Matendelelu 30:14 - O Mikanda Ikola

¹⁴ Mbata o kizuelu kiki kia ku kala muene bhua zukama, mu kanu dié-muène mu ki ala, ni mu mu muxima ué phala u tene ku ki bhanga jinga.

Matendelelu 30:14 ပူးပေါင်းရင်းမြစ်များ

Jelemiia 12:2

Eie ua a phaphe, ene ia a te jindanji; ia a suluka muene ku pholo, kuma a bhana ibundu; eie uala muene mu kanu diâ, maji uala dikanga ku miẋima iâ.

Izekiiele 2:5

O ene-phe, kixi evua mba a kamba kuívua, (mbata ene ala dibhata dia ẋinuka) a-nda kuijiia-phe kuila mu kaxi kâ muejile musesedi.

Izekiiele 33:31

Ene anga eza kokué, kala o mundu ki uejidila kiá o kuiza, hé a xikama bhu pholo ié-eie, kala mundu uami, anga evua muene o maka oso u uà tela, maji ka xikina kuia ni ku a bhanga; mukonda a bhomba ni dikanu diâ, maji o muẋima uâ uala ku kaiela o unjenje uâ.

Izekiiele 33:33

Maji, o hádia kioso kiza kiki, kienhokio-phe a kà kʼijiia muene kuila o mu kaxi kâ mua kexile ni polofeta.

Matesu 7:21

Ki ene oso a ngʼila Ngana, Ngana, a kà bokona mu mbanza ia diulu; kikale ngó ió u bhanga o vondadi ia Tata iami uene mu diulu.

Nzuá 5:46

Mbata se mua xikanene Mozé, mueju ngi xikana ue eme, mukonda muène o ioso ia soneka, ua ngi tumbula eme.

Jipoxolo 13:26

Phaulu anga u zuela dingi, uixi: Enu phange jami, mu ana kixina kia Mbalahamu, ni enu oso ki mu Jijudé maji mua xila Nzambi, makʼ ama ma kubhuluka ma tu kane etu-ene oso.

Matendelelu 30:13

Ki kiala ue kuemʼoko dia musanza ua Kalunga, kuamba uila: Mukuahi u tu zauʼkila o musanza iú ua Kalunga, nʼa tu bhekela-kiu kunu, anga u tu ivisa-kiu phala tu ki aluke?

Matendelelu 30:15

Ua ki mono-phe, kuma, lelu ngala ku ku tudila o muenhu ni mbote ku mbandu kuku; ngala ku ku tudila ue o kúfua ni ʼlamba ku mbandu iamukuá.