Matendelelu 30:10 - O Mikanda Ikola

¹⁰ Maji kikale imʼiii ijiia mu kusuua o dízui dia Jihova Nzambi ié, ni mu kualuka o ijiia iê ni jingonge jê, jòsoneke mu divulu didi dia Kikutu, mu kuila eie uabiluka kiá anga u vutuka dingi kua Jihova Nzambi ié, ni muxima ué uoso ni muenhu ue uoso.

Matendelelu 30:10 ပူးပေါင်းရင်းမြစ်များ

Nehemiia 1:9

Maji se enu mua kà diela anga mua kà biluka ko kuami, anga mu bhaka o ijila iami, ni ku i bhanga, eme bhenhobho, né hanji jihutile jenu ja kà kala kua suku o diulu, kueneʼoko nga kà a bhongolola anga ngiza-nâ bhu kididi ki nga solo phala kubhanga-bhu nangu dia dijina diami.

Izekiiele 18:21

Maji o mukua phulu-phe, se u diela o ituxi iê ioso ia-te, hé uaiuka o jingonge jami ni kubhanga iaiuka ni kubatula o kidi, o muthu ió ni kidi muene u laia, ka tena kúfua.

Izekiiele 33:11

Ambela-u, uixi: Kikola! Eme ngi Jihova Nzambi! Kuma eme ki ngène mu kuuabhela kalunga ka mukua phulu, maji ki ngi uabhela o mukua phulu kudiela ku njila iê ia ibha nʼa kole muenhu; dielenu-phe, dielenu ku jinjila jenu ja ufusa; abha-phe, mukonda diahi mua-ndo fuenu ngoho, enu mu muiji ua Izalaiele, tata!

Izekiiele 33:14

Kioso eme ue ki ngiia o mukua phulu, ngixi: Ni kidi kiene ua-nda kufua; o muene hé u diela o kituxi kiê, anga u bhanga mabatuilu a kidi ni kuiuka,

Izekiiele 33:19

O mukua phulu, kia diela ku phulu iê, hé u fundisa kiambote ni kubhanga ia iuka, mu ienhiʼii ia bhange muene mua kà kolela o muenhu uê.

Zakadiia 6:15

O ió oso ala ku makanga, a kèza mu ku kuatekesa kutunga Tembulu ia Jihova, enu anga mu kʼijiia kuila Jihova dia Ilombo leta, muene ua ngi tumu kokuenu. Kienhiki kia kà bhita, se enu muividila muene kiambote o dízui dia Nzambi ienu.

Jipoxolo 26:20

Nga diangela kubhana jingolokela ku akua Damasku, ngedi ni ku Jeluzaleme, ni mʼ oxi ioso ia Judeia, katé ni ku matumbu. Nga a jimbuila jinga kuma a tokala a diela ni kueha o ituxi iâ, nʼ a biluke kua Nzambi, ni kubhanga o imbamba ia fuamena o kudiela kua kidi.

Jipoxolo 3:19

Enu-phe dielenu, muenhu uenu u biluke, mu vutuke kua Nzambi, o muène ituxi ienu phala a mi jimune-iu.

I Kolindo 7:19

O kukala u muthu a ku saie, ki kima; o kukala u muthu a kambe o ku ku saia, ki kima. Kia kate-ku o kualuka ijila ia Nzambi.

Matendelelu 29:21

Jihova u mu tungula ku miji ioso ia Izalaiele, phala ku mu huha, kioso kia soko mázui moso ma Kikutu kiosoneke mu divulu didi dia ngonge.

Matendelelu 30:11

Mbata kitumu kiki, ki ngala ku ku tendelela leluʼiki, ki kia ku jinganena, kana, (kuila ki lémbua ku ku tetulukila), ki kia kala ue bhualebha.

Matendelelu 30:2

o ki u biluka kua Jihova Nzambi ié, anga dízui diê u di xikina, anga u bhana matui kala ki nga ku tendelela leluʼiki, nʼeie ni anʼê, anga mu ki bhanga muene ni muxima uenu uoso ni muenhu uenu uoso;

Matendelelu 30:8

Eie-phe kibhinga u tolola dingi muene o muxima, anga uenda ni kusuua o dízui dia Jihova; ijiia ioso i ngala ku ku tendelela leluʼidi uenda ni ku i bhanga.

Matendelelu 4:29

Kienhokio-phe, kuenhoko ua kà sota Jihova Nzambi ié, anga u mu sanga, se u mu sota ni muxima uê uoso ua muvimba, ni muenhu uê uoso ua muvimba.

Matendelelu 6:5

Zola-phe Jihova Nzambi ié ni muxima ué uoso, ni muenhu ué uoso, ni nguzu ié ioso.