueniʼê kalunga.

Jisabhu 8:36

Maji uoso u ngi ta kituxi, ua kakula o muenhu uê muene; kuma ene oso a ngi zemba eme, andala kalunga, ala mu kenga kúfua.

Jisabhu 9:11

Mbata ko kuamiʼeme kuene ku ua kà muena o kuvula kua izuua ié, hé a kà ku bandekezela-ku mivu ia muenhu.

Izaía 1:2

Ivenu, enu mu maúlu, eie ue u ixi, bhana mátui; mbata Jihova muene ua mu zuela: Nga bhange ana, nga a bhana kijingo; maji ene a ngi balukila.

Izaía 56:4

Mbata Jihova uambe: Jingolambole joso, jene kualuka jisabhalu jami, anga a tungula ioso ia ngi uabhela eme, nʼa tambulula kikutu kiami ni vondadi.

Jelemiia 21:8

Mundu iá-phe tangela-u: Jihova uambe kiki: Talenu eme nga mi tudila njila ia muenhu ni njila ia kúfua bhu pholo ienu.

Jelemiia 32:39

Anga ngʼa bhana ene oso muẋima umoxi, ni njila imoxi, nʼa ngi kuatela uoma izuua ioso, phala mbote iâ ene ni mbote ia anʼâ, a-nda ku a bhingana.

Jelemiia 42:21

Iene-phe iii i nga mi tangela lelu; maji mu ima ioso ia ngi tumu na-iu muene kòkuenu, enu mua tokoka ku bhana mátui ku dízui dia Jihova, Nzambi ienu.

Izekiiele 20:11

Eme nga a bhana o jingonge jami ni ku a londekeza o mabatuilu ami, a bhingi kuila se o muthu u mʼaluka, muene mua muena o muenhu.

Luka 10:42

Maji kia kate-phe ngó kima kimoxi: Madiia ua solo o mbandu iambote, kà tena ku mu tambula-iu.

Jipoxolo 2:39

Kuma o kizuelu kiê kia bhana, kia mi tokala enu, ni anʼ enu, ni oso ala ku makanga, oso kiá a kà exana kuala Nzambi, Ngana ietu.

Matendelelu 11:26

Talesenu, kuma leluʼidi ngala ku mi tudila kuzediua ni kuxixima.

Matendelelu 30:1

Hé ua mono kua kuiza ima ioso iii, dibesá mba uíndua, kala o ima iii i nga ku tela kiá ku pholo ié, se u i lembalala kiambote muʼaxaxi ka miji ioso kua kà ku takuila Jihova Nzambi ié;

Matendelelu 30:15

Ua ki mono-phe, kuma, lelu ngala ku ku tudila o muenhu ni mbote ku mbandu kuku; ngala ku ku tudila ue o kúfua ni ʼlamba ku mbandu iamukuá.

Matendelelu 30:16

Kuma ngala ku ku tendelela lelu, ngixi: Zola Jihova Nzambi ié, endela mu ikoka iê, ijiia iê bhaka-iu kiambote, ni jingonge jê, ni mabatuilu mê; se kiene ki u bhanga, u kala ni muenhu, u di sokolola u kala u munéne; o Jihova Nzambi ié ua-nda ku ku zediuisa mu ixi i ua-nda kubokona mu ku i vua.

Matendelelu 31:17

Mu kizuua kienʼokio bhene-phe kiá bhua-ndu uamena o kutema kuami, anga ngʼa ehelelela, pholo iami ngi i lungisa kiá kuengi, phala a a jikinise; a-nda kutala hadi ni jiphaxi javulu, anga a kʼèla: O hadi ioso iii ia tuʼijila mukonda Nzambi ietu muʼaxaxi ketu kʼala-mu, ki kiene?

Matendelelu 31:28

Ngi bhongoluedienu adiakimi oso a miji ienu, eze bhabha, ni jifixiiadi jenu. Ngandala ku a zuelela o maka iá ku mátui menu, ni kukuata-bhu o diulu ni oxi, phala a ngi kale jimbangi bhu kaẋi ni ene.

Matendelelu 32:1

Enu mu maúlu, bhetekenu mátui, kuma nga-nda kuta maka: oxi ue ibatekele o maka matundu mu kanu diami.

Matendelelu 4:1

Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Matendelelu 4:25

O kioso-phe ki mu vuala ana ni aláula, anga muiza ku uadiakimi, ni jimvi mu mútue, mʼoxi muenhomo, hé ku mʼiza lufuku lua ku di songela kiá iteka mba ima ikala ni kidifua kioso-kioso, o Jihova kia kʼila sûi, anga ki mu ibhila kuma mua mu lokalala.

Matendelelu 4:26

Eme-phe lelu ni oxi ni diulu, akale jimbangi jami; mukonda, nga tange kidi kuma, mua-nda kutukumuka mua jimi o mbutu, mʼoxiʼomo anga mu bhua-mu, anga mu ila Njolodá mua mu záuka kiua, maji oxi ki mua xialela na-iu, kuma ki mua-nda kunakina-mu; mua-nda kujikinina muene kindala.

Matendelelu 4:6

O jingongʼiji mu ila ni ku ji langa ni ku ji kumbidila, kuma uene o unjimu uenu ni kutetuluka kuenu bhu mesu a ifuẋi; oso a-nda kuívua o jingonge josoʼiji, a-nda kuila: O mundu iú uónene, ni mu unjimu ni mu kutetuluka kamoneka soko diâ.

Matendelelu 6:2

Mbé u kuate kuxila Jihova Nzambi ié, ni kualuka o jingonge ni ijiia iê ioso, i ngala ku ku tendelela, eie, ni monʼé ni mululu ni mulaulʼé, izuua ié ioso i ukala ni muenhu; o mu ku ki bhanga-phe ua kà laia izuua iavulu.

I Timote 5:21

Nga ku tendelela ku mesu ma Nzambi, ni ma Jezú Kristu, ni ma jianju jangene, kuila mu ioso i u bhanga jinga, ima iii u i kumbidila muene sè hèle mba kubhanga kima ni kathômbo ka muthu.