Matendelelu 3:4 - O Mikanda Ikola

⁴ Bu kumbiʼobho-phe anga tu tolola o jisanzala jê joso; ki tuaxi-bhu sanzala i tua kambe ku i tambula; makuinhi asamanu a jisanzala, mbambe ioso iaʼxi ia Angobe ia utuminu ua Hoke mu Basane.

Matendelelu 3:4 ပူးပေါင်းရင်းမြစ်များ

I Jisobha 4:13

Bene-Ngabele, mu Lamote-Ngiliiade ni jisanzala ja Jaíle monʼa Manasa mu Ngiliiade ja mu tokala, ni ixi ioso ia Alekobe mu Basane, ia mu tokala, makuinhi asamanu a mbonge a bhiti imbaka ni jitalanga ja utadi ua kobidi:

Dialuilu 21:35

Anga a mu jibha ni anʼê a mala, ni kifuẋi kiê kioso, katé ki kua mu xala muthu; anga a bhingana mʼoxi iê.

Matendelelu 3:13

O kaxaxe ka muiji ua Manasa nga u lunduisa o mbandu ia Ngiliiade ia subhukile, ni Basane ioso, mua kexile o utuminu ua Hoke, ni dikaẋi dioso diaʼxi ia Angobe. (Mu xahulu o Basane ioso, akexi ku ixana exi oxi ia mazonda, o Jinefalime.

Matendelelu 3:14

Jaíle monʼa Manasa, muene kiá ua tambuile o dikaẋi dioso dia ixi ia Angobe katé mu kiuanu ni akua Jesule ni akua Mahaka, anga u i luka dijina diê uixi: Basane-ia-Havote-Jaíle, katé mu kizuua kia lelu.)

Matendelelu 3:3

Jihova Nzambi ietu anga u tu bhana Hoke, sobha ia Basane, ni mundu uê uoso ua tu bhakuila-nê bhu makuʼetu, anga tu mu kuama muene katé ki tua mu jimi mbutu, né ngó muthu umoxi ka mu subhuka-ku.

Matendelelu 3:5

Jisanzala jene joso jiji ja kondoloka mu imbaka ia di leka, ni imabhitu ni jiphapha ja felu; kua di tele ni jisanzala ja mukuá, janzungule muene, ja kambe kukala mu imbaka.

Matendelelu 4:47

anga oxi iê a mu tambula-iu, hé a iʼvua mu ubhinganu; kiene ue kimoxi ni oxi ia Hoke, sobha ia Basane, ku jisobha jiiadi ja akua Mamodi, atungile ku sámbua kunu dia Njolodá, ku mbandu ia mutunda ilakumbi.

Josuué 12:4

Kadi, Hoke, sobha ia Basane, ua subhukile ku Jinefalime (o mazonda a fuma mʼukulu) iu ua tungile mu Jitalote ni mu Dilei.