Matendelelu 3:28 - O Mikanda Ikola

²⁸ Longesa-phe kiambote Josuué, mu suinise, mu kolokotese; mukonda muene ua-nda kutuamenena o mundu iú, ni ku u lunduisa oxi i ua-nda ku kengelelʼii.

Matendelelu 3:28 ပူးပေါင်းရင်းမြစ်များ

I Malunda 22:6

Uixana-phe Solomá, monʼê, anga u mu tendelela kuila: O Jihova, Nzambi ia Izalaiele, a mu tungile dibhata.

I Malunda 28:20

Davidi anga uambela monʼê Solomá, uixi: Suina, u kale u kindanda, u kalakale. Ku kale ni hèle, mba u kala ni uoma. Mukonda o Jihova Nzambi, Nzambi iami, uanda kukala ni eie. Muène kanda ku ku xisa ubheka, mba u ku ehelela, katé ki u zubha o kikalakalu kioso kia inzo ia Jihova.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Jipoxolo 7:45

O iene kia i lundula o jitata jetu, eza na-iu ni Josuué kia bokona mu bhingana mʼoxi mumu mua kaiesa Nzambi o matumbu ku pholo ia jitata jetu. Anga a kala kienʼiki katé mu izuua ia Davidi.

Matendelelu 1:37

Jihova bhenbhobho ua di vunza ue nʼeme, mukonda-phe dienuʼenu, uixi: Eie ue (u Mozé) mʼoxiʼomo kua ká bokona-mu.

Matendelelu 1:38

Josuué, monʼa Nune, uala kunanga bhu pholo ié, muene ua kà bokona-mu; mu suinise-phe muene, kuma muene ua-nda kua kà i lunduisa Izalaiele.

Matendelelu 31:23

Anga Jihova uambela Josuué, monʼa Nune, uixi: Kala u kindanda, u kole kiambote o muxima! Mbata eie ua-nda kubokuesa anʼa Izalaiele mʼoxi i nga a lokela Eme-muène nga-nda ku kala jinga nʼeie kumoxi.

Matendelelu 31:3

O Jihova Nzambi ié muene ua-nda ku ku tuamenena ku pholo. O akua jixi jiji, iá muene ua-nda ku ku jikinisina-u, nda eie u vue oxi iâ. Josuué muene u ku kala ku pholo ia ku ku endesa, kala kiambe Jihova.

Matendelelu 31:7

Mozé anga uixana Josuué, u mu ambela, bhu mesu a Izalaiele ioso, kuamba: Kala u kindanda, kola maku! Mukonda eie-muène ua-nda ku bokona ni mundu iú mʼoxi ia lokela Jihova ku i bhana ku jitata jenu; eie muene-phe ua-nda ku a lunduisa-iu.

Jihebeleu 4:8

O ki kala Josuué ua a bhele dinhohenu, Nzambi hinu keji ku di kumuna dingi ku pholo kunu, anga u tanga kizuua kiamukuâ.

Josuué 1:2

Mubhikʼami Mozé, uafu; kiki-phe balumuka, u zaúke ngiji iii ia Njolodá, ni eie ni kifuẋi kioso kiki, mu bhiẋile mʼoxi i nga-nda ku bhana anʼa Izalaiele.